完整藏文原文 · 德格版页 当前仅加载第 79 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྱུར་བའི་རྒྱལ་པོ་དང་། །བྲལ་བའི་རིན་ཆེན་བདུན་པོ་དེ་དག་གིས། །འཁོར་ལོས་སྒྱུར་བའི་མིང་ནི་མི་ཐོབ་བཞིན། །བླ་མའི་ཞལ་ནས་ཐམས་ཅད་ཤེས་པར་བྱ། །དེ་ནས་སངས་རྒྱས་སེམས་ཅན་ཡང་། །རྡུལ་ཙམ་ཁྱད་པར་མེད་མོད་ཀྱང་། །རང་རིག་གཞན་རིག་
D399.079.0231a01.01རྐྱེན་དག་དང་། །རང་སེམས་ལས་སུ་རུང་བ་དང་། །མ་རུང་པ་དང་ལས་ཀྱི་མཐའ། །ལོག་པ་དང་ནི་མ་ལོག་པ། །དོན་བྱེད་ནུས་དང་མི་ནུས་པ། །ཡོངས་སུ་རྫོགས་དང་མ་རྫོགས་པས། །སངས་རྒྱས་སེམས་ཅན་གཉིས་སུ་སྣང་། །ཐ་དད་པར་ནི་མི་བརྟག་སྟེ། །ཆུ་ཁམས་གསེར་དང་
D399.079.0231a02.01ནམ་མཁའ་བཞིན། །རང་བཞིན་གྱིས་ནི་དག་པར་འདོད། །རང་སེམས་རང་གིས་རྟོགས་པ་ན། །སེམས་ཅན་གདོད་ནས་སངས་རྒྱས་སོ། །རྡོ་རྗེ་ཕག་མོས་ཡང་ཞུས་པ། །སྲོག་གཅོད་ལ་སོགས་དམ་ཚིག་གི། །དབྱེ་བ་ཁྱེད་ཀྱིས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །
D399.079.0231a03.01རང་གི་ལུས་ངག་སེམས་གཡོས་ཀྱང་། །གསོད་པའི་འདུ་ཤེས་མ་སྐྱེས་ན། །སྲོག་གཅོད་ཉམས་པ་ཆུང་ངུར་ངེས། །གཞན་གྱིས་གནོད་པར་ཚོར་བ་དག །ཉམས་པ་འབྲིང་དུ་གསུངས་པ་ཡིན། །དེ་ལས་བཟློག་པ་ཆེན་པོར་ངེས། །གང་ཞིག་མ་བྱིན་ཆུང་བླངས་ཀྱང་། །གཞན་ལ་ཉོན་མོངས་ཆེར་
D399.079.0231a04.01སྐྱེས་ན། །དེ་ཉིད་ཉམས་པ་འབྲིང་དུ་ངེས། །ཆེར་བླངས་ཉོན་མོངས་ཆུང་ན་འབྲིང་། །ཆེན་པོ་ལས་ནི་ཉོན་མོངས་ཆེར། །དེ་ནི་ཆེན་པོ་ཁོ་ནར་ངེས། །ཚུལ་འཆོས་ལྟུང་བ་ཆེན་པོ་སྟེ། །མི་ཤེས་པ་དང་བག་མེད་དག །བརྗེད་ངས་ལ་སོགས་འབྲིང་དུ་གསུངས། །གཞན་ཡང་དམ་ཚིག་ཉམས་པ་ཡི། །
D399.079.0231a05.01ཆེ་འབྲིང་ཆུང་ངུའི་ལྡང་ཚད་དག །རང་དང་གཞན་དང་གཉི་ག་ཡིས། །རྒྱུ་རྐྱེན་དག་ལས་ཤེས་བྱ་སྟེ། །ལྟུང་བའི་ངོ་བོས་ཟིན་པ་དང་། །ཕྱི་ནང་རྡོ་རྗེ་སློབ་དཔོན་གྱིས། །སྤྱན་སྔར་དཀྱིལ་འཁོར་ཆེན་པོ་བཞེངས། །ཚུལ་དང་མཐུན་པར་བཤད་པ་བྱ། །དམ་ཚིག་གོང་འོག་བྱེ་བྲག་གིས། །བླ་མའི་
D399.079.0231a06.01དཀྱིལ་འཁོར་ཤེས་པར་བྱ། །གཞན་ཡང་བཤགས་པའི་བྱེ་བྲག་ལ། །སྦྱིན་སྲེག་གིས་ནི་སྡིག་བསྲེག་ཕྱིར། །ནང་གི་སྦྱིན་སྲེག་ཆེན་པོ་བརྩམ། །ཟབ་པའི་མེ་ནི་རྒྱུན་གཞག་མེད། །ཐབས་ཀྱི་རྒྱུན་གཞག་མེ་ཡིན་ཏེ། །ལོ་བདུན་དང་ནི་ལོ་གཅིག་དག །ཕྱི་ཡི་རྒྱུན་གཞག་ཆེན་པོའི་མེ། །
D399.079.0231a07.01