完整藏文原文 · 德格版页 当前仅加载第 76 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
བ་བཞིན་དུ་མཛེས་པ་དང་། ཡིད་དུ་འོང་བ་དང་། རྒྱས་པ་དང་། དགའ་དགའ་ལྟར་འདུག་པར་བྱིན་གྱིས་བརླབས་སོ། །ཡང་དེའི་ཚེ་རི་གླང་རུ་ལ་སངས་རྒྱས་བཅོམ་ལྡན་འདས་བཞུགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
D357.076.0223a01.01དང་། དགྲ་བཅོམ་པ་ཆེན་པོ་རྣམས་ཀྱིས་འོད་ཟེར་རྣམ་པ་སྣ་ཚོགས་དུ་མ་བཀྱེ་བས་ལི་ཡུལ་ཐམས་ཅད་སྣང་བ་ཆེན་པོས་ཁྱབ་པར་བྱས་སོ། །དེ་ནས་སྐད་ཅིག་དེ་ཉིད་ལ་མཚོ་ཆེན་པོ་དེའི་ནང་ན་པད་མ་སུམ་བརྒྱ་ལྔ་བཅུ་རྩ་གསུམ་བྱུང་བར་གྱུར་ཏེ། པད་མ་རེ་རེའི་ནང་ན་ཡང་
D357.076.0223a02.01སངས་རྒྱས་དང་། བྱང་ཆུབ་སེམས་དཔའི་སྐུ་གཟུགས་འོད་དང་བཅས་པ་བཞུགས་པ་སྣང་བར་གྱུར་ཏོ། །དེ་ནས་དེའི་ཚེ་ལྷ་རྣམས་ཀྱིས་སྔོན་མ་མཐོང་བའི་མཚན་མ་མཐོང་ནས་སངས་རྒྱས་བཅོམ་ལྡན་འདས་ལ་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་
D357.076.0223a03.01པ། རིགས་ཀྱི་བུ་མཚོའི་ནང་ནས་པད་མ་སུམ་བརྒྱ་ལྔ་བཅུ་རྩ་གསུམ་སངས་རྒྱས་དང་། བྱང་ཆུབ་སེམས་དཔའི་སྐུ་གཟུགས་དང་བཅས་ཏེ་བྱུང་བ་འདི་ནི་མ་འོངས་པའི་དུས་ན་ཡུལ་འདི་བྱུང་བར་གྱུར་པའི་ཚེ་ཡུལ་འདི་ཉིད་དུ་པད་མ་ཇི་སྙེད་པའི་དགོན་པའི་གནས་དང་། གཙུག་
D357.076.0223a04.01ལག་ཁང་ན་གཎ་ཌཱི་བརྡུང་བར་འགྱུར་བ་དང་། གནས་གང་དང་གང་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་ཆེན་པོ་རྣམས་དང་། འོད་ཟེར་རྣམ་པ་སྣ་ཚོགས་འགྱེད་ཅིང་ཡུལ་བྱིན་གྱིས་བརླབས་པའི་ས་གཞི་དེ་དག་དང་། དེ་བཞིན་དུ་ངས་དེ་
D357.076.0223a05.01བཞིན་གཤེགས་པའི་ཕོ་བྲང་མཆོད་རྟེན་གོ་མ་ས་ལ་གན་ད་ཡུལ་དགེ་བ་དང་བཅས་པ་བྱིན་གྱིས་བརླབས་པའི་ས་གཞི་འདིར་དད་པ་ཅན་གྱི་སྦྱིན་བདག་རྣམས་ཀྱིས་སོ་སོ་ནས་སངས་རྒྱས་ལ་སོགས་པའི་གཟུགས་བརྙན་བྱེད་པར་འགྱུར་ཞིང་། གནས་དེ་དང་དེ་དག་ཏུ་
D357.076.0223a06.01བསྙེན་པར་བྱས་ན་ཅི་དང་ཅི་འདོད་པ་འགྲུབ་པར་འགྱུར་བའི་སྔ་ལྟས་ཡིན་ནོ། །ཡང་དེའི་ཚེ་ལྷ་རྣམས་སྟན་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཡུལ་འདི་དུས་ཇི་ཙམ་ཞིག་ན་ནི་འབྱུང་བར་འགྱུར། སུ་ཞིག་གིས་ནི་
D357.076.0223a07.01