完整藏文原文 · 德格版页 当前仅加载第 79 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི། །ཏིང་ངེ་འཛིན་ལ་སྙོམས་པར་ཞུགས། །དེ་ནས་རྡོ་རྗེ་སེམས་དཔའ་ཡིས། །རྟོག་པ་གསུམ་ལ་གཅད་པའི་ཕྱིར། །སྟན་ལས་ལངས་ཏེ་འདི་སྐད་གསོལ། །ནམ་མཁའི་བདག་པོ་སྣ་ཚོགས་ལུས། །སྒོམ་པའི་རང་བཞིན་ཇི་ལྟར་ལགས། །ཕྱག་འཚལ་རྡོ་རྗེ་དཔའ་ཁྱོད་
D412.079.0253b01.01ལ། །ཕྱག་འཚལ་རྡོ་རྗེ་རང་བྱུང་སེམས། །ཕྱག་རྣམས་དག་པ་འོད་གསལ་དབྱིངས། །ཕྱག་འཚལ་འདུད་ཅིང་ཕྱག་འཚལ་འདུད། །འགྲོ་བའི་བླ་མ་ཡེ་ཤེས་གཟུགས། །གསུང་གི་ཐིགས་པ་ལྷན་ཅིག་སྐྱེས། །རྣམ་དག་རང་རིག་དབྱིངས་ལ་འདུད། །བཅོམ་ལྡན་འདས་ཀྱིས་
D412.079.0253b02.01བཀའ་སྩལ་པ། །ཀྱེ་མ་སེམས་དཔའ་རྡོ་རྗེ་ཉོན། །མངོན་དུ་གྱུར་པ་སྒོམ་པའི་མཆོག །སྣ་ཚོགས་འབར་བ་ཡེ་ཤེས་དྲོད། །ཅི་ཡང་མཐོང་ལ་མེད་རྟོགས་ན། །མ་མཐོང་གནས་ན་མཐོང་བ་རུ། །མཐོང་ན་འགག་ཅིང་བལྟས་ན་སྐྱེ། །ཤེས་རབ་ཡེ་ཤེས་འོད་པོ་ཆེ། །ཅི་དགར་བཞག་
D412.079.0253b03.01ན་བདེ་བ་འགོག །ཡེ་ཤེས་རྒྱ་མཚོ་ཡེ་གསལ་ལ། །སངས་རྒྱས་སྒོམ་པར་མི་མཛད་དོ། །དེ་ལ་གཉེན་པོ་ཡོད་དམ་ཅི། །རིགས་པས་སྟོན་པ་འཆིང་བའི་ནད། །འདས་དང་མ་བྱོན་ད་ལྟར་གྱི། །བདེ་བ་དེ་ནི་སྟོན་མཛད་དམ། །རྡོ་རྗེ་སེམས་དཔའ་ཁྱོད་ཉིད་ཀྱིས། །བསྟན་པར་ནུས་སམ་འོན་
D412.079.0253b04.01ཏེ་ཅི། །བསྙད་དུ་མེད་པས་བརྗོད་དང་བྲལ། །བསྒྲུབ་ཏུ་མེད་པས་དཔེ་དང་བྲལ། །མཚོན་དུ་མེད་པས་ཚིག་ལམ་ཆད། །ལྷན་ཅིག་སྐྱེས་པས་བསྒྲུབ་ཏུ་མེད། །མངོན་དུ་གྱུར་པས་བསྒོམ་དུ་མེད། །དཔྱད་དུ་མེད་པས་བཅོས་དང་བྲལ། །མ་ཡེངས་བློ་ཡིས་རྟོགས་པའོ། །བསྒོམ་
D412.079.0253b05.01པའི་ལེའུ་འདི་བཤད་པའི་ཚེ། །འཆད་པའི་སྐྱེས་བུ་ཉིད་ཀྱང་ནི། །བརྒྱལ་ནས་ས་ལ་འགྱེལ་གྱུར་ཏེ། །ལྷ་མིན་རིག་སྔགས་འཆང་བ་རྣམས། །སོ་སོར་བྱེར་ཏེ་དེངས་པར་གྱུར། །ལྷ་ཡི་བུ་མོ་སྟོང་ཕྲག་ནི། །ཆོས་ལ་རྡུལ་མིག་རྣམ་པར་དག །བྱང་ཆུབ་སེམས་དཔའ་ཉི་ཁྲི་ཡང་། །
D412.079.0253b06.01དེ་མ་ཐག་ཏུ་མངོན་སངས་རྒྱས། །འཇིག་རྟེན་ཁམས་ནི་དྲུག་གཡོས་པས། །འུར་འུར་པོ་དང་ཆེམ་ཆེམ་གྱིས། །ཁམས་གསུམ་པོ་ནི་འདར་བར་བྱེད། །དེ་ཡི་མོད་ལ་སེམས་རྫོགས་པ། །ངོ་མཚར་སྐྱེས་ནས་འདི་སྐད་གསོལ། །ཨེ་མའོ་སངས་རྒྱས་ཀུན་གྱི་རྗེ། །རྫོགས་སངས་
D412.079.0253b07.01