完整藏文原文 · 德格版页 当前仅加载第 83 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། །ཤྲཱི་གུ་ཧྱ་བཛྲ་པཱ་ཎི་ཨ་བྷི་དེ་ཤ་ཏནྟྲ་ནཱ་མ། བོད་སྐད་དུ། དཔལ་ཕྱག་ན་རྡོ་རྗེ་གསང་བ་བསྟན་པའི་རྒྱུད། དཔལ་
D463.083.0068a01.01གསང་བའི་བདག་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། འོག་མིན་གྱི་གནས་ལྕང་ལོ་ཅན་གྱི་ཕོ་བྲང་ན། བཅོམ་ལྡན་འདས་དཔལ་ཆེན་པོ་ལ། རིག་སྔགས་ཀྱི་ལྷ་ཚོགས་ཀྱིས་བསྐོར་ཏེ་བཞུགས་སོ། །དེ་ནས་དཔའ་མོའི་དབང་ཕྱུག་མས་འདི་
D463.083.0068a02.01སྐད་ཅེས་གསོལ་ཏོ། །བཅོམ་ལྡན་འདས་གསང་བའི་བདག་པོ་འདི་སྒྲུབ་པའི་རྣལ་འབྱོར་པ་ཇི་ལྟ་བུ་ཅིག་ལགས། བཅོམ་ལྡན་འདས་ཀྱིས་བཀའ་སྩལ་པ། སྙིང་རྗེར་ལྡན་ཞིང་ཤེས་རབ་ཆེ། །བཟོད་དང་ལྡན་ཞིང་བརྩོན་འགྲུས་ཆེ། །ཕྱི་ནང་གསང་བའི་དབང་ཐོབ་ཅིང་། །བསླབ་
D463.083.0068a03.01པ་གསུམ་ལ་རབ་ཏུ་གནས། །དེས་ནི་དཔའ་བོ་ཡང་དག་འགྲུབ། །གསང་བ་བསྟན་པའི་རྒྱུད་ལས་སྒྲུབ་པ་པོ་གང་ཟག་བསྟན་པའི་ལེའུ་སྟེ་དང་པོའོ།། །།ཡང་དཔའ་མོས་གསོལ་པ། བཅོམ་ལྡན་འདས་དཔའ་བོ་འདི་བསྒྲུབ་པའི་གནས་ཇི་ལྟ་བུ་ལགས། བཅོམ་ལྡན་
D463.083.0068a04.01འདས་ཀྱིས་བཀའ་སྩལ་པ། དབེན་པ་ཉམས་དགའ་ཡིད་འོང་བ། །བཀྲ་ཤིས་དཔལ་འཕེལ་དབང་ཡང་འཛིན། །དུར་ཁྲོད་ཆེན་པོ་འཇིགས་གནས་པ། །རི་གསུམ་རྩེ་འམ་བྲག་རི་སྔོ། །ཁྲོ་བོའི་ཆ་བྱད་འདྲ་བའི་གནས། །དེ་ནི་དཔའ་བོ་བསྒྲུབ་ལ་ཤིས། །གསང་
D463.083.0068a05.01བ་བསྟན་པའི་རྒྱུད་ལས་བསྒྲུབ་པའི་གནས་བསྟན་པའི་ལེའུ་སྟེ་གཉིས་པའོ།། །།ཡང་དཔའ་མོས་གསོལ་པ། བཅོམ་ལྡན་འདས་དཔའ་བོ་འདི་བསྐྱེད་པའི་དམིགས་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དང་པོ་སྟོང་ཞིང་བདག་མེད་དེ། །
D463.083.0068a06.01སྣང་ཞིང་སྲིད་པའི་ཆོས་རྣམས་ཀུན། །ངོ་བོ་ཉིད་ཀྱིས་རྣམ་པར་དག །དེ་ལྟ་བུ་ཡི་ཆོས་ཉིད་ལ། །སངས་རྒྱས་སེམས་ཅན་གཉིས་མེད་པས། །མི་སྒོམ་མི་རྟོག་སྣང་ལ་གསལ། །མཐའ་བྲལ་མཁའ་མཉམ་དབུ་མའི་དོན། །སེམས་ཀྱི་རང་བཞིན་དེ་ལྟ་བུ། །དེ་ལྟར་མ་
D463.083.0068a07.01