完整藏文原文 · 德格版页 当前仅加载第 90 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཟུང་སྟེ། གོས་ངུར་སྨྲིག་བགོས་ནས་སྟོང་ཆེན་པོ་རབ་ཏུ་འཇོམས་པའི་མདོ་སྡེའི་རྒྱལ་པོ་གདོན་ཐམས་ཅད་ལས་ཐར་བར་བྱེད་པ། སངས་རྒྱས་ཀྱི་ཕྱག་རྒྱའི་ཆོས་ཀྱི་རྣམ་གྲངས་འདི་བླངས་ཤིང་བཟུང་སྟེ། བཀླགས་ཤིང་བཤད་ལ་ཀུན་ཆུབ་པར་བགྱིས་ཤིང་ཡི་གེར་བྲིས་ནས་མདུད་
D558.090.0080a01.01པ་བོར་ཏེ་འཆང་ན། དེ་ལ་ཡམས་ཀྱི་ནད་དང་། འཇིགས་པ་དང་། གནོད་པ་དང་། ནད་འགོ་བ་དང་། འཁྲུགས་པ་དང་། ཁྲག་ཁྲུག་དང་། འཐབ་མོ་དང་། བཅིང་བ་དང་། རྩོད་པ་དང་། འགྱེད་པ་ནས་ཕྲ་མའི་བར་གྱི་སྡིག་པ་མི་དགེ་བའི་ཆོས་རྣམས་ཀྱིས་མི་ཚུགས་པར་འགྱུར་ལགས་སོ། །རྣམ་
D558.090.0080a02.01པར་འཚེ་བ་ཐམས་ཅད་ལས་རྒྱལ་བར་འགྱུར་ལགས་སོ། །ཡུལ་འཁོར་མཚམས་གཅད་པར་འཚལ་བ། ཁྲུས་བགྱིས་པ། ཟས་དཀར་གསུམ་འཚལ་བ། ཟས་ངན་པ་རྣམ་ལྔ་སྤངས་པ། མིའི་བསླབ་པའི་གཞི་ཐམས་ཅད་ཡོངས་སུ་བཟུང་བ། སེམས་ཅན་ཐམས་ཅད་ལ་སེམས་སྙོམས་པ། ཤིན་ཏུ་བརྒྱན་
D558.090.0080a03.01པ། གོས་དང་། རྒྱན་དང་ལྡན་པ་དེས་གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། སུམ་མདོ་དང་། ཁྱིམ་རྣམས་ཉལ་ཉིལ་གྱི་ཕུང་པོ་མ་མཆིས་པར་བགྱིས་ཏེ། རྒྱལ་པོའི་ཕོ་བྲང་འཁོར་གྱི་དབུས་ཀྱི་དོག་ས་རྣམས་སུ་མེ་ཏོག་སིལ་མ་བཀྲམ་ལ། སྤོས་སྣ་ཚོགས་ཀྱིས་རབ་ཏུ་བདུག་པར་
D558.090.0080a04.01བགྱིའོ། །ཕྱོགས་བཞིར་བུ་མོ་ཤིན་ཏུ་ཁྲུས་བགྱིས་པས་བརྒྱན་པ། ལག་ན་མཚོན་ཐོགས་པ་བཞི་དང་། དྲིལ་བུ་བཞི་དང་། རིན་པོ་ཆེའི་སྣོད་བཞི་བཞག་གོ། །སྔ་དྲོའི་དུས་ཀྱི་ཚེ་གདུགས་ཤར་བ་དང་། རིག་སྔགས་བཀླག་པར་བགྱི་སྟེ། མདོ་སྡེ་བཟླས་ཤིང་བཀླག་པར་བགྱིའོ། །ཡི་གེར་བྲིས་ཏེ་མཆོད་
D558.090.0080a05.01རྟེན་ཆེན་པོ་དང་། ཤིང་ལྗོན་པ་ཆེན་པོ་དང་། རྒྱལ་མཚན་ཆེན་པོའི་རྩེ་མོ་ལ་བསྟོད་དེ་བཏགས་ལ། མེ་ཏོག་སྣ་ཚོགས་དང་། སྤོས་སྣ་ཚོགས་དག་གིས་དགུང་ཟླ་ཕྱེད་ཀྱི་བར་དུ་མཆོད་པར་བགྱིའོ། །གདུགས་རེ་རེ་ཞིང་རིག་སྔགས་ལན་རེ་བཀླག་པར་བགྱིའོ། །དེ་ལྟར་ན་ཡུལ་འཁོར་ཡོངས་སུ་ཐར་བར་འགྱུར་རོ། །
D558.090.0080a06.01དེ་ལྟར་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། ཕོ་བྲང་འཁོར་དང་། གནས་དང་། གཙུག་ལག་ཁང་དང་། ཁྱིམ་དང་། ཞིང་དང་། ལས་ཁང་དང་། ཤིང་ལྗོན་པ་དང་། འབྲས་བུ་དང་། ནེའུ་གསིང་དང་། ཀུན་དགའ་ར་བ་དང་། གནག་ལྷས་དང་། ཕྱུགས་ལྷས་རྣམས་ཉལ་
D558.090.0080a07.01