完整藏文原文 · 德格版页 当前仅加载第 83 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྦྱོར་བས་ནི། །གསང་སྔགས་རྒྱལ་པོས་འདོད་པ་སྦྱར། །མ་ཡེངས་རྩེ་གཅིག་སེམས་ཀྱིས་བྱ། །གསུངས་དང་མ་གསུངས་མཐའ་དག་ཀྱང་། །ཇི་ལྟ་བ་ཡི་རིམ་པ་ཡིས། །རྒྱུད་ཀྱི་རྒྱལ་པོ་ཉིད་ཉེར་གནས། །སངས་རྒྱས་འབྲས་བུ་མྱུར་དུ་འཐོབ། །ཞི་ལ་ཞི་བའི་ཡིད་ཀྱིས་ཏེ། །རྒྱལ་པོ་ལྟ་བུར་རྒྱས་པ་ལ། །སྡང་བྲལ་
D470.083.0173a01.01ཆགས་པས་དབང་ལའོ། །དྲག་པོའི་ལས་ལ་ཁྲོ་ཞིང་རྩུབ། །རབ་ཏུ་གཏུམ་པའི་ཡིད་ཀྱིས་ནི། །གསོད་པའི་སེམས་དང་ལྡན་པར་བྱ། །གང་ཞིག་ལྟོས་པ་མེད་པའི་མི། །གྲུབ་པ་མྱུར་དུ་ཚོལ་བྱེད་ན། །སེམས་ཀྱི་རང་བཞིན་རྣམ་དག་པས། །རྡོ་རྗེ་འཛིན་པ་དེ་འགྲུབ་འགྱུར། །དངོས་པོ་གང་དང་གང་སྤྱོད་ཡུལ། །དེ་དང་དེ་
D470.083.0173a02.01ཡི་རང་བཞིན་འགྲོ། །མཉམ་གཞག་ཉམས་པར་མི་བྱ་ལ། །དུས་རྣམས་རྟག་ཏུ་རྣལ་འབྱོར་པས། །ཤིན་ཏུ་མཉམ་པར་གཞག་པར་བྱ། །དེས་ནི་ཐར་པ་ཉིད་ཀྱི་རྒྱུ། །རྒྱུད་ཀྱི་རྒྱལ་པོ་འདི་ལས་ནི། །འདོད་པའི་དངོས་གྲུབ་མྱུར་བྱེད་དེ། །དཀའ་བ་མེད་པའི་ཐབས་འདི་ནི། །དཀའ་སྤྱོད་བརྟུལ་ཞུགས་རྣམས་སྤངས་ཏེ། །ཤིན་
D470.083.0173a03.01ཏུ་བདེ་བར་སྒྲུབ་པའི་ཐབས། །སྡུག་བསྔལ་འཇིགས་མེད་བདུད་རྩིའི་རོ། །བློ་ལྡན་ལེགས་པར་བླང་བྱ་སྟེ། །ཤིན་ཏུ་འབད་པས་བསྒྲུབ་པར་བྱ། །མི་ཤེས་བློ་གྲོས་རྨོངས་པ་འགའ། །རྟོག་པའི་དྲ་བས་བསྒྲིབས་པའི་ཚེ། །བསོད་ནམས་དང་ནི་སྡིག་པ་ཡི། །ཕུང་པོ་རྣམ་པ་གཉིས་སུ་བརྟགས། །འོན་ཀྱང་འདོད་པ་ཐམས་
D470.083.0173a04.01ཅད་ནི། །རྒྱུད་མཆོག་འདི་ལས་འབྱུང་འགྱུར་ཕྱིར། །དམན་ཞིང་བརྩོན་པ་ཆུང་བ་འགའ། །འདི་ལ་ཞུགས་ན་མྱུར་དུ་འགྲུབ། །དེ་བས་ངོ་མཚར་རྒྱུད་འདི་ནི། །རྙེད་དཀའ་ཁྱད་པར་མཆོག་གྱུར་པ། །ཡི་གེའི་དབྱིབས་ཀྱང་མི་བསྟན་ན། །བཤད་ཅིང་འགྲོལ་བ་སྨོས་ཅི་དགོས། །དབང་རྣམས་ངེས་པར་མ་བླངས་ཤིང་། །བླ་མ་
D470.083.0173a05.01མཉེས་པར་མ་བྱས་ཚེ། །བསྟན་ཀྱང་ཐོབ་པར་མི་འགྱུར་ཏེ། །ཚ་བ་ལ་སོགས་འཁོར་བར་འཁོར། །དེ་སྐད་སྟོན་པས་བཤད་པའི་ཚེ། །སྡེ་རྣམས་མྱོས་ཤིང་བརྒྱ་ལ་རྨོངས་ཏེ། །ཀུན་ཀྱང་འདུད་ཅིང་མགོ་བོ་སྨད། །འཇིག་རྟེན་འདི་ནི་ཤིན་ཏུ་གཡོས། །གང་ཞིག་རྒྱུད་འདི་ཉན་པ་དང་། །ཤེས་ནས་འཆང་བར་བྱེད་པ་དང་།
D470.083.0173a06.01དུས་རྣམས་ཀུན་ཏུ་འདོན་བྱེད་ན། །ཚེ་འདིར་འཇིགས་པ་ཀུན་བསལ་ཏེ། །ཤི་ནས་མཐོ་རིས་མྱུར་དུ་འཐོབ། །གལ་ཏེ་གཞན་དུ་རྒྱུད་མཆོག་འདི། །བསྟན་ནམ་བཤད་དམ་གསལ་ཕྱེ་ན། །དེ་ནི་སྡུག་བསྔལ་མང་མྱོང་ནས། །ཤི་ནས་མྱུར་དུ་དམྱལ་བར་འགྲོ། །རང་གིས་ཤིན་ཏུ་བཅང་བྱས་ཤིང་། །དངོས་གྲུབ་
D470.083.0173a07.01