完整藏文原文 · 德格版页 当前仅加载第 79 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བྱེད་པའི་ཕྱིར་དང་ནི། །ཞེ་སྡང་དང་ནི་ང་རྒྱལ་དང་། །འདོད་ཆགས་དང་ནི་ཕྲག་དོག་དང་། །དེ་བཞིན་གཏི་མུག་ལ་སོགས་པའི། །ཉོན་མོངས་ཐམས་ཅད་འཇོམས་པའི་ཕྱིར། །རྒྱལ་པོ་ཞེས་ནི་བསྟན་པ་ཡིན། །ཡེ་ཤེས་མཁའ་འགྲོས་ཡང་གསོལ་པ། །བྱང་ཆུབ་སེམས་ནི་ཇི་ལྟར་ལགས། །
D404.079.0239b01.01དེ་ཉིད་དབྱེ་བ་གང་ལགས་དང་། །དེ་ཡི་གནས་དང་གཟུང་བའི་གནས། །ངེས་པར་བཟློག་པའི་ཚུལ་ཉིད་དང་། །དེ་ཉིད་ཀྱི་ནི་འབྲས་བུ་དང་། །རྟགས་དང་ཡོན་ཏན་གང་ལགས་པ། །དེ་ཉིད་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སེམས་ནི་རང་རིག་སྟེ། །
D404.079.0239b02.01དབྱེ་བའི་དོན་ནི་གཉིས་སུ་བསྟན། །དེ་ཡི་གནས་ནི་རྩ་ཡིན་ཏེ། །གཟུང་བ་རིག་པའི་འཁོར་ལོར་ཏེ། །ངེས་པར་བཟློག་པའི་ཐབས་དག་ནི། །གོ་བཟློག་པ་ཡི་ཚུལ་ཡིན་ནོ། །དེ་ཉིད་འབྲས་བུ་གཉིས་མེད་རྟོགས། །རྟགས་ནི་ལུས་ལ་ཁྲག་བྱུང་དང་། །བ་སྤུ་ལངས་དང་འདར་བ་དང་། །ཁ་ཟས་དད་ཆུང་
D404.079.0239b03.01ལུས་ཡང་དང་། །སྐྲ་དཀར་གཉེར་མ་དེངས་པ་དང་། །ལེ་ལོ་མེད་དང་བརྩོན་འགྲུས་ལྡན། །དེ་ལ་སོགས་པའི་རྟགས་རྣམས་འགྲུབ། །དེ་ནས་ཡོན་ཏན་བཤད་པ་ནི། །རྐང་མགྱོགས་སྟེང་ས་འོག་གི། །འཇིག་རྟེན་དངོས་གྲུབ་གང་ཡིན་དང་། །འཇིག་རྟེན་ལས་འདས་ཐོབ་པར་འགྱུར། །གཉིས་
D404.079.0239b04.01མེད་བྱང་ཆུབ་སེམས་ཀྱི་གནས། །རང་རིག་འོད་གསལ་དེ་ཉིད་དོ། །ཡེ་ཤེས་རང་བཞིན་གནས་ཡིན་ཏེ། །རྟགས་ནི་འོད་གསལ་དེ་ཉིད་དོ། །འབྲས་བུ་ཆོས་སྐུ་འཆང་ཆེན་པོའི། །ས་ནི་ངེས་པར་ཐོབ་པའོ། །རྣལ་འབྱོར་སེམས་གཟུང་བསྒོམ་པ་བརྟག །ལུས་སེམས་ཚགས་སུ་བཅུག་ནས་ནི། །
D404.079.0239b05.01རང་གི་སེམས་ཀྱི་དེ་ཉིད་ལ། །དེ་ཉིད་དབྱེར་མེད་བསྒོམ་པར་བྱ། །དེ་ཡིས་ཐོབ་མེད་འབྲས་བུ་ཐོབ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཡེ་ཤེས་མཁའ་འགྲོ་ལ་སོགས་པའི་འཁོར་ཐམས་ཅད་རྗེས་སུ་ཡི་རངས་ནས་དེ་ཁོ་ན་ཉིད་བླ་ན་མེད་པའི་མཆོད་པས་མཆོད་དེ་མི་
D404.079.0239b06.01སྣང་བར་གྱུར་ཏོ། །དཔལ་འཁོར་ལོ་སྡོམ་པ་ཡེ་ཤེས་བསམ་པའི་རྒྱུད་ཀྱི་རྒྱལ་པོ་རྫོགས་སོ།། །།པཎྜི་ཏ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
D404.079.0239b07.01