完整藏文原文 · 德格版页 当前仅加载第 81 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
བསྣོལ་བའོ། །རྫས་ཀྱིས་ཐིག་ལེའི་རིམ་གྲོར་བྱ། །སྐྱེ་གནས་དམ་པ་ཚ་བ་ཡི། །སྦྱོར་བ་ཐམས་ཅད་བྱ་བར་བྱ། །འདི་ཡིས་ཡེ་ཤེས་རྒྱས་པར་འགྱུར། །ཞིང་ན་གནས་པའི་བུད་མེད་རྣམས། །འདོད་ཆེན་སྦྱོར་བས་མནན་བྱ་ཡི། །མེ་ཏོག་སོགས་
D449.081.0305b01.01ཀྱིས་མཆོད་མི་དགེས། །སྦྱོར་བ་གང་གིས་རྡོ་རྗེ་དང་། །པདྨ་སད་པ་དེ་བསྟེན་བྱ། །ཆུ་སྐྱེས་དབུས་སུ་སེམས་ཕྱུང་ལ། །དེ་ཡི་ཡེ་ཤེས་མཚོན་བྱས་ནས། །མེ་ཏོག་བཅས་པ་ལིངྒས་བཏུང་། །རཱ་ས་ཡ་ཎའི་བདེ་བའོ། །རབ་ཏུ་དགའ་སོགས་
D449.081.0305b02.01གནས་བྱས་ནས། །འགྱུར་བ་མེད་ཀྱང་འགྱུར་བར་སྟོན། །ཁུ་བ་ཕྱེད་ཀྱིས་ཤེས་རབ་མའི། །འཁོར་ལོར་འགྲོ་འོང་ཟད་པར་བྱེད། །གཟུགས་མཛེས་བལྟས་དང་དགའ་བའི་སྒྲ། །དྲི་མནམས་མ་མཆུའི་སྦྲང་རྩི་བཏུང་། །རེག་དང་གཉིས་གཉིས་སྤྲོད་པ་
D449.081.0305b03.01དང་། །རྡོ་རྗེ་བསླངས་པ་བྷ་ག་ཡིས། །འཚིར་དང་ཟིལ་བས་གཤེར་བ་དང་། །དྲོད་དང་གཡོ་བ་རྣམ་ཤེས་གསུམ། །རབ་དགའ་ལ་སོགས་སར་བརྗོད་པ། །ཕུང་པོ་རིན་ཆེན་སྣོད་དུ་སྦས། །དང་པོའི་ལས་ཅན་རྣམས་ལ་ནི། །བུད་མེད་སྤངས་པའི་
D449.081.0305b04.01ཡེ་ཤེས་མེད། །དང་པོ་ཐ་མར་གཉིས་སྦྱོར་བས། །སངས་རྒྱས་བདེ་བ་རབ་ཏུ་འགྲུབ། །ནུས་བྲལ་སློབ་དཔོན་དབང་བསྐུར་བ། །པདྨར་སེམས་ནི་མངོན་དབབ་པས། །བདེ་གཤེགས་མཆོད་པར་བྱ་བ་ཉིད། །གཞན་དུ་ཕྱུང་ན་དངོས་གྲུབ་རིང་། །
D449.081.0305b05.01བུད་མེད་དག་ཀྱང་འདིས་གྲོལ་ཏེ། །སོར་མོ་ཤིང་དང་པགས་པ་ཡི། །འཁྲུལ་འཁོར་དག་གིས་རྩ་སད་བྱ། །འདོད་ཆེན་བུད་མེད་རབ་གྲོལ་ཕྱིར། །རྣལ་འབྱོར་མ་རྒྱུད་རྒྱས་པར་ཕྱེ། །བདེ་བསྐྱེད་བྱེད་བདུན་ཅུ་གཉིས། །བུད་མེད་རྣམས་ཀྱི་ལྷག་པའི་རྩ། །
D449.081.0305b06.01བུད་མེད་མྱུར་དུ་བྱང་ཆུབ་པ། །སྐྱེས་བུ་དེ་བཞིན་མིན་པ་ཉིད། །འདུ་ཤེས་གཞན་དང་མ་རྫོགས་དང་། །མི་དམིགས་འདི་ལས་ལྟུང་མེད་དེ། །འདོད་བཅས་སད་དང་རྨི་ལམ་ལ། །འཛག་བྱེད་དེ་དག་ཉེས་དང་བཅས། །དུས་བཞིར་བཟང་མོ་ལ་འདོད་སྤྱོད། །
D449.081.0305b07.01