完整藏文原文 · 德格版页 当前仅加载第 79 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །ཤེས་རབ་ཡེ་ཤེས་བསྲུབ་པར་བྱ། །ཤིང་རྟ་ཡི་ནི་འཁོར་ལོ་ལྟར། །ཡུལ་ལ་ཡང་དག་རྒྱུག་པའི་སེམས། །དེ་དག་ལས་ནི་བཟློག་ནས་སུ། །ལས་ཀྱི་རླུང་ནི་ཆེན་པོ་གཡོས། །ཡེ་ཤེས་མེ་ནི་ཆེན་པོ་འབར། །རྣམ་རྟོག་སྲེག་སྟེ་བདུད་རྩིའི་རོས། །ཏིལ་གྱི་འབྲུ་བཞིན་
D391.079.0216b01.01གང་བ་སྟེ། །སྐྱེ་བ་མེད་པའི་གནས་སུ་གཟུང་། །དེ་ནས་སེམས་ནི་བརྟན་གྱུར་ནས། །མཚན་མར་སྣང་བ་འགག་པར་འགྱུར། །དེ་ཉིད་ལས་ནི་བཟློག་ནས་སུ། །རང་སེམས་སྟོང་པར་བསྒོམ་པར་བྱ། །ཆོས་ལ་བདག་མེད་རྟོགས་པ་ན། །དེ་ཚེ་སེམས་ནི་རྟོགས་པར་
D391.079.0216b02.01འགྱུར། །ཐམས་ཅད་སྟོང་པར་རོས་གང་སྟེ། །བདེ་བ་ཆེན་པོའི་སྐུ་ཞེས་བརྗོད། །ཤེས་རབ་ཕ་རོལ་ཕྱིན་པ་སྟེ། །འདི་ལ་བསལ་བ་ཅི་ཡང་མེད། །བསྣན་པར་བྱ་བ་ཅི་ཡང་མེད། །དེ་ཉིད་མཐོང་བས་རྣམ་པར་གྲོལ། །རིགས་གཅིག་དང་ནི་རིགས་གསུམ་དང་། །རིགས་ལྔ་
D391.079.0216b03.01རིགས་ནི་བརྒྱ་ལ་སོགས། །དེ་ཉིད་འདི་ལ་ཐ་དད་མེད། །ཇི་ལྟར་གླང་པོ་རྙེད་གྱུར་ནས། །གླང་པོའི་རྗེས་ནི་མི་བཙལ་ལྟར། །སེམས་ཀྱི་དེ་ཉིད་རྙེད་གྱུར་ན། །རྣམ་རྟོག་གང་ཡང་མི་བཙལ་ལོ། །ཇི་ལྟར་དུག་ནི་འདོད་པ་ལ། །སྨན་ཉིད་དུག་ཏུ་སྦྱར་ཏེ་བྱིན། །སྨན་ལས་དུག་འབྱུང་སྦྱོར་
D391.079.0216b04.01བ་ཡང་། །སྨན་པ་མཁས་པས་སྦྱོར་བ་ཤེས། །གཞན་ཡང་མར་དང་ཁ་ར་དང་། །མར་གྱི་སྙིང་པོ་ལ་སོགས་པ། །འཐུངས་ཏེ་ཞུ་ན་སྨན་དུ་འགྱུར། །དེ་བཞིན་ང་ཡིས་གསུངས་པ་ཡང་། །དྲང་བའི་དོན་དང་ངེས་པའི་དོན། །སྒྲ་ནི་ཇི་བཞིན་ཇི་བཞིན་མིན། །དགོངས་
D391.079.0216b05.01པ་དང་ནི་དགོངས་པ་མིན། །བསྲེགས་བཅད་བདར་བའི་གསེར་བཞིན་དུ། །ཡོངས་སུ་བརྟགས་ནས་ང་ཡི་བཀའ། །བླང་བར་བྱ་ཡི་མོས་པའམ། །གཞན་གྱིས་མཁས་པ་འཇུག་མི་བྱ། །ཇི་ལྟར་སྐྱེ་བོ་བླུན་པོ་སྟེ། །དགྲ་རུ་གྱུར་པའི་སྐྱེ་བོ་ཡིས། །སྨན་ཡིན་བྱས་ཏེ་དུག་བྱིན་
D391.079.0216b06.01ན། །སྨན་དུ་དམིགས་ཏེ་དུག་ཟོས་ན། །ཟོས་པའི་རྗེས་ལ་འཆི་བར་འགྱུར། །ཐབས་རྣམས་ཐམས་ཅད་སྒྱུ་མར་ཤེས། །ཤེས་རབ་བརྗོད་དུ་མེད་པར་གསུངས། །ཇི་ལྟར་རིག་པ་མཁས་པ་ཡིས། །དུག་ནི་དུག་གིས་འབྱིན་པར་བྱེད། །ཇི་ལྟར་མེ་ཡིས་ཚིག་པ་ལ། །དེ་བཞིན་མེ་ཡིས་
D391.079.0216b07.01