完整藏文原文 · 德格版页 当前仅加载第 79 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོན་ན་ཤེས་རབ་རྩ་གནས་ལ། །མ་མོ་དབྱངས་ཡིག་བཅུ་དྲུག་ནི། །གྱེན་ལ་བལྟས་པ་དགོད་པར་བྱ། །སྒལ་ཚིགས་ལ་གནས་སྲོག་ལ་བརྟེན། །རྩ་གསུམ་འདུས་པའི་གནས་དེར་ནི། །རིན་ཆེན་དང་འདྲ་འདུད་པ་ནི། །དགུ་པོར་གནས་པ་བྱ་གདོང་ཚུལ། །ཆོས་ཀྱི་
D411.079.0251a01.01དབྱིངས་ཀྱི་དབང་ཕྱུག་མ། །བདེ་བ་རེག་སྟེར་མ་ནི་བཞུགས། །གཞན་ཡང་རྐྱེན་གྱི་འཁོར་ལོ་གཉིས། །གྲུ་གསུམ་གནས་སུ་ཡི་གེ་རྃ། །དེ་ནི་ཡོངས་སུ་གྱུར་པ་ལས། །མེ་ཡི་འཁོར་ལོ་གྲུ་གསུམ་པ། །ཚད་ནི་སོར་གསུམ་ཉིད་ཡིན་ཏེ། །ལྟེ་བར་རཾ་ནི་དམར་པོ་བསམ། །འདབ་མ་གསུམ་
D411.079.0251a02.01ལ་ཨོྃ་ཨཱཿཧཱུྃ། །གྲུ་གསུམ་ཟུར་ལ་དགོད་བྱ་བ། །རྡོ་རྗེ་རྩེ་གསུམ་བསམ་པར་བྱ། །རླུང་གི་གནས་སུ་ཡི་གེ་ཡྃ། །དེ་ཉིད་ཡོངས་སུ་གྱུར་པ་ལས། །མདོག་ནག་གཞུ་ཡི་དབྱིབས་འདྲ་ལ། །ཚད་ནི་སོར་བཞི་ཉིད་ཡིན་ནོ། །དབུས་སུ་འདབ་མ་ལྔ་ཡིན་ཏེ། །ལྟེ་བར་ཡཾ་ནི་ནག་པོ་
D411.079.0251a03.01བསམ། །འདབ་མ་ལྔ་ལ་དྷ་ལྔ་དགོད། །བ་དན་ལྔ་ཡིས་མཚན་པའོ། །རླུང་གིས་དམ་ཚིག་མེ་སྦར་པས། །དམ་ཚིག་མེ་ཡིས་གཏུམ་མོ་བསྐུལ། །འཁོར་ལོ་གསུམ་བསྲེགས་རྙིད་པ་ཙམ། །ཡི་གེ་ཧྃ་ནི་བསྲོས་པ་ཡིས། །ཧྃ་བཞུ་བདུད་རྩིའི་ཆར་ཡང་བབ། །ལྟེ་བའི་གནས་སུ་
D411.079.0251a04.01ཐིག་ལེར་གྱུར། །རྒྱུན་དུ་འབར་བར་གྱུར་པ་ཡིས། །རིན་ཆེན་དབྱིབས་འདྲའི་ནང་སླེབས་ནས། །རང་བཞིན་དགའ་བ་ཉམས་མྱོང་བས། །རང་གི་སེམས་ཀྱི་སྙིང་པོའི་རོ། །བཞི་པའི་དཔལ་ལྡན་ཧེ་རུ་ཀ། །དེ་ཉིད་རྟོགས་པར་གྱུར་པ་ཡིས། །ཆོས་སྐུ་རྡོ་རྗེ་འཆང་ཆེན་པོའི། །ས་
D411.079.0251a05.01ནི་ངེས་པར་ཐོབ་པའོ། །དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས་འཁོར་ལོ་བཞི་བསྟན་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཡིད་བཞིན་ནོར་བུ་དང་མཚུངས་པའི། །ངེས་དོན་དུ་ནི་ང་ཡིས་གསུངས། །དེ་ཡི་དོན་ལ་ཁྱེད་རྣམས་ཀྱིས། །
D411.079.0251a06.01རྩེ་གཅིག་སེམས་ཀྱིས་ཡིད་ལ་ཟུང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱམས་པ་དང་། དགའ་བའི་འོད་དང་། དྲི་མ་མེད་པའི་འོད་ལ་སོགས་པ་དཔའ་བོ་དང་། རྣལ་འབྱོར་མའི་འཁོར་དཔག་ཏུ་མེད་པ་ཐམས་ཅད་དགའ་ཞིང་མགུ་ནས་རྗེས་སུ་ཡི་རངས་ནས་ལྷའི་
D411.079.0251a07.01