德格《甘珠尔》D499

གཙུག་ཕུད། །ལྔ་པར་སྐད་ཅན་དྲུག་པར་ར། །བདུན་པ་སྐྱེ་གཉིས་བརྒྱད་པར་གླང་། །གཡས་ཀྱི་ཕྱོགས་ནས་བསྐོར་བའོ། །མ་ཧེ་རྟ་དང་ལུག་དང་སྤྲེའུ། །གཡོན་གྱི་ཕྱོགས་ནས་བསྐོར་བའོ། །དེ་ནི་དབུལ་བའི་དམ་ཚིག་གོ། །ཁྲག་དང་དུག་དང་

སྐེ་ཚེ་ཡིས། །ནམ་གྱི་ཕྱེད་ཀྱི་དུས་དག་ཏུ། །དུར་ཁྲོད་རས་ལ་འདི་ལྟར་བྲི། །ཞལ་བརྒྱད་ཕྱག་སྟོང་ཡང་ན་བཅུ། །ཞལ་བཞི་དང་པོ་ཞི་བ་སྟེ། །གཉིས་པ་དམར་པོ་ཆུ་སྲིན་ནོ། །གསུམ་པ་ཁྲོ་ནག་ཡིད་དང་ཁྲོ། །བཞི་པ་{ཡི་དགས་,ཡི་དྭགས་}མགོ་ཡིན་ནོ། །སྐྲ་ནི་གྱེན་བརྫེས་

ཞལ་དང་མཚུངས། །སྤྲུལ་ཕ་བྱ་རྒོད་ཁྲ་དང་སྤྱང་། །དེ་ཡི་མགོ་ཅན་བྲི་བར་བྱ། །དགུག་གཞུག་དབང་ནི་བསྐྲད་པར་བྱའོ། །འདི་ནི་བསྟན་པའི་དམ་ཚིག་གོ། །བསྙེན་པའི་དམ་ཚིག་གཉིས་དག་གིས། །གསུམ་རྒྱལ་དག་ལས་ཤེས་པར་བྱ། །ཨོྃ་ཡཀྵ་ཧ་ས་ཧ་ས་ད་ར་

ད་ར་ཧཱུྃ། ཁྲ་དང་སྤྱང་ཀི་ཁྱི་ལ་སོགས། །རྨི་ལམ་དུ་འམ་དངོས་སུ་འབྱུང་། །དེ་ནས་མཆོད་པའི་དམ་རྫས་ཀུན། །བསྒྲུབ་བྱའི་རྫས་དང་བསྲེས་བྱས་ལ། །གཟུགས་བརྙན་བྱས་ལ་ཐོད་པར་གཞུག །མར་ངོ་གནོད་སྦྱིན་གཟུགས་ཀྱིས་མཆོད། །ཨོྃ་ཡཀྵ་མཱ་ར་ཡ་མཱ་ར་ཡ།

ཨ་པྲ་ཏི་ཧ་ཏ་བ་ལ་པ་རཱ་ཀྲ་མཱ་ཡ་ཕཊ། སརྦྦ་ཤཱ་ཏྲཱུཾ་སཾ་གྷ་བིནཱ་ཤ་ཀ་རཱ་ཡ་ཕཊ། ནཱི་ལཱཾ་བ་རདྷ་ར་བཛྲ་པཱ་ཎཱི་རཱ་ཛྙཱ་པ་ཡ་ཏི་མཱ་ར་ཡ་ཙིཏྟ་ལ་ཕཊ། དེས་ཀྱང་གྲུབ་པར་མ་གྱུར་ན། །གཟུགས་བརྙན་རྡུལ་ལ་སྦྱིན་སྲེག་བྱ། །ལས་སྐྱེས་གཟུགས་བརྙན་གོང་བུར་གཞུག །དེས་ཀྱང་

གྲུབ་པར་མ་གྱུར་ན། ཨོཾ་ཡཀྵ་མཱ་ར་ཡ། མཱ་ར་ཡ། ནཱ་ར་ཡ། ནཱ་ཤ་ཡ། ནཱ་ཤ་ཡ། ཙིཏྟ་ལ་རྦད་རྦད། ཕྱག་གི་རྡོ་རྗེས་བསྣུན་པར་བྱ། །དེས་ཀྱང་གྲུབ་པར་མ་གྱུར་ན། །ནཱི་ལཱཾ་བ་ས་ནཱ་ཡ་ཕཊ། སྟོང་པ་ཉིད་དུ་བསྒོམ་པར་བྱ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ངོ་མཚར་

ནས་ཆེད་དུ་བརྗོད་པ། ཟུང་དུ་འབྲེལ་བར་གནས་གྱུར་པ། །ཡྃ་ལས་རླུང་སྟེ་པྃ་ལས་པད། །འཆི་བ་ཞེས་བྱའི་རྣམ་རྟོག་འདི། །བདེ་བ་ཅན་དུ་འགྲོ་བར་འགྱུར། །རྡོ་རྗེ་ས་འོག་གི་རྒྱུད་ལས་གནོད་སྦྱིན་སྒྲུབ་པའི་ལེའུ་སྟེ་ལྔ་པའོ།། །།དེ་ནས་བྱང་ཆུབ་སེམས་