完整藏文原文 · 德格版页 当前仅加载第 83 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
པས་འགྲུབ་པར་འགྱུར། །དེ་བས་ནན་ཏན་བསྐྱེད་དེ་བྱ། །དཔལ་གཤིན་རྗེའི་གཤེད་ནག་པོའི་འཁོར་ལོ་བྲི་བའི་ཆོ་ག་རྒྱས་པའི་རྟོག་པ་སྟེ་དང་པོའོ།། །།དེ་ནས་གཞན་ཡང་བཤད་བྱ་བ། །སྔགས་པས་རྟག་ཏུ་བསྟེན་པ་ནི། །རུ་སྦལ་འོ་མ་ཞེས་བྱ་དང་། །
D469.083.0166b01.01དེ་བཞིན་འོད་ཀྱི་ལོ་མ་དང་། །འཇིམ་པ་སྐམ་པོ་ཉིད་དང་ནི། །དེ་བཞིན་མེ་ཡི་ཁུ་བ་དང་། །སྒྲ་བརྙན་གྱི་ནི་རྫས་དག་སྟེ། །འདི་རྣམས་རྟག་ཏུ་སྤྱད་ན་ནི། །རང་བཞིན་གྱིས་ནི་ནད་མེད་ཅིང་། །ཚེ་རིང་དབང་པོ་རྒྱས་པ་དང་། །རྟག་ཏུ་ལང་ཚོ་དར་ལ་བབ། །ལྷ་རྣམས་ཀུན་གྱིས་བྱིན་
D469.083.0166b02.01གྱིས་རློབ། །འདི་ལ་དཔྱད་པར་མི་བྱ་སྟེ། །མཐུ་དང་ངོ་བོ་ཉིད་ཀྱིས་འགྲུབ། །ཏིང་འཛིན་སྔགས་ཀྱིས་བྱིན་བརླབས་ན། །ལས་ཀྱི་རྣམ་སྨིན་སྦྱོང་བར་བྱེད། །རིག་པ་འཛིན་པའི་ས་ལ་གནས། །དེ་ཕྱིར་ཆོ་ག་བཞིན་དུ་བསྟེན། །ཚེས་གཅིག་སྐྱ་རེངས་ཤར་ཙམ་ན། །སྣོད་
D469.083.0166b03.01མ་རེག་ལ་རུ་སྦལ་ཞོ། །དྲོད་མ་ཡལ་བར་བཏུང་བའམ། །ཡང་ན་ཉི་མའི་སྦུ་གུས་བཏུང་། །མར་གྱི་ངོ་ཡི་ཚེས་གཅིག་ལ། །འོད་ཀྱི་ལོ་མ་བཙལ་ནས་ནི། །དེ་ཉིད་ནས་ནི་བཟུང་ནས་ཀྱང་། །ཞག་གསུམ་སྐྱ་རེངས་ཤར་བ་ན། །ལོ་མ་དེ་བཅང་བཟའ་བར་བྱ། །ཡང་ན་ཉི་མའི་སྦུ་
D469.083.0166b04.01གུས་བྱ། །འཇིམ་པ་བཟང་པོ་སྦྱར་ནས་ནི། །ཞག་གསུམ་ཆུ་ཡི་ནང་དུ་སྦང་། །དེ་བླངས་ནས་ནི་ཡང་བསྐམས་ནས། །ཕྱེ་མ་བྱི་ལའི་སྦར་ཚད་རེ། །བ་ཡི་འོ་མ་དང་སྦྱར་ནས། །སྔགས་པས་རྟག་ཏུ་བཏུང་བར་བྱ། །མེ་ཡི་སྡོང་པོ་སར་པ་ནི། །ས་ཡི་མར་གྱིས་དྲིལ་ནས་
D469.083.0166b05.01ནི། །ཁ་སྦྱར་སྣོད་དང་ལྡན་བྱས་ནས། །མེ་ཆུ་ས་ཡིས་བཙིར་ནས་ནི། །བཏུང་ངམ་ཉི་མའི་སྦུ་གུས་བཏུང་། །ལན་ཚྭ་བྲལ་བའི་སྒྲ་ལས་ནི། །ཞག་གསུམ་བཅིངས་པའི་སྒྲ་བརྙན་རྫས། །ནམ་གྱི་གུང་ལ་སྔགས་པས་བླངས། །ཆ་གསུམ་སྣོད་དུ་ཞག་གསུམ་གཞག །
D469.083.0166b06.01རྩེ་མོའི་ཆ་ནི་བྱུག་པ་སྟེ། །དབུས་མའི་ཆ་ནི་བདུད་རྩི་ཡིན། །རྩ་བའི་ཆ་ནི་དོར་བར་བྱ། །འདི་རྣམས་སོ་སོར་བསྟེན་པ་ན། །ཐ་མར་འབྲས་བུ་གསུམ་གྱི་ཕྱེ། །བྱི་ལའི་སྦར་ཚད་རེ་དང་སྦྱར། །མ་སྦྱར་ན་ཡང་ཉེས་པ་མེད། །ཚོགས་པར་བསྟེན་ན་བཟང་བར་བཤད། །རེ་རེ་བསྟེན་
D469.083.0166b07.01