完整藏文原文 · 德格版页 当前仅加载第 88 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
པོས་ཀྱང་སྨྲས་པ། མཱ་ཏངྒེ་མཱ་ཏངྒེ། མཱ་ཏངྒི་ནི། ཤཱུ་མཱ་ཤཱ་མུ། ཡུལ་འཁོར་སྲུང་གིས་ཀྱང་སྨྲས་པ། ཙ་རེ་ཙ་རེ་རེ་སྭཱ་ཧཱ། མིག་མི་བཟང་གིས་ཀྱང་སྨྲས་པ། བ་ལམྤི་པ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་
D513.088.0044a01.01དག་གང་ལ་ལ་ཞིག་སངས་རྒྱས་ཐམས་ཅད་ཀྱིས་གཟིགས་པའི་རིག་སྔགས་འདི་ཉིན་རེ་ལ་ལན་རེ་འདོན་ན་རིགས་ཀྱི་བུའམ། རིགས་ཀྱི་བུ་མོ་དེ་ལ་སྟོན་པའི་འདུ་ཤེས་བསྐྱེད་པར་བྱའོ། །རིགས་ཀྱི་བུའམ། རིགས་ཀྱི་བུ་མོ་དེ་ངན་སོང་གསུམ་དུ་འགྲོ་བར་མི་འགྱུར་རོ། །
D513.088.0044a02.01འདིས་སེམས་ཅན་ཐམས་ཅད་ཀྱི་སྲོག་ལ་ཕན་བཏགས་པར་འགྱུར་རོ། །གང་ཞིག་སེམས་ཅན་ཐམས་ཅད་ཀྱི་དོན་དུ་ཉིན་གཅིག་བཞིན་དུ་ཚིག་ཏུ་འདོན་པ་དང་། གང་ཡང་འདི་ཀློག་པ་དེ་ལ་དུས་མ་ཡིན་པར་འཆི་བའི་འཇིགས་པ་མེད་དོ། །དེའི་ལུས་ལ་ནད་ངན་པ་འབྱུང་བར་
D513.088.0044a03.01མི་འགྱུར་རོ། །ཆུས་འཆི་བའི་དུས་བྱེད་པར་མི་འགྱུར་རོ། །མེས་མ་ཡིན། མཚོན་གྱིས་མ་ཡིན། དུག་གིས་མ་ཡིན། ལྕེ་འབབ་པས་མ་ཡིན་ནོ། །གང་ན་རྒྱལ་བའི་བུ་དག་རིག་སྔགས་འདོན་པའི་ས་ཕྱོགས་དེ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་
D513.088.0044a04.01ཀྱིས་དགོངས་པར་རིག་པར་བྱའོ། །ཡི་གེར་འདྲིའམ། །ཡི་གེར་འདྲིར་འཇུག་པ་དེས་སངས་རྒྱས་བཅོམ་ལྡན་འདས་ལ་རིམ་གྲོར་བྱ་བ་ཐམས་ཅད་ཀྱིས་བསྟི་སྟང་བྱས་པར་འགྱུར་རོ། །དེ་ཅིའི་ཕྱིར་ཞེ་ན། སེམས་ཅན་རྣམས་ལ་རིམ་གྲོ་བྱེད་པ་ནི་སངས་རྒྱས་ལ་རིམ་གྲོ་བྱེད་པ་
D513.088.0044a05.01ཡིན་ནོ་ཞེས་དེ་བཞིན་གཤེགས་པ་རྣམས་གསུང་བའི་ཕྱིར་རོ། །སུ་ཞིག་གིས་འདི་བྲིས་ནས་ཡན་ལག་ལ་བཏགས་ན་དེའི་ཡན་ལག་ཐམས་ཅད་བསྲུང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྒྱལ་པོ་ཆེན་པོ་བཞི་དང་། ཐམས་ཅད་དང་
D513.088.0044a06.01ལྡན་པའི་འཁོར་དེ་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས་
D513.088.0044a07.01