完整藏文原文 · 德格版页 当前仅加载第 83 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ཞལ་ཐམས་ཅད་ཞལ་ལ་ཐིམ་ཞིང་ཕྱག་ཐམས་ཅད་ཕྱག་ལ་ཐིམ་ནས། ཞལ་གཅིག་ཕྱག་གཉིས་པར་གྱུར་ཏེ། །ཧཱུྃ་ཧཱུྃ་ཧཱུྃ་ཞེས་པའི་གླུ་བླངས་སོ། །འདི་ལ་ཅི་ལྟར་དམིགས་བྱས་བཞིན། །ལྷ་རྣམས་ཀུན་ལ་དམིགས་པར་འགྱུར། །གསང་སྔགས་
D457.083.0015a01.01འབུམ་དུ་བརྗོད་བྱས་ནས། །བསྙེན་པའི་དམ་པ་འདི་འགྲུབ་བོ། །འདས་དང་མ་འདས་འོངས་གྱུར་པའི། །སངས་རྒྱས་རྣམས་ཀྱིས་སྔགས་འདི་བཤད། །འདི་ནི་སངས་རྒྱས་ཀུན་གྱི་གསང་། །ཡེ་ཤེས་ཆེན་པོ་ཞེས་བརྗོད་དོ། །དེ་ནས་འཁོར་དེ་དག་ཐམས་
D457.083.0015a02.01ཅད་ནི་གཙོ་བོའི་ཐུགས་ཀར་ཐིམ་པར་གྱུར་ཏོ། །ཀྭ་ཡེ་རྡོ་རྗེ་ཆེན་པོ་ནི། །ལག་ན་རྡོ་རྗེ་སྟོབས་པོ་ཆེ། །དུས་གསུམ་སངས་རྒྱས་ཐམས་ཅད་ཀྱི། །གསང་བའི་མཛོད་འཛིན་གྱུར་པའོ། །བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་གྱི་རྡོ་རྗེ་གདེངས་པའི་རྒྱུད་
D457.083.0015a03.01ལས་ཁམས་གསུམ་རྣམ་པར་རྒྱལ་བ་ཞེས་བྱ་བའི་ལེའུ་རྫོགས་སོ།། །།པཎ་ཌི་ཏ་ཨཌ་ཡ་ཤྲཱི་མ་ཏི་ཞེས་བྱ་བ་དང་། བོད་ཀྱི་ལོཙྪ་བ་བན་དེ་ཆོས་ཀྱི་དབང་ཕྱུག་གྲགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
D457.083.0015a04.01