完整藏文原文 · 德格版页 当前仅加载第 88 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་ཡང་རྙེད་པར་དཀའོ། །དེའི་བསྟན་པ་དམ་པའི་ཆོས་ཐོས་པ་ཡང་ཤིན་ཏུ་རྙེད་པར་དཀའ་གསང་སྔགས་དང་ཕྱག་རྒྱའི་ཚོགས་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ཐོས་པ་ཡང་ཤིན་ཏུ་རྙེད་པར་དཀའ་སྟེ། འདི་ནི་ཤིན་ཏུ་ངོ་མཚར་ཏོ་ཞེས་
D510.088.0031a01.01སྨྲས་སོ། །དེ་ནས་དེའི་ཚེ་བྲམ་ཟེ་སེར་སྐྱའི་ཟླ་བ་ཞེས་བྱ་བ་བཅོམ་ལྡན་འདས་ལས་དེ་ལྟ་བུའི་གསང་སྔགས་དང་ཆོ་གའི་ཡོན་ཏན་ཆེན་པོ་དེ་དག་ཐོས་ཤིང་ཐོབ་ནས་སེམས་ཀྱི་སྒྲིབ་པའི་རྡུལ་དང་རྙོག་པ་རྣམས་དང་བར་གྱུར། འཆི་བའི་འཇིགས་པ་དང་། སྡིག་པ་དང་། ལས་ཀྱི་སྒྲིབ་
D510.088.0031a02.01པ་ཐམས་ཅད་ཀྱང་དག་པར་གྱུར། ཚེ་ཡང་ཕྱིར་ནུར་ཏེ་རིང་བར་གྱུར་ནས་དགའ་མགུ་ཡི་རངས་ཏེ་ཡིད་བདེ་བ་ཆེན་པོ་ཐོབ་པར་གྱུར་ཏོ། །དེ་ནས་འབྱུང་པོའི་ཚོགས་ཐམས་ཅད་ཀྱང་སེམས་དང་ཞིང་རྗེས་སུ་ཡི་རང་བར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
D510.088.0031a03.01སྒྲིབ་པ་ཐམས་ཅད་རྣམ་པར་སེལ་བས་དེ་བཞིན་གཤེགས་པ་ལ་མཆོད་པའི་ལས་ཀྱི་ཕྱིར་འཁོར་དེར་རིན་པོ་ཆེའི་ཁང་པ་བརྩེགས་པ་ནོར་བུ་སྣ་ཚོགས་ཀྱིས་སྤྲས་པ་ཞིག་མངོན་པར་སྤྲུལ་ནས། ཆོས་ལ་དགའ་བའི་ཕྱིར་བཅོམ་ལྡན་འདས་ལ་ཕུལ་ཏེ། ལན་གསུམ་བསྐོར་བ་བྱས་ནས་
D510.088.0031a04.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་གསང་སྔགས་དང་། ཕྱག་རྒྱ་དང་། དཀྱིལ་འཁོར་གྱི་ཆོ་ག་ཤིན་ཏུ་རྙེད་པར་དཀའ་བ་སེམས་ཅན་ཐམས་ཅད་ལ་ཕན་པ་དང་བདེ་བ་རྣམས་ཀྱི་མཆོག་འཛམ་བུའི་
D510.088.0031a05.01གླིང་གི་སེམས་ཅན་སྒྲིབ་པ་ཆེ་བ་རྣམས་ཀྱི་དོན་དུ་བཤད་དེ། དགེ་བའི་རྩ་བ་བསྐྱེད་ཅིང་ཚེ་རིང་བ་དང་། སྡུག་བསྔལ་གྱི་ཕུང་པོ་ཐམས་ཅད་ལས་ཐར་བར་མཛད་པ་ལགས་ན། དེ་འདིར་བདག་ཅག་བྱང་ཆུབ་སེམས་དཔའ་རྣམས་ཀྱིས་ཀྱང་སངས་རྒྱས་བཅོམ་ལྡན་འདས་ཐམས་ཅད་
D510.088.0031a06.01ལ་གསོལ་ཏེ། དེ་བཞིན་གཤེགས་པའི་སྤྱན་སྔར་ཡང་དག་པའི་ཡེ་ཤེས་ཆུབ་པར་བགྱིད་པའི་ཕྱག་རྒྱ་དང་། གསང་སྔགས་ཀྱི་ཚིག་བཤད་པར་འཚལ་ལོ། །ན་མོ་བྷ་ག་བ་ཏེ། ན་བ་ན་བ་ཊཱི་ནཱཾ། སཾ་མྱཀ་སཾ་བུདྡྷ་ཀོ་ཊི་ནི་ཡུ་ཏ་ཤ་ཏ་ས་ཧ་སྲཱ་ཎཱཾ། ནམཿསརྦ་ནི་བ་ར་ཎ་བི་སྐམྦི་ནི་
D510.088.0031a07.01