完整藏文原文 · 德格版页 当前仅加载第 79 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་མེད་སྨན་དང་སྣུམ་ལྡན་པའི། །ཟུག་རྔུ་མི་སྐྱེད་མཆོད་རྫས་ཀྱིས། །བཻ་རོ་ཙ་ནའི་ལམ་དུ་མཆོད། །དྲི་ཞིམ་ཆུ་ཡིས་ཁྲུས་བྱས་ཏེ། །ཁྲུས་ཀྱིས་ལུས་ལ་མཆོད་པ་དབུལ། །སྨན་དང་སྣུམ་གྱི་ཕྱེ་མ་ཡིས། །སྒོ་གཉིས་དག་ཏུ་མཆོད་པ་དབུལ། །ཤིན་ཏུ་དྲོ་བའི་མེ་དག་གིས། །
D394.079.0222b01.01གཏུམ་མོའི་མེ་ལ་མཆོད་པ་དབུལ། །རྐེད་པའི་ཚད་མཉམ་ཀ་ཏི་ཀ། །གདན་ཁྲི་བསྟབ་པའི་མཆོད་པ་དབུལ། །དེ་ཡིས་འདྲོངས་པར་གདོན་མི་ཟ། །དེ་ནས་རྒྱས་པར་བྱ་བ་ཡང་། །གཞན་ནི་གོང་དང་འདྲ་བ་སྟེ། །ཕྱི་ནང་འདོད་པའི་མཚན་མ་ཀུན། །རྒྱས་པར་བྱེད་པའི་ལས་ཡིན་ཏེ། །
D394.079.0222b02.01རྒྱས་པའི་སྦྱོར་བ་གསུམ་བྱས་ན། །དཔེར་ན་མེ་ཏོག་པདྨ་བཞིན། །དེ་ནས་དབྱེ་བའི་རིམ་པ་ཡང་། །གོང་དུ་གསུངས་པ་ཐུན་མོང་སྟེ། །དུས་གསུམ་ལྕེ་ཡི་རྩེ་མོས་ཀྱང་། །བསྐྱོད་ན་ངེས་པར་ཁ་འབྱེད་དོ། །དེ་ཉིད་གསུམ་ནི་མེ་རང་བཞིན། །མེ་འབར་བ་ཡི་རྐྱེན་གྱུར་པ། །རླུང་ཉིད་
D394.079.0222b03.01ཡིན་པར་གསུངས་པ་སྟེ། །རྐྱེན་དེས་མེ་ཉིད་འབར་བར་བཤད། །གཞན་ཡང་རྐྱེན་གྱི་བྱེ་བྲག་དང་། །སྲོག་རྩོལ་རླུང་ནི་དབུ་མར་དགག །བུམ་པ་ཞབས་མེད་རླུང་ཕུལ་ནས། །སྒོ་དགུ་ཕྱི་རོལ་དྲག་ཏུ་བུད། །ལུས་ཀྱི་ངལ་དུབ་ཆ་མཉམ་སྟེ། །སྦྱོར་བ་རྫོགས་ན་བདེ་བའི་རྐྱེན། །
D394.079.0222b04.01བདེ་བ་ལས་ནི་རྡོ་རྗེ་འཆང་། །བདེ་བ་ཡིས་ནི་བདེ་བ་འགྲུབ། །རྒྱུ་བདེ་བ་ལས་འབྲས་བུ་བདེ། །རྒྱུ་ཡི་ནང་ན་འདི་མཆོག་ལ། །འབྲས་བུའི་ནང་ན་འདི་མཆོག་གོ། །དེ་ནས་བདེ་བའི་རྐྱེན་གྱུར་པ། །སྲིད་པ་དགག་དང་རླུང་དགག་པ། །གནས་ནས་གནས་སུ་རྟེན་གཟུང་སྟེ། །གཡས་
D394.079.0222b05.01བརྐྱང་བས་ནི་རོ་མ་དགག །དཔའ་བོ་གཡས་ནས་མཁའ་འགྲོ་གཡོན། །གཡོན་བརྐྱང་བས་ནི་རྐྱང་མ་སྟེ། །ས་གས་ཀུན་འདར་མ་རུ་གཟུང་། །དེ་བཞིན་ཟླུམ་པོས་དབུ་མར་གཟུང་། །དེ་དག་ཀུན་གྱི་བྱེ་བྲག་ཀྱང་། །དཔའ་བོས་གཡས་དང་གཞན་གྱིས་གཡོན། །དེ་བཞིན་ཀུན་ལ་སྦྱར་བར་
D394.079.0222b06.01བྱ། །གཞན་ཡང་གཟུང་བའི་བྱེ་བྲག་ཀྱང་། །དྲིལ་ཅན་བུ་གུ་དགུ་ལམ་གྱིས། །རླུང་རྒྱུ་ཕྱི་རུ་བུས་བྱས་ཏེ། །རྐང་ལག་དྲག་ཏུ་བསྒྲིམས་བྱས་ན། །ཟིན་པར་འདི་ལ་ཐེ་ཙོམ་མེད། །དཔའ་བོ་མཁའ་འགྲོ་མ་གཉིས་ཀྱིས། །ཐུན་མོང་དུ་ནི་བྱ་བར་གསུངས། །བཻ་རོ་ཙ་ན་ལས་ཀྱི་
D394.079.0222b07.01