完整藏文原文 · 德格版页 当前仅加载第 87 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་གར་སྐད་དུ། ཨཱརྱ་བཛྲ་པཱ་ཎི་ནཱི་ལཱཾ་བ་ར་དྷ་ར་ཏྲི་ལོ་ཀ་བི་ན་ཡ་ནཱ་མ་ཏ་ནྟྲ། བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བ་འཇིག་རྟེན་གསུམ་འདུལ་བའི་རྒྱུད། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་
D501.087.0177a01.01དུས་གཅིག་ན། བཅོམ་ལྡན་འདས་རི་རབ་ཀྱི་བྱང་ཕྱོགས་ལྕང་ལོ་ཅན་གྱི་ཕོ་བྲང་ན་བཞུགས་ཏེ། བརྗོད་ཀྱིས་མི་ལང་བའི་ལྷ་དང་མི་དང་ལྷ་མ་ཡིན་ལ་སོགས་པའི་འཇིག་རྟེན་པ་དང་། བྱང་ཆུབ་སེམས་དཔའ་ལག་ན་རྡོ་རྗེ་ལ་སོགས་པ་ལ་བཀའ་སྩལ་པ། རིགས་ཀྱི་བུ་རྣམས་
D501.087.0177a02.01མ་འཇིགས་ཤིག །མ་སྐྲག་ཤིག །མ་དངང་ཞིག་ཅེས་གསུངས་སོ། །དེ་ནས་བཅོམ་ལྡན་འདས་འཇིག་རྟེན་གསུམ་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀའི་དཔལ་གྱི་བེའུ་ལ་འོད་ཟེར་ཁ་དོག་གསུམ་ལས་གྲུབ་པ་འོད་ཟེར་ཁ་དོག་གསུམ་པའི་
D501.087.0177a03.01འོད་ཟེར་བྱེ་བ་ཁྲག་ཁྲིག་བརྒྱ་སྟོང་དུ་མ་འཇིག་རྟེན་གསུམ་དུ་བཀྱེ་སྟེ། ཐམས་ཅད་བཀུག་ནས་སླར་ཡང་འོད་ཀྱིས་སྣང་བར་བྱས་ནས། ཨོྃབཛྲ་ཙཎྜ་པ་ཙ་དུ་ཤྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཕཊ། ཏིརྱ་བི་དཱ་ར་ཎཱ་ཡ་ཕཊ། པྲེ་ཏ་བི་དཱ་ར་ཎཱ་ཡ་ཕཊ། ན་ར་བི་དཱ་ར་ཎཱ་ཡ་
D501.087.0177a04.01ཕཊ། ན་ར་ག་ཎ་བི་དཱ་ར་ཎཱ་ཡ་ཕཊ། དེ་བ་བི་དཱ་ར་ཎཱ་ཡ་ཕཊ། ཅེས་གསུངས་པས། འཇིག་རྟེན་གསུམ་པོ་ཐམས་ཅད་ཀྱི་ལུས་གས་ནས་སེམས་ཤེལ་སྒོང་ལྟ་བུར་གནས་པར་གྱུར་ཏོ། །སེམས་ཡི་གེ་གསུམ་ལྟ་བུར་གནས་ཏེ། ཨོྃ་ནི་ཞལ་གསུམ་ཕྱག་དྲུག་སྟེ། །ཨཱཿནི་
D501.087.0177a05.01ཞལ་གཅིག་ཕྱག་གཉིས་ཏེ། །ཧཱུྃ་ནི་རྒྱན་དང་བྲལ་གྱུར་པ། །རིགས་ནི་གསུམ་དུ་གྱུར་པ་ཡིན། །ཞེས་གསུངས་སོ། །དེ་ནས་རིགས་གསུམ་དུ་གྱུར་པས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཤིན་ཏུ་རྙེད་དཀའ་བ། །ཞེ་སྡང་ཆེན་པོའི་བདག་ཉིད་ཅན། །ཕྱག་ན་
D501.087.0177a06.01རྡོ་རྗེ་རྙེད་དཀའ་བ། །བདག་ཅག་གིས་ནི་ཐོབ་པར་འགྱུར། །དེ་ནས་རྡོ་རྗེ་འཛིན་པའི་རྒྱལ་པོས་འཁོར་གྱི་གཙོ་བོ་རྡོ་རྗེ་འཛིན་པ་ཐུགས་བསྐུལ་བའི་སྔགས་འདི་གསུངས་སོ། །བཛྲ་པཱ་ཎི་ཧྲྀ་ད་ཡཾ་ད། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་བསྟོད་པ། ཏདྱ་ཐཱ།
D501.087.0177a07.01