完整藏文原文 · 德格版页 当前仅加载第 79 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟུང་བ་ཆུང་ངུ་སྟེ། །དངོས་གཞི་ལྟུང་བ་འབྲིང་དུ་འབྱུང་། །མཇུག་རྫོགས་ལྟུང་བ་ཆེན་པོར་ངེས། །རྒྱན་དང་ཕྱག་རྒྱ་ཕྱག་མཚན་དག །འཆང་བ་བསྟེན་པའི་དམ་ཚིག་ཡིན། །ཤ་ལྔ་བདུད་རྩི་ལྔ་རྣམས་ནི། །བཟའ་བར་བྱ་བའི་དམ་ཚིག་གོ། །སེམས་ཅན་
D406.079.0244a01.01དཔའ་བོ་མཁའ་འགྲོ་ལ། །ལོངས་སྤྱོད་མཆོད་པ་གང་བྱེད་པ། །བལྟ་བར་བྱ་བའི་དམ་ཚིག་གོ། །རང་གཞན་སྒྱུ་མར་གང་ཤེས་པ། །ཤེས་པར་བྱ་བའི་དམ་ཚིག་གོ། །སྒོ་གསུམ་སྐུ་གསུང་ཐུགས་སུ་བསམ། །བསྲུང་བར་བྱ་བའི་དམ་ཚིག་གོ། །ཉོན་མོངས་དུག་དྲུག་གཟུང་འཛིན་ཀུན། །
D406.079.0244a02.01རང་རིག་སྐྱེ་བ་མེད་པར་བསྒྲལ། །བསྒྲལ་བའི་དམ་ཚིག་ཆེན་པོ་ཡིན། །དམ་ཚིག་དོན་དུ་དམ་ཚིག་དག །དུས་དྲུག་དུས་གཉིས་ལོ་བར་དུ། །བརྟུལ་ཞུགས་ཅན་གྱིས་དམ་ཚིག་བསྲུང་། །དངོས་གྲུབ་དོན་དུ་རྟག་ཏུ་བསྲུང་། །སྐད་ཅིག་ཙམ་ཡང་གནང་བ་མེད། །རང་གི་ལུས་ཀྱི་ཉེས་པ་
D406.079.0244a03.01ལས། །གཞན་གྱི་ལུས་ཀྱི་ཉེས་འབྱུང་བ། །འདི་ནི་སྐུ་ཡི་ཉེས་པར་བཤད། །རང་གི་ལུས་ཀྱི་ཉེས་པ་ལས། །གཞན་གྱི་ངག་གི་ཉེས་འབྱུང་བ། །བདག་གི་སྐུ་ཡི་ཉམས་པ་སྟེ། །གཞན་ལ་གསུང་གི་ཉམས་པར་འགྱུར། །གཞན་ཡང་མཁས་པས་ཤེས་པར་བྱ། །རང་ལ་རྩ་བའི་ཉེས་
D406.079.0244a04.01པ་ལས། །གཞན་ལ་ཡན་ལག་ཉེས་འབྱུང་དང་། །ལེགས་པ་ལས་ནི་ཉེས་འབྱུང་སོགས། །བླ་མའི་ཞལ་ནས་ཤེས་བྱ་སྟེ། །འབད་དེ་དམ་ཚིག་བསྲུང་བར་བྱ། །དམ་ཚིག་དེ་ཡི་དོན་རྣམས་ལ། །འཁོར་རྣམས་འཇིགས་ཤིང་སྐྲག་གྱུར་ཏེ། །རྡོ་རྗེ་ཕག་མོས་ཡང་ཞུས་པ། །དམ་ཚིག་
D406.079.0244a05.01འདི་ཡི་དོན་རྣམས་ནི། །ཟབ་ཅིང་རྒྱ་ཆེ་རྟོག་པར་དཀའ། །མགོན་པོ་ཁྱོད་ཀྱིས་བཞེས་པར་ཞུ། །བཅོམ་ལྡན་འདས་ཀྱིས་བཀའ་སྩལ་པ། །བདུད་རྩི་ཁར་ཟོས་སླར་ལ་དོར་བ་མེད། །ངན་སྐྱུགས་ཕྱིར་དོར་སླར་ལ་ཟ་བ་མེད། །རང་རིག་བྱང་ཆུབ་བདུད་རྩིའི་རོ་ཚོར་ན། །ལོག་རྟོག་འཁྲུལ་
D406.079.0244a06.01པའི་རྒྱུ་འབྲས་ག་ལ་ཚོལ། །དེ་བས་དམ་ཚིག་ཁོ་ན་གཙོ་བོར་གྱིས། །དེའི་ཚེ་འཁོར་འདུས་པ་ཐམས་ཅད་ཀྱང་རྒྱུད་ཀྱི་དོན་ལ་རྗེས་སུ་ཡི་རངས་པར་གྱུར་ཏོ། །མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
D406.079.0244a07.01