完整藏文原文 · 德格版页 当前仅加载第 78 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན། །སྐྲག་ནས་གཞན་ནི་ཐལ་མོ་སྦྱར། །གཤིན་རྗེ་མ་ཧེ་ལ་ཞོན་པ། །ཁ་དོག་ནག་པོ་ལག་བཞི་པ། །དབྱུག་པ་དང་ནི་ཐོད་པ་འཛིན། །དེ་བཞིན་སྐྲག་ནས་ཐལ་མོ་བྱེད། །བདེན་བྲལ་དང་ནི་ཁྱི་ལ་ཞོན། །ཁ་དོག་ལྗང་གུ་ལག་བཞི་པ། །རལ་གྲི་ཉིད་དང་ཐོད་པ་འཛིན། །སྐྲག་ནས་གཞན་དག་ཐལ་མོ་སྦྱོར། །
D371.078.0136b01.01ཆུ་ཡི་ཕྱོགས་ནི་ཆུ་སྲིན་ཞོན། །ཁ་དོག་དཀར་པོ་ལག་བཞི་པ། །ཞགས་པ་དང་ནི་ཐོད་པར་ལྡན། །གཞན་དག་ཐལ་མོ་ཁ་སྦྱོར་བྱེད། །རླུང་ནི་{རི་དགས་,རི་དྭགས་}ཞོན་པ་སྟེ། །དུ་བའི་མདོག་ཅན་ལག་བཞི་པ། །བ་དན་དང་ནི་ཐོད་པར་ལྡན། །དེ་བཞིན་གཞན་ནི་ཐལ་མོ་སྦྱོར། །ནོར་སྦྱིན་ན་ནི་གཏེར་ལ་ཞོན། །ཁ་དོག་སེར་
D371.078.0136b02.01པོ་ལག་བཞི་པ། །རིན་པོ་ཆེ་དང་ཐོད་པར་ལྡན། །གཞན་དག་ཐལ་མོ་སྦྱར་བའོ། །གཟའ་དང་རྒྱུ་སྐར་ཐམས་ཅད་ནི། །སོ་སོའི་དཀྱིལ་འཁོར་ལ་བསམ་བྱ། །རང་གི་དམ་ཚིག་ལས་བྱུང་བ། །སྟོབས་པོ་ཆེ་ལ་རྫུ་འཕྲུལ་ལྡན། །མ་མོ་ཀུན་གྱི་ཡང་མ་མོ། །དེ་བཞིན་རིག་པར་གྱུར་པའི་མཆོག །ཉོན་ཅིག་ལྷ་མོ་ཆེ་
D371.078.0136b03.01ཆེན་མོ། །གཏོར་མ་རེ་རེས་གཟུང་བར་བྱ། །དངོས་གྲུབ་ཐམས་ཅད་རབ་སྟེར་བའི། །རྟག་ཏུ་རྣལ་འབྱོར་གར་སྤྱོད་ན། །དེ་ལ་འབད་པས་ཁུར་བྱེད་པའི། །ཕོ་ཉའི་སྒྲུབ་ཐབས་རབ་བཤད་པ། །རྒྱུད་རྣམས་ཀུན་ནས་རྙེད་དཀའ་བའི། །དེ་ཡིས་ལྡན་བྱས་དངོས་གྲུབ་འགྱུར། །རྣལ་འབྱོར་གཅིག་པས་རྟག་
D371.078.0136b04.01གནས་པས། །འཁོར་བའི་སྐྱོན་དང་ངེས་པར་གྲོལ། །ཕོ་ཉ་མོར་ཆགས་རྟག་པར་གྲོལ། །མཆོག་གི་རིམ་པས་སྤྱད་པར་བྱ། །བསྙེན་བཀུར་ཙམ་ནི་བྱ་མིན་གྱི། །སྐྱེ་གནས་དམན་པའང་དགའ་བདེའི་གནས། །མ་དང་སྲིང་མོ་བུ་མོ་དང་། །ཆུང་མ་ཡང་ནི་ཕོ་ཉར་གནས། །འཇིག་རྟེན་ལ་རྟག་གཡོན་པས་
D371.078.0136b05.01སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པས་ཡོངས་སུ་བསྒྱུར། །གཡོན་པ་དང་པོར་མཆོད་པར་བྱ། །གཡོན་པ་ཕྱོགས་ཀྱིས་བསྒྱུར་བྱ་ཞིང་། །གཡོན་པས་འབད་པས་ཚིམ་པར་བྱེད། །དཔལ་རྡོ་རྗེ་མཁའ་འགྲོའི་སྙིང་པོའི་རྒྱུད་ཆེན་པོ་ལས་ལེའུ་བཅུ་བཞི་
D371.078.0136b06.01པའོ།། །།དཔལ་རྡོ་རྗེ་མཁའ་འགྲོའི་རྒྱུད་ཕྱི་མ་སྙིང་པོ་བསྡུས་པ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་མཆོག་གི་དབང་ཕྱུག་གི་ཞལ་སྔ་ནས་དང་། བོད་ཀྱི་དགེ་སློང་ཤཱཀྱ་བརྩོན་འགྲུས་ཀྱིས་གྲོམ་པ་རུ་ལག་རྒྱང་ཕུའི་ལྷ་རི་མོའི་མགུལ་གྱི་དབེན་གནས་སུ་བསྒྱུར་བའོ།། །།
D371.078.0136b07.01