完整藏文原文 · 德格版页 当前仅加载第 88 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
ཡབ་ཡུམ་དང་འདྲ་ལ། ལས་ཐམས་ཅད་ཟད་པར་བྱེད་པའི་མདོ་སྡེའི་རྒྱལ་པོ་ཆེན་པོ་མཉན་པའི་དུས་མ་ཡིན་ཏེ། གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དེ་དག་དང་། སེམས་ཅན་མང་པོ་གཞན་དག་ཀྱང་ངན་སོང་དུ་འགྲོ་བར་འོང་ངོ་། །རིགས་ཀྱི་བུ་དེ་དག་
D527.088.0074a01.01ནི་མདོ་སྡེའི་རྒྱལ་པོ་འདི་ལ་དད་པར་མི་འགྱུར་ཏེ། འདོད་པས་ལྡོངས་པའི་ཡིད་ཀྱིས་ཁྱིམ་ཡོངས་སུ་སྐྱོང་བར་བྱེད་ཅིང་། རྨོ་རྐོ་དང་། ཚོང་དང་། གཡུལ་འགྱེད་པ་དང་། འཐབ་པ་ལ་སྲེད་པར་འགྱུར་རོ། །དེ་ནས་ཤི་འཕོས་ནས་ཀྱང་སེམས་ཅན་དམྱལ་བ་ཆེན་པོ་བརྒྱད་པོ་དག་ཏུ་བཙོ་
D527.088.0074a02.01བར་འགྱུར་རོ། །དེ་ནས་དེའི་ཚེ་སྲོག་ཆགས་བརྒྱད་ཁྲི་སྟན་ལས་ལངས་ནས། བཅོམ་ལྡན་འདས་ཀྱི་ཞབས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་དད་པར་བགྱིད་ལགས་སོ། །མངོན་པར་མཆོད་པར་བགྱིད་ལགས་སོ། །རྒྱས་པར་ཡང་བགྱིད་ལགས་
D527.088.0074a03.01སོ། །འདྲི་བ་དང་། ཀློག་པ་དང་། ཉན་དུ་སྩལ་བ་དང་། འདོན་པ་ལ་སྤྲོ་བར་བགྱིད་ལགས་སོ། །སླད་ཀྱིས་ཆོས་མ་ལགས་པའི་དུས་དེ་ལ་བབ་ན། སྤྱོ་བ་དང་། བརྒྱད་བཀག་པ་དང་། བསྡིགས་པ་བཟོད་པར་བགྱིད་ལགས་སོ། །བཅོམ་ལྡན་འདས་བདག་ཅག་ནི་བཀའ་དྲིན་
D527.088.0074a04.01གཟོ་བར་བགྱིད་ཀྱི། བཀའ་དྲིན་མི་གཟོ་པར་མི་བགྱིད་དེ། བདག་ཅག་སླད་ཀྱིས་འགྱོད་པར་འགྱུར་བར་མི་བགྱིད་ལགས་སོ། །བཅོམ་ལྡན་འདས་ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་ཞེས་བགྱི་བའི་མདོ་བསྟན་དུ་གསོལ། འདི་ནི་སླད་མའི་དུས་སླད་མའི་ཚེ་དེ་བཞིན་
D527.088.0074a05.01གཤེགས་པའི་ཕྲིན་ལས་བགྱིད་པར་འགྱུར་བ་ལགས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་དགེ་བའི་བཤེས་གཉེན་ཇི་ལྟར་ཡོངས་སུ་བཙལ་བར་བགྱི། བཅོམ་
D527.088.0074a06.01ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་རྒྱུན་མི་འཆད་པར་དགེ་བའི་བཤེས་གཉེན་ལ་ལྟ་བར་འདོད་པ་དང་། བརྩོན་འགྲུས་བརྩམས་པ་དང་། བསམ་པ་ཡོངས་སུ་དག་པ་དང་། ཆོས་འདོད་པར་བྱས་ཏེ། ཆོས་བཞི་པོ་དེ་
D527.088.0074a07.01