完整藏文原文 · 德格版页 当前仅加载第 88 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
བྷི་ཥིཀྟཱ་ཡཻ་སྭཱ་ཧཱ། ཨེ་ཀ་ཤྲིང་གཱ་ཡཻ་སྭཱ་ཧཱ། ཨ་ཤྲིང་གྲཱ་ཡཻ་སྭཱ་ཧཱ། བྷཱུ་ཏཱ་ཡཻ་སྭཱ་ཧཱ། ཨ་སྃ་བྷཱུ་ཏཱ་ཡཻ་སྭཱ་ཧཱ། སརྦ་དུཿཁོ་པྲ་ཤ་མ་ནྱཻ་སྭཱ་ཧཱ། ཟླ་འོད་གཞོན་ནུར་གྱུར་པ་ལ་ཕྱག་འཚལ་ལོ། །ཏདྱ་ཐཱ། ཙནྡྲ་པྲ་བྷེ། སུ་པྲ་བྷེ། པྲ་བྷཱ་ཀ་རེ། པྲ་བྷོཏྒ་ཏེ། པྲ་བྷོཏྒ་ཏེ། པྲ་བྷ་བ་ཏི། པྲ་བྷ་བ་ཏི། དྷརྨ་བི་ཤུདྡྷེ།
D542.088.0104a01.01ཀརྨཱ་བི་ཤུད་དྷིརྦྷ་བ་ཏུ་མེ་སྭཱ་ཧཱ། ཚེ་བརྗོད་གང་ལ་ལ་ཞིག་རིག་སྔགས་འདིས་ཉིན་ཞག་བདུན་དུ་ཉིན་ལན་བདུན་མཚན་ལན་བདུན་དུ་བྱབ་པ་བྱས་ན། དེས་ལས་ཀྱི་སྒྲིབ་པ་མ་ལུས་པར་རྣམ་པར་དག་པར་འགྱུར་རོ། །དགེ་སློང་བདུན་ལ་ཟན་སྦྱིན་ནོ། །མེ་ལས་མེ་སྤེལ་བར་བྱའོ། །མཚན་མོ་མར་
D542.088.0104a02.01མེ་ཐོགས་ཏེ་མཆོད་རྟེན་ལ་བསྟི་སྟང་དུ་བྱས་ལ་བསྐོར་བར་བྱའོ། །དམ་པའི་ཆོས་བྲི་བ་དང་བཀླག་པ་ལ་བརྩོན་པར་བྱའོ། །གལ་ཏེ་ཡམས་ཀྱི་ནད་ཆེར་བྱུང་ན་ཁྱིམ་ནས་ཁྱིམ་དང་། གྲོང་ནས་གྲོང་དང་། གྲོང་ཁྱེར་ནས་གྲོང་ཁྱེར་དུ་གན་དྷ་ར་སའི་བདུག་པ་དང་གཏོར་མ་དང་། ལྷ་བཤོས་ཀྱིས་
D542.088.0104a03.01མཆོད་པར་བྱའོ། །ནད་པ་གང་ཡིན་པ་དེས་ཀྱང་ཆོ་ག་འདི་བཞིན་བྱས་ན་དེ་མྱུར་དུ་ནད་ལས་ཐར་བར་འགྱུར་རོ། །དེ་ནས་ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །དགེ་སློང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་ཆོས་ཀྱི་རྣམ་གྲངས་
D542.088.0104a04.01འདི་འཛིན་ཏམ། ཀློག་གམ། ཡི་གེར་འདྲིའམ། ཡི་གེར་འདྲིར་འཇུག་གམ། གཞན་དག་ལ་ཡང་རྒྱ་ཆེར་ཡང་དག་པར་སྟོན་ན་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་
D542.088.0104a05.01སྨྲས་སོ། །ཆོས་ཀྱི་རྣམ་གྲངས་འདི་ཅི་ནས་སྐྱེ་བོ་ཐམས་ཅད་ཀྱི་རྣ་ལམ་དུ་གྲག་པར་འགྱུར་བར་ཡུལ་ནས་ཡུལ་དང་། གྲོང་ཁྱེར་ནས་གྲོང་ཁྱེར་དང་། གྲོང་ནས་གྲོང་དུ་བསྐུར་བར་བྱའོ། །ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །ཚེ་བརྗོད་རིགས་ཀྱི་
D542.088.0104a06.01བུའམ་རིགས་ཀྱི་བུ་མོ་གང་ལ་ལས་ཆོས་ཀྱི་རྣམ་གྲངས་འདི་ལན་གཅིག་བཀླགས་ན་དེ་བདག་ཉིད་ཐར་བར་འགྱུར་རོ། །སུས་ལན་གཉིས་བཀླགས་ན་དེ་བུ་དང་ཆུང་མ་དང་ལྷན་ཅིག་ཐར་བར་འགྱུར་རོ། །སུས་ལན་གསུམ་བཀླགས་ན་དེ་རྩ་ལག་གི་ཚོགས་ཀྱི་སྐྱེ་བོ་དང་བཅས་ཏེ་ཐར་བར་འགྱུར་རོ། །
D542.088.0104a07.01