完整藏文原文 · 德格版页 当前仅加载第 79 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅིག་བཞི་པའི་ཡེ་ཤེས་ཀྱིས། །ཉམས་ལ་ཞེན་པའི་རྣམ་རྟོག་གཅད། །སྐད་ཅིག་ལྔ་བའི་ཡེ་ཤེས་ཀྱིས། །ཉམས་མྱོང་བདེ་བའི་རྣམ་རྟོག་གཅད། །སྐད་ཅིག་དྲུག་པའི་ཡེ་ཤེས་ཀྱིས། །ཡིད་ལ་བྱེད་པའི་རྣམ་རྟོག་གཅད། །གྲོལ་འགྱུར་
D379.079.0072b01.01རབ་ལ་ཐེ་ཚོམ་མེད། །དབང་པོ་འབྲིང་པོའི་གང་ཟག་ལ། །རླུང་དྲུག་མན་ངག་བསྟན་པ་ནི། །ལྷན་ཅིག་སྐྱེས་པའི་རླུང་གོམས་པས། །རང་བཞིན་སྒྲིབ་པ་སེལ་བར་བྱེད། །ཐད་ཀར་འབྱུང་བའི་རླུང་གོམས་པས། །མཚན་མོ་ལྟ་བུའི་སྒྲིབ་པ་སེལ། །
D379.079.0072b02.01རང་ལས་སྐྱེས་པའི་རླུང་གོམས་པས། །ཆོད་པའི་སྒྲིབ་པ་སེལ་བར་བྱེད། །སྤོང་བྱེད་རླུང་ལ་གོམས་པ་ཡིས། །སྔོན་དུ་རྒྱུ་བའི་སྒྲིབ་པ་སེལ། །སྦྱོང་བྱེད་རླུང་ལ་གོམས་པ་ཡིས། །ཤེས་བྱའི་སྒྲིབ་པ་སེལ་བར་བྱེད། །རྫོགས་བྱེད་རླུང་ལ་གོམས་པ་ཡིས། །
D379.079.0072b03.01ས་རྣམས་རིམ་གྱིས་གནོན་པར་བྱེད། །ཡེ་ཤེས་རྣམས་ནི་དུས་གཅིག་འཆར། །ཤེས་བྱ་ཐམས་ཅད་དུས་གཅིག་ཆོད། །རླུང་དྲུག་མ་ཡིན་ཡེ་ཤེས་ཡིན། །མུན་པ་རྣམས་ནི་བསྒྲིབས་པ་ཡིས། །ཡེ་ཤེས་རིམ་གྱིས་སྐྱེ་བ་དང་། །སྒྲིབ་པ་རིམ་གྱིས་སེལ་བར་བྱེད། །
D379.079.0072b04.01གྲོལ་འགྱུར་འདི་ལ་ཐེ་ཚོམ་མེད། །དབང་པོ་ཐ་མའི་གང་ཟག་ལ། །ཡུལ་ནི་དག་པའི་སངས་རྒྱས་ཞིང་། །ལུས་དག་པ་ནི་དཀྱིལ་འཁོར་ཡིན། །རང་སེམས་དག་པ་ཕག་མོའི་སྐུ། །ངག་དག་པ་ནི་སྔགས་སུ་གསུངས། །ལྟ་བསྒོམ་དག་པ་དངོས་གྲུབ་ཡིན། །དཔེ་དོན་
D379.079.0072b05.01གཉིས་སུ་མེད་པ་གང་། །སྐལ་མེད་དངོས་གྲུབ་མི་འབྱུང་བས། །ལོ་དྲུག་བསྒོམས་ན་ཐེ་ཚོམ་མེད། །ཅེས་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་རྒྱུད་ཕྱི་མ་རྫོགས་
D379.079.0072b06.01རིམ་བསྟན་པའི་ལེའུ་སྟེ་གཉིས་པ་རྫོགས་སོ།། །།པཎྜི་ཏ་ག་ཡ་དྷ་རའི་ཞལ་སྔ་ནས་ལོཙྪ་བ་གྱི་ཇོ་ཟླ་བ་འོད་ཟེར་གྱིས་བསྒྱུར་བའོ།།
D379.079.0072b07.01