完整藏文原文 · 德格版页 当前仅加载第 85 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་། །སྣ་ཚོགས་འབར་བ་འཁྲིགས་པའི་འོད། །པདྨའི་གདན་ལ་བཞུགས་པར་ནི། །ལུགས་མའམ་མངོན་པར་འདུས་བྱས་པའོ། །རང་གི་སྙིང་པོ་ཀུན་བཟླས་ཏེ། །དེ་ཚེ་དཀྱིལ་འཁོར་བརྟག་པར་བྱ། །རྡོ་རྗེ་སེམས་སོགས་སེམས་དཔའ་རྣམས། །སྙིང་པོ་ཉིད་ཀྱིས་
D487.085.0152b01.01ཡང་དག་དགོད། །རྡོ་རྗེ་ཤུགས་ཀྱིས་རྒལ་ནས་ནི། །དཀྱིལ་འཁོར་ཐམས་ཅད་ཡང་དག་བསྡུས། །གཞག་གམ་ཡང་ན་བྲི་བར་བྱ། །ཚོགས་རྣམས་ཀུན་དུ་སྟོན་པའོ། །མདུན་དུ་རྡོ་རྗེ་སེམས་དཔའ་ནི། །སངས་རྒྱས་ཀུན་གྱི་དབུ་རྒྱན་ཅན། །རྡོ་རྗེ་མཚོན་ནི་གསོར་བར་བརྩོན། །
D487.085.0152b02.01དམར་སྐྱ་དག་ནི་ངེས་པར་དགོད། །སངས་རྒྱས་ཀྱི་ནི་གཡས་ལོགས་སུ། །རྡོ་རྗེ་ཀཱི་ལི་ཀཱི་ལ་ནི། །ཡན་ལག་ཀུན་གྱིས་ཡོངས་འཁྱུད་པ། །རྡོ་རྗེའི་གཟུགས་ཅན་ཉི་མའི་འོད། །རྒྱབ་ཏུ་རྡོ་རྗེ་འདོད་པ་ནི། །ཆུ་སྲིན་གྱི་ནི་རྒྱལ་མཚན་ཐོགས། །སྔོ་སྐྱའི་མདོག་ཅན་ཅི་རིགས་པར། །བློ་
D487.085.0152b03.01དང་ལྡན་པས་གཞག་པར་བྱ། །གཡོན་དུ་རྡོ་རྗེ་བསྙེམས་པ་ནི། །བསྙེམས་པའི་རྡོ་རྗེ་གཉིས་ཀྱིས་ནི། །རྡོ་རྗེ་བསྙེམས་པ་གཉིས་འཛིན་པ། །བཙོ་མའི་གསེར་དང་འདྲ་བར་དགོད། །སངས་རྒྱས་ཀྱི་ནི་མཚམས་རྣམས་སུ། །མེ་ཏོག་ལ་སོགས་ཀྱིས་མཚན་ཅིང་། །ཐལ་མོ་སྤྱི་བོར་ལེགས་
D487.085.0152b04.01འཇོག་པའི། །མཆོད་པ་ཆེན་པོ་གཞག་པར་བྱ། །ཕྱི་ཡི་དཀྱིལ་འཁོར་མཚམས་རྣམས་སུ། །ལྷ་མོའི་ཚོགས་རྣམས་དགོད་པར་བྱ། །སྒོ་ཡི་དབུས་ནི་ཐམས་ཅད་དུ། །གཟུགས་མཚན་ལ་སོགས་བསྡུས་པ་དགོད། །སངས་རྒྱས་དཀྱིལ་འཁོར་ཅན་བརྒྱད་ནི། །རྡོ་རྗེ་འཛིན་སོགས་བྲི་
D487.085.0152b05.01བར་བྱ། །རྡོ་རྗེ་འཁོར་ལོ་ཐམས་ཅད་དུ། །སངས་རྒྱས་རྡོ་རྗེ་འཛིན་གྱིས་བསྐོར། །ཕྱི་ཡི་དཀྱིལ་འཁོར་གནས་རྣམས་སུ། །འདོད་པའི་དབང་ཕྱུག་བྲི་བྱ་སྟེ། །མདུན་དུ་འཇིག་རྟེན་གསུམ་རྒྱལ་པོ། །འདོད་པའི་ཚངས་པ་ཞི་བྱེད་མཆོག །དེ་ནས་དཀྱིལ་འཁོར་ཆེན་པོ་འདིར་འཇུག་པ་ལ་
D487.085.0152b06.01སོགས་པའི་ཆོ་ག་རྒྱས་པ་འབྱུང་སྟེ། དེ་ལ་དང་པོ་ཉིད་དུ་ཅི་སྐད་བཤད་པའི་ཆོ་ག་འདིར་ཞུགས་པའི་སློབ་དཔོན་ནི། རྡོ་རྗེ་ཆེན་པོའི་སློབ་དཔོན་དང་། དཀྱིལ་འཁོར་ཐམས་ཅད་ཀྱི་སློབ་དཔོན་དང་། དམ་ཚིག་ཐམས་ཅད་ཤེས་པ་དང་། ཆོས་ཐམས་ཅད་རིག་པ་དང་། ལས་ཐམས་ཅད་སྒྲུབ་
D487.085.0152b07.01