完整藏文原文 · 德格版页 当前仅加载第 81 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
དགུག་པར་བྱ། །ཨོཾ་སུམྦྷ་ནི་སུམྦྷ་ནི་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞ་བཱ་ཡ་གྲྀཧྞ་བཱ་ཡ་ཧཱུྃ། ཨཱ་ན་ཡ་ཧོ་བྷ་ག་ཝཱ་ཙྪིངྱརཱ་ཛ་ཧཱུྃ་ཕཊ། ཧཱུྃ་གི་ཡི་གེ་ལས་བྱུང་བ། །རྡོ་རྗེ་སུམྦྷ་རབ་ཏུ་གནས། །རྡོ་རྗེ་འབར་བ་དུང་དམར་དག །གཏུན་ཤིང་སྤྲུལ་གྱི་ཞགས་པ་
D448.081.0294b01.01བསྣམས། །ཁྲོ་བོའི་རྒྱལ་བོ་རྟ་མགྲིན་ནི། །བསྐལ་བའི་མེ་བཞིན་གཟི་བརྗིད་འབར། །མདའ་གཞུ་དབྱུག་ཏོ་འཛིན་པའི་མཆོག །རྡོ་རྗེ་ཞགས་པ་སྡིགས་མཛུབ་ཅན། །སྤྱན་གསུམ་གཡོན་བརྐྱང་སྟབས་བསྒོམ་བྱ། །ལས་རྣམས་ཐམས་ཅད་བྱེད་པ་
D448.081.0294b02.01ཡི། །ལྷ་ཡི་རྒྱལ་པོ་འདི་དག་གོ། །ལྷ་མོ་ནག་མོ་རྣམ་པར་བསྒོམ། །རལ་གྲི་དང་ནི་ཐོད་པའི་ལས། །ལྷ་མིན་འཇོམས་པ་དགྲ་བོ་ཡི། །མགོ་གཅོད་ཏྲི་ཤཱུ་ལ་འཆང་མ། །བྱ་རྒོད་ཅེ་སྤྱང་ཙཱི་ལ་སྤྲོ། །རྒྱུ་མ་མི་མགོའི་མེ་ཏོག་ཅན། །མ་མོ་བརྒྱད་ཀྱིས་ཡོངས་
D448.081.0294b03.01སུ་བསྐོར། །རོ་ལ་ཞོན་པ་རྣམ་པར་བསྒོམ། །ཡང་ན་སྟག་མོ་ལ་གནས་པ། །དྲག་ཤུལ་སྤྱོད་པས་བསྒོམ་པར་བྱ། །ཁུ་བ་རྡོ་རྗེར་བྱས་པ་ལས། །རང་གི་སེམས་ནི་རྡོ་རྗེར་འགྱུར། །རྣམ་རྟོག་མེད་ཅིང་སྤྲོས་དང་བྲལ། །མཁའ་ལྟར་རང་བཞིན་གོས་པ་མེད། །
D448.081.0294b04.01རང་རིགས་བདེ་བ་ཆེན་པོ་སྟེ། །དབང་བསྐུར་མཆོག་ནི་འདི་དག་གོ། །མེ་ལོང་གཟུགས་བརྙན་འདྲ་སེམས་གྱིས། །ཐིག་ལེ་རྡོ་རྗེར་དཔྱད་པར་འགྱུར། །སྲོག་དང་ཐུར་སེལ་སྒོ་དབྱེ་བས། །བཙན་ཐབས་སྦྱར་བས་དབུགས་བཀག་ན། །ཁུ་བ་མི་འགྱུར་ཐོབ་པ་སྟེ། །
D448.081.0294b05.01ཐིག་ལེ་ནོར་བུར་བཀག་ཏེ་བསྒོམ། །ལྷ་མོའི་གཟུགས་བརྙན་བསྒྱུར་བ་བྱ། །སྒྲོལ་མ་སྒྲོལ་མ་ཅན་འགྲུབ་འགྱུར། །ཡང་ན་ཐོག་མེད་གཟུགས་ཅན་ཏེ། །སྐྱེས་པ་བུད་མེད་ངེས་འགྲུབ་འགྱུར། །ལས་རབ་འབྱམས་ཀྱི་ལེའུ་སྟེ་གསུམ་པའོ། །
D448.081.0294b06.01དེ་ནས་དེ་བཞིན་གཤེགས་པ་ཐམས་ཅད་ཀྱིས། །དམ་ཚིག་མཆོད་པའི་སྤྲིན་ཕུང་རབ་འབྱམས་དང་། །བསྟོད་དབྱངས་རྒྱ་མཚོའི་མངོན་པར་བསྟོད་བྱས་ནས། །ལག་ན་རྡོ་རྗེ་འཆང་ལ་རྒྱུད་འདི་གཏད། །ཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་
D448.081.0294b07.01