完整藏文原文 · 德格版页 当前仅加载第 76 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
བ་རྣམས་ནུབ་པར་ཐུགས་སུ་ཆུད་ནས། འདི་ནི་སྡུག་བསྔལ་ལོ། །འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བར་མཁྱེན་ཏོ། །དགེ་སློང་དག་གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་
D352.076.0078b01.01སྣང་བ་ནས་དེ་དག་གང་ཞེ་ན་ཞེས་བྱ་བའི་བར་དུ་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་མཐའ་ཡོད་པ་དང་མཐའ་མེད་པ་པ་སྟེ། བདག་དང་འཇིག་རྟེན་ནི་མཐའ་ཡོད་པའང་མ་ཡིན་མཐའ་མེད་པའང་མ་ཡིན་ཞེས་མངོན་པར་སྨྲ་ཞིང་
D352.076.0078b02.01མངོན་པར་རྗོད་པ་དེ་དག་ཡོད་པ་ནི་འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་། མཐའ་ཡོད་པ་དང་མཐའ་མེད་པ་སྟེ། བདག་དང་འཇིག་རྟེན་ནི་མཐའ་ཡོད་པའང་ཡིན་
D352.076.0078b03.01མཐའ་མེད་པའང་ཡིན་ཞེས་མངོན་པར་སྨྲ་ཞིང་མངོན་པར་རྗོད་པ་ནི་འདི་ལྟ་སྟེ། གཞི་བཞི་པོ་དག་ལའོ། །དགེ་སློང་དག་འདི་ན་དགེ་སྦྱོང་དང་བྲམ་ཟེ་ཤེས་ལྡན་ཁ་ཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་
D352.076.0078b04.01ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་
D352.076.0078b05.01བཞག་པ་ན། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་མཐའ་དང་ལྡན་པ་དེའི་ཕྱིར་དེས་ན་བདག་ནི་འདི་སྙམ་དུ་འཇིག་རྟེན་ནི་མཐའ་དང་ལྡན་ཞིང་ཡོངས་སུ་ཆད་པས་བདག་དགོན་པ་ན་གནས་ཀྱང་རུང་། ཤིང་དྲུང་ན་
D352.076.0078b06.01གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ་ཞེས་བྱ་བ་ནས། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་པར་བྱའོ་སྙམ་པའི་བར་དུ་སྔ་མ་བཞིན་ནོ། །དེ་ལྟར་ན་འཇིག་རྟེན་མཐའ་དང་ལྡན་ཞིང་ཡོངས་སུ་ཆད་པ་འདི་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ་བ་ནི་
D352.076.0078b07.01