完整藏文原文 · 德格版页 当前仅加载第 79 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཞི་བྱས་ཏེ། །གཅིག་གམ་ལྔའམ་བདུན་ནམ་ནི། །ཉི་ཤུ་རྩ་གཅིག་བརྒྱ་རྩ་བརྒྱད། །ཅི་ནུས་པར་ནི་གདབ་པར་བྱ། །དུས་ནི་མཚན་མོ་ཤེས་པ་སྟེ། །དང་པོ་ལ་ནི་དཀྱིལ་འཁོར་གྱིས། །ཕྱག་རྒྱ་ཆེན་པོ་རྫོགས་པ་སྟེ། །གསུམ་པ་བཞི་པ་གཉིས་པ་དག །ཆོས་
D400.079.0233a01.01ཀྱི་སྐུ་ཡི་གཟུགས་བརྙན་གདབ། །བུམ་དབང་ས་ལ་གདབ་པ་སྟེ། །གསང་དབང་ས་དང་ཆུ་ལ་གདབ། །གསུམ་པ་མེ་དང་རླུང་ལ་གདབ། །བཞི་པ་ནམ་མཁར་གསུངས་པའོ། །དང་པོ་འཕོ་བས་མ་ལྷུང་ལ། །གཉིས་པ་རོ་བསྲེག་མ་ལྷུང་བའོ། །གསུམ་པ་ཚ་ཚས་མ་ལྷུང་ན། །འཆི་
D400.079.0233a02.01བསླུ་བའི་དམ་པ་སྟེ། །སྲིད་པའི་འཆི་བ་ལས་གྲོལ་ངེས། །དམན་པའི་འཕོ་བ་ལ་སོགས་པས། །ལྷུང་ཞིང་འཆི་བ་ཁོ་ནར་ངེས། །དེ་བས་སྲིད་ལས་གྲོལ་འདོད་པས། །བླ་མ་དམ་པ་རབ་མཉེས་ཏེ། །འཕོ་བ་ལ་སོགས་གདམས་ངག་བླང་། །རྒྱུད་འདི་གཏད་ཀྱིས་ལེགས་པར་ཟུང་། །དེའི་
D400.079.0233a03.01ཚེ་འཇིག་རྟེན་གྱི་ཁམས་ཀྱི་ས་ཆེན་པོ་ཡང་གཡོས་པར་གྱུར་ཏོ། །མཆོད་པ་སྣ་ཚོགས་པའི་ཆར་ཡང་བབ་བོ། །དཔའ་བོ་དང་མཁའ་འགྲོ་མ་དང་དུར་ཁྲོད་ན་གནས་པའི་རོ་ལངས་ཆེན་པོ་ཐམས་ཅད་རྒྱུད་ཀྱི་དོན་ལ་རྗེས་སུ་ཡི་རངས་པར་གྱུར་ཏོ། །དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ་
D400.079.0233a04.01རྫོགས་སོ།། །།པཎྜི་ཏ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
D400.079.0233a05.01