完整藏文原文 · 德格版页 当前仅加载第 83 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
ཤ་མིག་རྣམ་པར་དག་པ་ཡི། །ཀླུ་ཆེན་བརྒྱད་ཀྱིས་བལྟས་གྱུར་ཀྱང་། །མཐོང་བར་འགྱུར་བ་མ་ཡིན་ནོ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་ལུས་རྣམ་པར་སྦ་བའི་ལེའུ་སྟེ་བདུན་པའོ།། །།དེ་ནས་ལྷ་ཡི་དབང་པོ་དང་།
D460.083.0039b01.01གནོད་སྦྱིན་གྱི་སྡེ་དཔོན་ལག་ན་རྡོ་རྗེ་གཏུམ་པོ་དང་། གནོད་སྦྱིན་གྱི་སྡེ་དཔོན་ལག་ན་རྡོ་རྗེ་གོས་སྔོན་པོ་ཅན་དང་། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་སྟོབས་པོ་ཆེ་དང་། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གསང་བའི་བདག་པོ་དང་། དེ་དག་ལ་སོགས་པ་
D460.083.0039b02.01འདུས་པའི་ཚོགས་ཆེན་པོ་རྣམས་རབ་ཏུ་ཡི་རངས་ཏེ། ལན་བརྒྱ་སྟོང་དུ་མར་མཆོད་ཅིང་བསྐོར་ནས་མངོན་པར་བསྟོད་དོ། །དེ་ནས་ལག་ན་རྡོ་རྗེ་བཞི་ལ་བཀའ་སྩལ་པ། ལག་ན་རྡོ་རྗེ་བཞི་པོ་དང་། རྒྱུད་འདི་དག་གང་ན་གནས་པར་ཁྱེད་ཀྱང་རྗེས་སུ་འབྲངས་ལ་རྒྱུད་འདི་འཆད་པ་
D460.083.0039b03.01དུས་གསུམ་དུ་མཆོད་ཅིང་བཀུར་བར་གྱིས་ཤིག །དེའི་དགོས་པ་གང་ཅིའང་རུང་པ་མ་ལུས་པར་སྒྲུབས་ཤིག །ཕྱི་མའི་དུས་ན་ཨོ་ཏྲེ་ཡུལ་དུ་རྒྱས་པར་འགྱུར་གྱིས་དེར་སྲུང་བར་བྱོས་ཤིག་ཅེས་གསུངས་ནས་ཆོས་ཀྱི་དབྱིངས་རྣམ་པར་དག་པ་ལ་བཞུགས་སོ། །དཔལ་རྡོ་རྗེ་གཏུམ་
D460.083.0039b04.01པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་ཡོངས་སུ་གཏད་པའི་ལེའུ་སྟེ་བརྒྱད་པའོ།། །།དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་རྫོགས་སོ།། །།རྒྱ་གར་གྱི་སློབ་དཔོན་ཨ་པ་ཡུག་ཏི་ལ་དང་། བོད་ཀྱི་ལོ་ཙྪ་བ་བླ་བན་ཆོས་ཀྱི་བརྩོན་འགྲུས་
D460.083.0039b05.01ཀྱིས་ཞུས་ཏེ་བསྒྱུར་ཅིང་གཏན་ལ་ཕབ་པའོ།། །།
D460.083.0039b06.01