完整藏文原文 · 德格版页 当前仅加载第 79 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་གུ་ཧྱ་བཛྲ་ཏནྟྲ་རཱ་ཛ། བོད་སྐད་དུ། དཔལ་གསང་བ་རྡོ་རྗེ་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་ལྡན་འཁོར་ལོ་སྡོམ་པ་རུ། །གསང་བའི་འཁོར་ལོ་མི་གསུང་བ། །བདག་གིས་ཟབ་
D383.079.0184b01.01མོའི་དོན་མ་རྟོགས། །དེ་ཕྱིར་ཁྱེད་ཀྱིས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་ལྷ་མོ་སྤྱན་བཟང་རིང་། །གསང་བའི་འཁོར་ལོ་ཤིན་ཏུ་ཟབ། །རྒྱུད་རྣམས་ཀུན་ཏུ་མ་གསུངས་པ། །ཁྱོད་ཀྱི་ངོར་མཛད་ང་ཡིས་བཤད། །གསང་བ་
D383.079.0184b02.01རྡོ་རྗེ་རྒྱུད་ཀྱི་རྒྱལ་པོ་ལས་གླེང་བསླང་བའི་ལེའུ་སྟེ་དང་པོའོ།། །།ལྷ་མོས་གསོལ་པ་བཅོམ་ལྡན་འདས། །གསང་བ་ཞེས་པ་ཇི་ལྟར་ལགས། །དེ་ཡི་འཁོར་ལོ་ཇི་ལྟར་ལགས། །དེ་ཡི་རྡོ་རྗེ་ཇི་ལྟར་ལགས། །དེ་ཡི་པདྨ་ཇི་ལྟར་ལགས། །བཅོམ་
D383.079.0184b03.01ལྡན་འདས་ཀྱིས་བཀའ་སྩལ་པ། །གསང་བ་ཞེས་པ་རྣམ་པ་བཞི། །གསང་བའི་ཕོ་བྲང་དང་པོ་སྟེ། །དེ་ནས་གསང་བའི་དབང་བསྐུར་ཕྱིར། །གཉིས་པ་རིག་པའི་ཕོ་བྲང་སྟེ། །བཞི་པའི་དོན་ནི་རིག་པའི་ཕྱིར། །གསུམ་པ་རྟ་མགྲིན་འཁོར་ལོ་སྟེ། །དེ་ཡི་མགྲིན་
D383.079.0184b04.01པར་གནས་པའི་ཕྱིར། །བཞི་པ་གསང་བ་བདེ་སྐྱོང་སྟེ། །སྡིག་པ་སྤོང་ཕྱིར་བདེ་སྐྱོང་ཡིན། །དེ་རྣམས་དོན་ནི་གསང་བ་སྟེ། །བརྟུལ་ཞུགས་བྱེད་ཅིང་གཏོང་ཕོད་ཆེ། །ཨེ་བྃ་ཟབ་ཅིང་ཆགས་ལ་དགའ། །ཁུ་བ་འཛག་ཅིང་རཀྟ་འབབ། །འདི་ལ་སྟོན་གྱིས་གཞན་ལ་
D383.079.0184b05.01གསང་། །རྡོ་རྗེ་པདྨ་ཞེས་བྱ་བ། །བཞི་པོ་གནས་པའི་རྟེན་ཡིན་ཏེ། །དཔེར་ན་ཁང་རྟེན་ཀ་བ་བཞིན། །རྒྱུད་ཀྱི་དོན་ནི་རྒྱུན་ཡིན་ནོ། །གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་རྟོག་པ་སེལ་བའི་ལེའུ་སྟེ་གཉིས་པའོ།། །ལྷ་མོས་གསོལ་པ་བཅོམ་ལྡན་འདས། །
D383.079.0184b06.01རེ་རེའི་དབྱེ་བ་མ་འཚལ་བས། །འཇིག་རྟེན་ཀུན་རྫོབ་ཉིད་དུ་ལྷུང་། །འཁྲིག་པའི་ཟུག་རྔུ་མི་བཟད་པས། །བདག་ནི་འདི་ཉིད་དུ་ནི་འགུམ། །བཅོམ་ལྡན་འདས་ཀྱིས་བཀའ་སྩལ་པ། །གསང་བའི་ཕོ་བྲང་རིམ་པ་དྲུག །འདབ་མའི་གྲངས་ནི་ཉིས་འགྱུར་རོ། །རྟ་
D383.079.0184b07.01