完整藏文原文 · 德格版页 当前仅加载第 79 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཏ། །རྣམ་ཤེས་མཐའ་ཡས་ལས་འདས་ནས། །ཅི་ཡང་མེད་པ་ལ་གནས་ཏེ། །དེ་ཉིད་རྫོགས་པ་པ་ཡིན་ནོ། །ཅི་ཡང་མེད་པ་ལས་འདས་ཏེ། །འདུ་ཤེས་མེད་མིན་ལ་གནས་ཏེ། །འདུ་ཤེས་མེད་མིན་རྫོགས་པ་ཡ། །འདུ་ཤེས་མེད་མིན་ལ་འདས་ཏེ། །འདུ་ཤེས་ཚོར་བ་འགོག་པའི་
D405.079.0241b01.01ལུས། །མངོན་སུམ་བྱས་ནས་རྫོགས་པ་ནི། །རྣམ་པར་ཐར་པ་བརྒྱད་པ་ཤ། །སྙིང་ག་ཆོས་ཀྱི་འཁོར་ལོ་ཧཱུྃ། །གཙོ་བོ་རྣམ་ཐར་བརྒྱད་དང་ལྡན། །འདི་དག་རྩ་ཡི་རྣམ་པར་གནས། །འཁོར་ལོའི་རྒྱ་ནི་སོར་གསུམ་སྟེ། །སེམས་ཅན་ཀུན་ལ་རང་བཞིན་གནས། །དེ་ཕྱིར་སེམས་ཅན་སངས་
D405.079.0241b02.01རྒྱས་ཡིན། །སྣ་ཚོགས་སྡུད་པའི་མཚན་ཉིད་ཀྱང་། །རིང་དུ་འབྱུང་ཞིང་ཐུང་དུ་གནས། །སྨིན་མཚམས་ཀྱི་ནི་མཛོད་སྤུ་བཞིན། །ཆོས་ཀྱི་འབྱུང་གནས་ལྟེ་བ་ལ། །གཡས་གཡོན་བུ་ག་ལྔ་ལྔ་སྟེ། །སྟེང་འོག་ཁ་ཡི་བར་ནས་འབྱུང་། །རོ་མ་ཤར་དུ་མངོན་དུ་ཕྱོགས། །རྐྱང་མ་ནུབ་སྟེ་འོག་
D405.079.0241b03.01གི་ཆར། །རོ་མས་རྐྱང་མ་ལ་འཁྱུད་ཅིང་། །གཡས་པའི་ཆ་རུ་ཟུང་འཇུག་ཉིད། །རྐྱང་མས་རོ་མ་ལ་འཁྱུད་ཅིང་། །གཡོན་གྱི་ཆ་རུ་ཟུང་འཇུག་ཉིད། །གཡས་གཡོན་རྩེ་མོ་སྐུ་གསུང་ཐུགས། །དེ་སྒྲ་སྔགས་སུ་རབ་ཏུ་གྲགས། །སྔགས་དང་རྒྱུད་དང་དངོས་གྲུབ་སོགས། །དེ་ཉིད་ལས་ནི་བྱུང་
D405.079.0241b04.01བས་ན། །སེམས་ཅན་སངས་རྒྱས་རང་བཞིན་ནོ། །སྐྱེ་བ་བཞི་ཡི་རིམ་པ་ཡང་། །སྣོད་བཅུད་ཡབ་ཡུམ་ལ་ཐིམ་སྟེ། །ཡབ་ཡུམ་ཉི་མ་ཟླ་བར་འགྱུར། །སྣང་བའི་ཐིག་ལེ་ཡང་དག་བཅས། །འདི་དག་ནང་གི་མངལ་སྐྱེས་ཚུལ། །ཨཱ་ལི་ཀཱ་ལི་ཉི་ཟླ་སྟེ། །སེམས་ནི་ཐིག་ལེའི་ངོ་བོར་གནས། །
D405.079.0241b05.01ནང་གི་སྒོང་སྐྱེས་ཡིན་པར་འདོད། །ཀཱ་དང་ཨཱ་ལས་ཉི་ཟླ་སྟེ། །རང་བྱུང་ཐིག་ལེ་དྲོད་གཤེར་ཡིན། །དེ་དག་སྐད་ཅིག་རྐྱེན་མེད་ལས། །རང་བཞིན་འབྱུང་བ་རྫུས་སྐྱེས་སོ། །རྐྱེན་མེད་སྦྱོར་བ་སྒོང་སོགས་ལས། །བདེ་བ་སྐྱེ་དང་བདེ་བའི་རྒྱུ། །ཐམས་ཅད་དྲན་པ་གསང་བ་ཡི། །མངལ་ནས་སྐྱེས་
D405.079.0241b06.01པའི་ཚུལ་ཡིན་ཏེ། །ཡར་ལ་སྲེག་དང་མར་ལ་གསོ། །གནས་གསུམ་ཉི་ཤུ་བཞིར་འཕོ་ཡིན། །ཕྱི་ནང་འདོད་པའི་མཚན་མ་ཡིས། །རྩ་རྒྱས་བདེ་བ་སྟེར་བ་དང་། །རིན་པོ་ཆེ་ཡི་ཕོ་བྲང་དུ། །སེམས་འཛིན་གསང་བའི་སྒོང་སྐྱེས་ཡིན། །ནང་གི་འདོད་པའི་མཚོན་ཆ་ཡིས། །བདེ་བ་སྐྱེ་བ་དྲོད་
D405.079.0241b07.01