完整藏文原文 · 德格版页 当前仅加载第 79 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་བཛྲ་བྷཻ་ར་བ་བི་དཱ་ར་ཎ་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་
D409.079.0247a04.01རྒྱུད་ཀྱི་རྒྱལ་པོ། དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་འདས་འཁོར་དཔག་ཏུ་མེད་པ་དང་། །རི་རབ་ཀྱི་སྟེང་དུ་བཞུགས་པའི་དུས་སུ་བྱང་ཆུབ་སེམས་དཔའ་རྡོ་རྗེ་སྙིང་པོས། བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ་
D409.079.0247a05.01ཐལ་མོ་སྦྱར་ནས་འདི་སྐད་ཅེས་གསོལ་ཏོ། །ཐུགས་རྗེ་ཆེ་ལྡན་བཅོམ་ལྡན་འདས། །རྡོ་རྗེ་གང་ལགས་འཇིགས་བྱེད་གང་། །འཇོམས་པ་གང་ལགས་རྒྱུད་གང་ལགས། །རྒྱལ་པོ་གང་ལགས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་རྣམ་པ་གསུམ་ཡིན་ཏེ། །ཉོན་
D409.079.0247a06.01མོངས་བདུད་སོགས་འཇིགས་པར་བྱེད། །ཉོན་མོངས་དགྲ་སོགས་རྣམ་པར་འཇོམས། །རྒྱུ་ཡི་རྒྱུད་དང་འབྲས་བུའི་རྒྱུད། །མཐར་ཐུག་རྒྱུད་ནི་གང་ཡིན་ལ། །རྒྱལ་པོ་ཞེས་ནི་བསྟན་པ་ཡིན། །རྡོ་རྗེ་སྙིང་པོས་ཡང་གསོལ་པ། །རེ་རེའི་བྱེ་བྲག་མ་འཚལ་བས། །དེ་ཡི་དབྱེ་བ་བཤད་དུ་གསོལ། །
D409.079.0247a07.01