完整藏文原文 · 德格版页 当前仅加载第 80 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་ནི་སྒོམ་པར་བྱེད། །སྒོ་དགུ་ལས་ནི་གང་བྱུང་བ། །རྫས་ཀྱི་བདག་ཉིད་རྣམ་བསྒོམས་ལ། །རང་བཞིན་མེད་པའི་བློ་ལྡན་པའི། །རྣམ་པར་མི་རྟོག་པ་ཡིས་བཟའ། །མཐེ་བོང་དང་ནི་སྲིན་ལག་གིས། །ཁ་རུ་ཡིད་བཞིན་ནོར་བུ་ནི། །བདུད་རྩིའི་རང་བཞིན་ལས་བྱུང་བའི། །
D425.080.0169b01.01རྟག་པའི་དངོས་གྲུབ་ཐོབ་པར་འགྱུར། །རྣལ་འབྱོར་མའི་དབང་ཕྱུག་མའི་རིག་པ་ཆེན་མོ་ལས་སྦྱོར་བ་གཏན་ལ་དབབ་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །དམ་ཚིག་སྒྲུབ་པའི་དམ་པ་སྟེ། །རྫས་གཞན་ཚོགས་ནི་བཟའ་བྱ་བ། །ཐམས་ཅད་
D425.080.0169b02.01མཁྱེན་པའི་འབྲས་སྟེར་བའོ། །གང་ཞིག་ཟོས་པ་ཙམ་གྱིས་ནི། །འབྱུང་པོའི་མི་རྣམས་འགྲུབ་འགྱུར་བ། །བརྟན་པ་དང་ནི་མྱུར་འགྲོ་ཉིད། །དེ་བཞིན་དུ་ནི་བ་ལང་ཁྱི། །ཆེན་པོར་ཡང་དག་ལྡན་པ་ནི། །དེ་བཞིན་ཡེ་ཤེས་བདུད་རྩི་ལྔ། །ཚེས་གྲངས་བཅུ་བཞི་བརྒྱད་
D425.080.0169b03.01ལ་ནི། །ལྷན་ཅིག་བསྒོས་ཏེ་སྦྱར་བྱས་ནས། །ཉི་མ་བདུན་དུ་ཅེ་སྤྱང་གི། །དབུས་སུ་གཞག་ལ་དེ་ནས་བཏོན། །ལྔ་པོ་དག་ལས་ཡུངས་ཀར་གྱི། །འབྲས་བུའི་ཚད་ཙམ་རིལ་བུ་བྱ། །དེ་ནི་རྒྱུད་འདིར་གསུངས་མོད་ཀྱི། །ཚེས་བརྒྱད་དང་ནི་བཅུ་བཞིའི་བར་དག་ཏུ། །
D425.080.0169b04.01ཉི་མ་བདུན་དུ་ལྷན་ཅིག་མིན་བསྒོམ་སྟེ། །སྦྱར་ནས་ཅེ་སྤྱང་དབུས་སུ་ལགས་བཞག་ལ། །དེ་ལས་བཏོན་ཏེ་ལྔ་པོ་དག་ལས་ནི། །དངོས་གྲུབ་འབྲས་བུའི་ཚད་ཙམ་རིལ་བུ་བྱ། །འབྲས་བུ་ཆེན་པོ་རབ་ཏུ་རྟོགས་པས་ན། །དེ་ནི་རྒྱུད་འདིར་གསུངས་ཀྱི་ཀུན་ཏུ་སྦས། །
D425.080.0169b05.01འབྲས་བུ་ཆེན་པོ་སངས་རྒྱས་ཀྱིས། །ཐམས་ཅད་དུ་ནི་སྦས་པའོ། །དེ་ནས་སྒྲུབ་ཐབས་འབྱུང་བའོ། །ཡིད་ཀྱི་པདྨ་བསམ་བྱ་བ། །ཁ་དོག་དམར་པོ་ཀུན་འོད་ལ། །ལྷ་མོ་བཞི་དང་ཡང་དག་ལྡན། །སངས་རྒྱས་གཟུགས་ཀྱིས་ཉེར་བརྒྱན་པའོ། །ཤར་དུ་ཨུཏྤལ་
D425.080.0169b06.01སྔོ་འོད་མདོག །ལྷོ་རུ་སེར་པོ་ལྟ་བུའོ། །ནུབ་ཏུ་དཀར་དང་དམར་བའི་འོད། །བྱང་དུ་མ་རྒད་འོད་ཡིན་ནོ། །འབར་བའི་ཕྲེང་བས་འཁྲིགས་པ་དང་། །ཞལ་བཞི་ཕྱག་བཞི་སྤྱན་གསུམ་མ་མཛེས། །ཤར་ཕྱོགས་ཀྱི་ལྷ་མོ་ནི་སྤྱན་གསུམ་པ་ཕྱག་གཡོན་ན་ཁ་ཊྭཱྃ་ག་དང་
D425.080.0169b07.01