完整藏文原文 · 德格版页 当前仅加载第 83 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཁྲོས་པ་ཡི། །དུམ་བུ་གསུམ་པ་ངས་བཤད་ཀྱིས། །ལེགས་པར་ཉོན་ལ་ཡིད་ལ་ཟུང་། །ཞེས་གསུངས་སོ། །རྡོ་རྗེ་བདེ་ཁྲོས་ཀྱི་རྒྱུད་ལས་གཏམ་རྒྱུད་ཀྱི་རིམ་པ་བསྟན་པའི་ལེའུ་སྟེ་དང་པོའོ།། །།དེ་ནས་མངོན་པར་བཤད་བྱ་བ། །བཀྲ་ཤིས་མཎྜལ་
D465.083.0091a01.01ལེགས་བྱས་ལ། །ཚུལ་དང་མཐུན་པའི་བུམ་པ་དགོད། །དེ་ཡང་ཆུ་གཙང་སྣ་བདུན་བླུགས། །གཞན་ཡང་ཤིང་ཏོག་འབྲས་བུ་དང་། མངར་གྱི་རྣམ་པ་དང་། དྲིའི་རྣམ་པ་དང་། རིན་པོ་ཆེའི་མཆོག་དང་། འབྲུའི་བྱེ་བྲག་དང་། །སྨན་རྣམས་བླུགས་སོ། །བུམ་པ་དེའི་
D465.083.0091a02.01མགྲིན་པ་དར་སྔོན་པོས་དཀྲིས་ཏེ། སྟེང་དུ་བླ་རེ་ཕུབ་ལ་གཞག་གོ། །རྡོ་རྗེ་བད་ཁྲོས་ཀྱི་རྒྱུད་ལས་སྒྲུབ་རྫས་ཀྱི་ལེའུ་སྟེ་གཉིས་པའོ།། །།དེ་ནས་མངོན་པར་བཤད་བྱ་བ། །སྒྲུབ་བྱེད་རང་རྒྱུད་དག་པ་ཡིས། །བསྐྱེད་ཚུལ་རྒྱས་སམ་བསྡུས་ཀྱང་རུང་། །ཧུྃ་ལས་ཕྱག་
D465.083.0091a03.01ན་རྡོ་རྗེ་ནི། །དབུ་གསུམ་མཐིང་ནག་ཕྱག་བཞི་མཛེས། །སྐུ་ནི་ཆེ་ཞིང་མཚུངས་པ་མེད། །ཞབས་ཀྱིས་རྒྱ་མཚོའི་ནང་དུ་ཡང་། །ཆུ་སྲིནསྦལ་བའི་སྟེང་དུ་བརྫིས། །གཡས་གཡོན་དང་པོའི་ཕྱག་གཉིས་ཀྱིས། །རྡོ་རྗེ་གསོར་ཞིང་དྲིལ་ཆེན་རྡུང་། །མཐའ་གཉིས་
D465.083.0091a04.01དྲུག་པ་ཞལ་དུ་འདྲེན། །དབུ་གསུམ་གཡས་དཀར་རིགས་ལྔས་བརྒྱན། །དབུ་གཡོན་དམར་པོ་སྦྲུལ་གྱིས་མཛེས། །ཞལ་དབུས་མཐིང་ནག་ལྕགས་མཆུ་ཅན། །སྟེང་དུ་མཁའ་ལྡིང་ཚངས་པ་སྤྲུལ། །དཔའ་བོ་གདུག་པ་དཔུང་པའི་རྒྱན། །རིན་ཆེན་ལྷུན་པོའི་
D465.083.0091a05.01རི་རབ་ལ། །སྟེགས་བཅས་ཞུམ་པ་མེད་པར་བཞུགས། །དེ་ལྟར་ལྷ་དང་རབ་སྦྱར་ནས། །དེ་ཉིད་བསྟན་པའི་ཡན་ལག་གིས། །རང་ལུས་ཚགས་སུ་གཞུག་པར་གྱིས། །རྡོ་རྗེ་བདེ་ཁྲོས་པའི་རྒྱུད་ལས་ལྷ་བསྒོམ་པའི་ལེའུ་སྟེ་གསུམ་པའོ།། །།དེ་ནས་མངོན་
D465.083.0091a06.01པར་བཤད་བྱ་བ། །སྒོ་གསུམ་སྦྱོར་བ་ཤེས་པ་ཡིས། །གསང་བའི་སྙིང་པོ་འབུམ་དུ་བཟླས། །ཨོཾ་བཛྲ་ཙཎྜ་སརྦྦ་དུ་ཥྚཾ་ཏ་ཀ་ཧ་ན། ད་ཧ་པ་ཙ་ཧཱུྃ་ཕཊ། བཅོ་བརྒྱད་སྔགས་ཀྱི་རྒྱལ་པོ་འདི། །མ་བྱུང་མི་འབྱུང་འབྱུང་མི་འགྱུར། །འདི་བཟླས་སྔོན་དུ་གྲུབ་པར་འགྱུར། །
D465.083.0091a07.01