完整藏文原文 · 德格版页 当前仅加载第 85 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བརྙན་མཆོད་རྟེན་ལ་སོགས་ཀྱི། །དངོས་གྲུབ་དག་ནི་སྟེར་བར་བྱེད། །ཡིད་ཀྱིས་ཅུང་ཟད་གང་བསམས་པ། །སྐྱེ་དང་སྐྱེ་བར་འགྲུབ་པར་འགྱུར། །རྒྱན་རྣམས་མ་ལུས་པ་ཡིས་ནི། །ཕྱི་ནས་བཟོ་བོ་རྣམས་ལ་མཆོད། །གང་དག་དེ་ལ་གྲོགས་བྱེད་
D486.085.0150a01.01པ། །གཞན་དག་ཀྱང་ནི་མཆོད་པར་བྱ། །དེ་ནས་དེ་དག་ཐམས་ཅད་ལ། །དགའ་བས་འདི་དག་བརྗོད་པར་བྱ། །ཇི་ལྟར་གསུངས་པའི་མཆོད་པ་རྣམས། །བདག་ལ་མཐུན་པའི་ནུས་པ་མེད། །དེ་ཕྱིར་བདག་ལ་ཁྱེད་བཟོད་མཛོད། །སྔགས་ཀྱི་གཙང་སྦྲ་བཟའ་བཅའ་དག །
D486.085.0150a02.01གཟུགས་བརྙན་དག་ལ་སྦྱིན་པར་བྱ། །བདེ་གཤེགས་ལྷག་མ་འདི་དག་ནི། །ཟོ་ཞིག་སྡིག་པ་འབྱང་བར་འགྱུར། །ཞེས་བྱ་བས་སོ། །གླང་པོ་རྟ་གླང་ཤིང་རྟ་ནོར། །ཡོན་གྱི་དམ་པ་དབུལ་བར་བྱ། །དེ་ནས་དེ་ལ་ནན་ཏན་གྱིས། །ལོངས་སྤྱོད་གཡོ་བ་དབུལ་བར་བྱ། །
D486.085.0150a03.01གལ་ཏེ་ལྷ་ཉིད་དགྱེས་འདོད་ན། །བླ་མ་གུས་པས་དགྱེས་བྱ་ཞིང་། །དེ་ལྟར་རྣམ་པ་ཐམས་ཅད་དུ། །བླ་མ་ཡང་དག་མཉེས་པར་བྱ། །དེ་ནས་ཡང་དག་བརྟུལ་ཞུགས་ཅན། །དགེ་སློང་དགེ་བསྙེན་དགེ་སློང་མ། །མཆོག་ཏུ་གུས་པས་མཆོད་བྱས་ལ། །ཇི་ལྟར་འོས་པའི་
D486.085.0150a04.01ཡོན་ཡང་དབུལ། །དུང་དང་རོལ་མོའི་སྒྲ་ལ་སོགས། །བཟང་པོའི་གླུ་དང་གར་རྣམས་ཀྱིས། །གཉེན་དང་རིགས་རྒྱུད་འཁོར་རྣམས་ཀྱིས། །རོལ་མོ་ཆེན་པོ་མཚན་མོ་དབུལ། །དེ་ལྟར་ཐམས་ཅད་བྱས་ཟིན་ནས། །གང་རུང་མཆོད་སྦྱིན་དཀྱིལ་འཁོར་ལ། །ཕུལ་ལམ་འབུལ་
D486.085.0150a05.01བར་བྱེད་པ་རྣམས། །སློབ་དཔོན་ལ་ནི་དབུལ་བྱ་ཡི། །བཟོ་བོ་ལ་ནི་མི་སྦྱིན་ཞིང་། །དགེ་སློང་རྣམས་ལའང་སྦྱིན་མི་བྱ། །སློབ་དཔོན་མཆོག་གི་ལྷ་ཡིན་ཏེ། །ནོར་རྣམས་ཐམས་ཅད་དེ་ལ་དབུལ། །དེ་ནས་དཀྱིལ་འཁོར་བྱུག་བྱ་སྟེ། །བ་ཡི་ལྕི་བས་བྱུག་བྱ་ཞིང་། །རྡུལ་ཚོན་ཆུ་བོར་
D486.085.0150a06.01དོར་བར་བྱ། །དྲི་ཡིས་ཡང་དག་ལེགས་པར་བྱུག །རབ་ཏུ་གནས་པ་མདོར་བསྡུས་པའི་ཆོ་གའི་རྒྱུད་རྫོགས་སོ།། །།ཁ་ཆེའི་པཎྜི་ཏ་ཆེན་པོ་ཛྙཱ་ན་བཛྲ་དང་། ལོ་ཙཱ་བ་འབྲོ་དགེ་སློང་ཤེས་རབ་གྲགས་པས་བསྒྱུར་བའོ།། །།
D486.085.0150a07.01