完整藏文原文 · 德格版页 当前仅加载第 85 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
པོའམ་དེ་བཞིན་གཤེགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་གསང་བའི་བདག་པོ་ལག་ན་རྡོ་རྗེ་ལ་བཀའ་སྩལ་པ། གསང་བའི་བདག་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི་སྔགས་ཀྱི་ཚིག་ཉི་ཤུ་རྩ་ལྔ་པོ་འདི་རྣམས་སོ། །ཨོྃ་བྱང་ཆུབ་ཀྱི་སེམས་རྡོ་རྗེ། ཨོྃ་ཀུན་ཏུ་
D489.085.0271b01.01བཟང་པོའི་སྤྱོད་པ། ཨོྃ་ཡིད་བཞིན་གྱི་ནོར་བུ། ཨོྃ་འགོག་པ་མེད་པ། ཨོྃ་སྐྱེ་བ་བཟློག་པ། ཨོྃ་རྣམ་པར་ཤེས་པ་ཐམས་ཅད། ཨོྃ་འདོད་ཆགས་དང་བྲལ་བའི་ཆོས་ཉིད་ཆེན་པོ། ཨོྃ་བརྩོན་འགྲུས་ཀྱི་གོ་ཆ། ཨོྃ་ཀུན་ཏུ་འགྲོ་བ། ཨོྃ་རྡོ་རྗེ་སྲ་བའི་སེམས་ཧཱུྃ་ཕཊ། ཨོྃ་དེ་བཞིན་གཤེགས་
D489.085.0271b02.01པ་ཐམས་ཅད། ཨོྃ་ངོ་བོ་ཉིད་རྣམ་པར་དག་པ། ཨོྃ་ཆོས་ཉིད་ཤེས་པ་རྣམ་པར་དག་པ། ཨོྃ་དེ་བཞིན་ལས་རྣམ་པར་སྦྱོང་བ། ཧཱུྃ་ཨོྃ་ངེས་པར་གནོད་མཛེས་རྡོ་རྗེ་ཅན་ཕཊ། ཨོྃ་འདོད་པ་ལ་འདོད་ཆགས་པ། ཨོྃ་སྤོང་བའི་རྡོ་རྗེ་ཅན། ཨོྃ་ཧཱུྃ་ཐམས་ཅད་འདུལ་བ། ཨོྃ་ཧྲཱིཿ། ཨོྃ་ཨ་ཞེས་བྱ་
D489.085.0271b03.01བའི་སྒོ། ཨོྃ་ཤེས་རབ་ཀྱི་ཕ་རོལ་ཏུ་ཕྱིན་པ། །ཨཱཾ་བྃ་ཧཱུྃ་ཡ། ཨོྃ། ཨོྃ་དེ་བཞིན་གཤེགས་པ་ཐམས་ཅད་ཀྱི་སྐུའི་མཆོག །ཨོྃ་དེ་བཞིན་གཤེགས་པ་ཐམས་ཅད་ཀྱི་གསུང་རྣམ་པར་དག་པ། ཨོྃ་དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་ཨཿ། ཨོྃ་ཨ། སྡིག་པའི་བཅིངས་པ་ཐམས་ཅད་
D489.085.0271b04.01ཆོམས་ཤིག །ངན་སོང་གི་རྒྱུད་ཐམས་ཅད་ལས་ཐར་བར་གྱིས་ཤིག། ཨོྃ་དམ་ཚིག་ཐམས་ཅད་ཀྱི་རྡོ་རྗེ། ཧཱུྃ་ཏྲཊ། སྡིག་པ་གཞོམ་པའི་ཕྱག་རྒྱ་དང་སྔགས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བའི་དངོས་གྲུབ་དམ་པ་རྡོ་རྗེ་འཛིན་ཆེན་པོ་དང་དེ་བཞིན་གཤེགས་པར་འགྱུར་རོ། །ལག་ན་
D489.085.0271b05.01རྡོ་རྗེ་འདི་ནི་སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱི་རྣ་ལམ་དུ་ཐོས་པར་མི་འགྱུར་རོ། །འདི་ནི་སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱིས་མཉན་པའམ། ཡི་གེར་འདྲི་བའམ། ཡི་གེ་འདྲིར་གཞུག་པའམ། བཀླག་པའམ། འཆང་བའམ། བསྒོམ་པའམ། བསྟི་སྟང་
D489.085.0271b06.01དུ་བྱ་བའམ། རི་མོར་བྱ་བའམ། མཆོད་པར་མི་ནུས་སོ། །གང་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་ཆོས་ཀྱི་རྣམ་གྲངས་འདི་ལས་ཐ་ན་ཡི་གེ་འབྲུ་གཅིག་ཙམ་ཐོས་ན་ཡང་སེམས་ཅན་དེ་དག་ནི་གཞན་ན་སངས་རྒྱས་མང་པོ་ལ་དགེ་བའི་རྩ་བ་བསྐྱེད་པ་ཡིན་ན་མཐའ་དག་རྫོགས་
D489.085.0271b07.01