完整藏文原文 · 德格版页 当前仅加载第 83 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་སྒྲིལ་དུ་ཡང་དེ་ཡིས་བྱ། །གདུག་སྔགས་སྟོང་དུ་ཚང་བར་ཏེ། །བཟླས་ཚུལ་སྔོན་དུ་གསུངས་པ་བཞིན། །སྐར་མ་རྒྱལ་གྱི་དུས་ལ་བཟླ། །བྲི་བའི་ཉིན་མོའང་དེ་ལའོ། །དཀྱིལ་འཁོར་གྱི་ནི་ལྷར་བརྟག་པ། །གཡོན་གྱིས་མདུད་བྱས་གཞན་ལ་གདགས། །མ་ལུས་
D473.083.0181a01.01མཚོན་དག་རེངས་བྱེད་དེ། །གཅེར་བུ་བ་ལང་རེངས་པར་བྱེད། །མེ་ཏོག་ལས་ནི་གཞན་དུ་མིན། །ཤ་ལྔ་སོགས་ཀྱི་རིལ་བུ་ནི། །ལེགས་པར་གྲིབ་མ་དག་ལ་བསྐམ། །ལྕགས་གསུམ་དག་གིས་དཀྲི་བར་བྱ། །བཟླས་ཤིང་མཆོད་པ་བྱེད་པའི་ཚེ། །དངུལ་དག་གི་ནི་རང་བཞིན་བྱ། །འབར་
D473.083.0181a02.01བར་གྱུར་བ་ཉིད་ན་ཡང་། །མཆོད་པ་ལེགས་པར་རྣམ་བྱས་ཏེ། །སྐོར་བ་བརྒྱ་ཕྲག་དུ་མ་བྱ། །དེ་ནས་བློ་ལྡན་སྒྲུབ་པ་པོས། །ཁར་བཅུག་ཙམ་གྱིས་འདོད་པ་བསྒྲུབ། །ཕྱུང་ན་སྔོན་ལྟར་རྣལ་མ་ཉིད། །གསོ་བ་འདྲ་བར་འོ་མས་ཀྱང་། །ངེས་པར་འཁྲུལ་འཁོར་བཀྲུ་བར་བྱ། །རིག་སྔགས་
D473.083.0181a03.01འཁྲུལ་འཁོར་ལས་གྲོལ་ཏེ། །རྣལ་མ་ཉིད་ལ་གནས་པ་ཡིན། །སྣུམ་སྟེར་དག་གི་ས་བོན་ལ། །ཉ་ལྕིབས་དང་ནི་བྱི་ཏང་ཀ །ཁུ་བས་ཡང་དེ་བྱུགས་པ་ལ། །ཐོད་པས་ས་ནི་རྣམ་བཀང་བར། །སྦས་ཏེ་བཟླས་པ་གྲངས་མེད་བྱ། །དེ་ཚེ་མཆོད་དང་གཏོར་མ་དག །ཡོངས་རྒྱས་འབྲས་བུ་རྣམ་
D473.083.0181a04.01བླངས་ཏེ། །ཁར་བཅུག་མཁའ་འགྲོའི་བྱར་འགྱུར་རོ། །དེ་ལ་འདི་སྐད་ཅེས་བྱ་སྟེ། །ཞུས་དང་འདས་དུས་བྱུང་གདུག་པ། །མངོན་པར་རྟོགས་པའི་ཏིང་ངེ་འཛིན། །དཀྱིལ་འཁོར་རྣམ་པར་སྤྲོས་པ་དང་། །ཐིག་གིས་གཞལ་ཡས་མཚོན་པ་དང་། །རྡུལ་ཚོན་ཕྱོགས་ལས་རྣམ་པར་
D473.083.0181a05.01བརྟགས། །ཡང་དག་བྱིན་གྱིས་བརླབས་པ་དང་། །བདུད་རྩི་མྱང་བར་བྱ་བ་དང་། །ཚངས་པའི་གནས་བཞི་བསྒོམ་པ་དང་། །སྔགས་ཀྱི་དངོས་མེད་དེ་བཞིན་མཚམས། །ཆོས་འབྱུང་དང་ནི་སྒྲུབ་པོ་དང་། །བཟླས་དང་དེ་ཡི་གྲངས་ཚད་དང་། །འཁོར་ལོ་དང་ནི་ཡི་གེ་གཉིས། །ངེས་པར་
D473.083.0181a06.01ཞུས་དང་མཆོད་པ་དང་། །འཁོར་ལོ་འདྲི་བའི་མཚན་མ་དང་། །འབྱུང་བ་བཞི་དང་བསྡུ་སོགས་དང་། །སྡོམ་པ་འཁོར་ལོའི་ཡི་གེ་བྲི། །གཞི་དང་དེ་བཞིན་སྣག་ཚ་དང་། །སོ་སོ་ལས་ཀྱི་བྱེ་བྲག་སྟེ། །བསྡུས་ཏེ་ང་ཡིས་བསྟན་པ་ཡིན། །དེ་ནས་བཅོམ་ལྡན་འདས་ཀྱིས་འབྱུང་པོ་རྣམས་ལ་
D473.083.0181a07.01