完整藏文原文 · 德格版页 当前仅加载第 87 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་སྦྱིན་བྱ་བ་སྙིང་རྗེས་སྦྱིན། །འཇོག་པོ་དང་ནི་རིགས་ལྡན་དང་། །མཐའ་ཡས་ནོར་རྒྱས་པདྨ་དང་། །པད་ཆེན་དུང་སྐྱོང་སྟོབས་ཀྱི་རྒྱུ། །དུག་རྣམས་སྙིང་རྗེའི་སྦྱོར་བས་སྦྱང་། །ནག་པོ་དཀར་པོ་སྔོན་པོ་དང་། །རང་གི་གནས་སུ་སྦྱར་བར་བྱ། །ཡང་ན་ཞི་བའི་ཐབ་ཁུང་དུ། །
D500.087.0173b01.01ཀླུ་ཡི་སྡིག་པ་ཞི་བར་བྱ། །ཤིན་ཏུ་གནག་པའི་རིགས་དེ་ལ། །མངར་གསུམ་ཆུ་ཡིས་གསོ་བར་བྱ། །གང་ཞིག་སྡིག་ཅན་ཞི་མི་འདུལ། །གཉིས་ཀྱི་སྦྱོར་བས་རྒྱུན་གཅོད་བྱ། །ཁྲག་དང་དུག་སོགས་རྫས་དག་ལ། །རིག་པ་བཟློག་པས་བསྒྲུབས་ནས་ནི། །ཤིན་ཏུ་ཁྲོས་པའི་
D500.087.0173b02.01ཁྲོ་བོ་ཡིས། །དགུག་དང་གཞུག་དང་མྱོས་བསད་དང་། །ཆོ་གས་གདུག་པ་དབང་བྱས་ལ། །བསྲེག་པ་ལ་སོགས་ལས་བྱའོ། །བརྒྱད་དང་བཅུ་བཞིའི་དུས་ཀྱི་ཚེ། །སྐྱ་རེངས་ཤར་དང་དམར་རེངས་ཆ། །ཉིན་མཚན་ཟད་པའི་དུས་ཀྱི་ཚེ། །སྐྲ་བཀྲོལ་བཅུད་འཛག་གཅེར་བུ་
D500.087.0173b03.01ནི། །བྱོལ་སོང་གནས་སུ་ཁྲག་སྐྱུག་གོ། །ལུས་དབུས་མེ་འབར་བསྒྲུབ་བྱ་དེ། །ཁྲོ་བོའི་བ་སྤུའི་བུ་ག་ལས། །སྤྲོས་པའི་ཁྲོ་བོ་ཁྲོས་པ་དང་། །མངག་གཞུག་རྣམས་ཀྱིས་དྲངས་བྱས་ནས། །རྟོག་པས་རྟོག་པ་བཟའ་བར་བྱ། སྔར་ནི་རྡོ་རྗེ་ས་འོག་ལས། །གདུག་པ་འདིར་
D500.087.0173b04.01ནི་བཟའ་བར་བྱ། །མང་དུ་སྨྲས་པས་ཅི་ཞིག་དགོས། །མ་བཅོས་པ་ཡི་སེམས་ཅན་ལ། །སྙིང་རྗེའི་ཡིད་ཅན་རྡོ་རྗེ་སེམས། །ཏིལ་སོགས་རྫས་དང་སྔགས་སྦྱོར་གྱིས། །སྡིག་པ་ཞི་བྱེད་སྦྱིན་སྲེག་བྱ། །རིག་པའི་བློ་ཅན་ཀུན་བཟང་གིས། །ཞོ་ལ་བསྲེག་བྱ་རྒྱས་པའོ། །
D500.087.0173b05.01མི་རྟག་གྱུར་པའི་གདུལ་བྱ་ལ། །འདོད་ཆགས་ཡིད་ཅན་བདེ་ཆེན་གྱིས། །བདག་ཉིད་དགོས་པ་བརྟན་བྱའི་ཕྱིར། །ཨུཏྤལ་དམར་སོགས་ཀྱིས་བསྒྲུབ་པའོ། །འདིར་ནི་མ་རུངས་སྡིག་པ་བྱེད། །གཙོར་ནི་སྦྱང་ཕྱིར་ཁྲོ་སེམས་ཀྱིས། །མངོན་སྤྱོད་ལས་ནི་རྒྱུད་ཀུན་ལས། །
D500.087.0173b06.01བཤད་པ་ཐམས་ཅད་འདིར་བྱའོ། །རིག་སྔགས་སྙིང་རྗེའི་ཤུགས་ཀྱིས་འགྲོ། །ལས་ངན་རྒྱུན་གཅོད་བཅོས་མ་ཡིན། །ལས་ངན་དག་པའི་རང་བཞིན་དུ། །ཁྲོས་པས་དམིགས་པར་མི་འགྱུར་ཏེ། །སྦྱོར་བ་རྣམས་ནི་བཅོས་མར་འགྱུར། །བྱང་ཆུབ་བཅོས་མེད་འབད་
D500.087.0173b07.01