完整藏文原文 · 德格版页 当前仅加载第 79 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིག་གམ་ཅི། །སྲེག་རྫས་རྟོག་པ་སྲེག་བྱེད་མེ། །དབང་པོས་སྤྱོད་ཡུལ་མ་ཡིན་ཏེ། །དེ་ཕྱིར་ལས་ཀྱི་མེ་ཉིད་ལ། །ཏིལ་སོགས་བསྲེགས་པའི་ལས་བྱས་ཀྱང་། །ངེས་པར་སྡིག་པ་ཚིག་མི་འགྱུར། །མཆོད་པ་ལ་སོགས་དེ་བཞིན་ནོ། །བསྟན་པ་ཙམ་དུ་ངེས་པ་སྟེ། །རྒྱུད་ནི་དོན་དམ་
D401.079.0234b01.01མ་ཡིན་ཏེ། །དོན་དམ་རྟོགས་པས་བསྟན་པ་མེད། །དགང་གཟར་བླུགས་གཟར་ལ་སོགས་པ། །བླ་མའི་ཞལ་ནས་ཤེས་པར་བྱ། །དེ་ནས་གསང་བའི་སྦྱིན་སྲེག་ཀྱང་། །ཐབ་ཁུང་ལྟེ་བའམ་སྣ་རྩེ་སྟེ། །ཆགས་གྲོལ་གནས་ནི་ངེས་པ་དང་། །རང་བཞིན་དང་ནི་གསང་བ་ཡི། །
D401.079.0234b02.01གཏུམ་མོ་ཡེ་ཤེས་མེ་སྦར་ཏེ། །གཡས་གཡོན་དགང་གཟར་བླུགས་གཟར་གྱིས། །ཤུཀྲ་རྩ་དང་རླུང་སོགས་ཀྱི། །ཕྲ་མོའི་རྟོག་པའི་སྲེག་རྫས་བསྲེག །བདེ་བའི་མེ་ལྷ་མཆོད་པར་བྱ། །ཞི་རྒྱས་ལས་ཀྱི་རིམ་པ་དང་། །བཞི་པ་ཞལ་ནས་ཤེས་པར་བྱ། །དེ་ནས་སྔགས་ཀྱི་དབྱེ་བ་ཡང་། །
D401.079.0234b03.01ཕྱི་ཡི་སྔགས་ནི་ཨོཾ་ཨཱཿཧཱུྃ། །ནང་དུ་བདུད་རྩིའི་མཚན་ཉིད་དེ། །གསང་བར་མཆོག་ཚད་དབུས་ན་གནས། །མཐར་ཐུག་མཐའ་བྲལ་རང་རིག་གོ། །སྤོས་སོགས་ཕྱི་ཡི་མཆོད་པ་སྟེ། །བདུད་རྩི་ལ་སོགས་ནང་དུའོ། །གསང་བར་བདེ་བའི་རོ་ཡིས་མཆོད། །མཐར་ཐུག་སྟོང་པའི་རོ་ཡིས་མཆོད། །
D401.079.0234b04.01འབྲས་སོགས་ཕྱི་ཡི་གཏོར་མ་སྟེ། །དམན་པའི་བགེགས་སོགས་ཞི་བར་བྱེད། །ཨ་བ་དྷཱུ་ཏཱིའི་ཀ་པཱ་ལར། །ཤ་སོགས་བདུད་རྩིའི་རང་བཞིན་གནས། །རྣམ་རྟོག་བགེགས་ཆེན་ཞི་བར་བྱེད། །བདེ་བ་ཆེན་པོའི་བདུད་རྩིའི་རོས། །ཕྲ་བའི་གདོན་ཆེན་ཞི་བྱས་པ། །འདི་ནི་གསང་བའི་གཏོར་
D401.079.0234b05.01མར་གསུངས། །རང་རིག་སྟོང་པའི་བདུད་རྩིའི་རོས། །བདེ་ཆེན་གདོན་ནི་ཞི་བྱས་པ། །འདི་ནི་བཞི་པའི་གཏོར་མར་ངེས། །ཕྱག་འཚལ་སྐོར་བ་ལ་སོགས་དང་། །སྤྱང་སོགས་བླ་མའི་ཞལ་ནས་ཤེས། །གང་གི་ཕྱིར་ན་སྦྱིན་སྲེག་ནི། །དངོས་གྲུབ་དམ་པ་སྟེར་བ་དང་། །རྣམ་རྟོག་སྲེག་ཕྱིར་
D401.079.0234b06.01སྦྱིན་སྲེག་སྟེ། །ཤིང་སོགས་སྲེག་པ་སྦྱིན་སྲེག་མིན། །མཉེས་པའི་དོན་གྱིས་མཆོད་པ་སྟེ། །སྤོས་སོགས་ཕུལ་བས་མཉེས་པ་མེད། །རང་སེམས་ལས་སུ་རུང་བ་དག །མཉེས་པས་མཆོད་པ་ཆེན་པོ་སྟེ། །གདོན་དང་གནོད་པ་ཞི་བ་དང་། །བར་ཆད་ཞི་དང་དངོས་གྲུབ་དག །འབྱུང་བའི་ཕྱིར་
D401.079.0234b07.01