完整藏文原文 · 德格版页 当前仅加载第 90 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོག་འཁོར་དག་གིས་ཡོངས་སུ་བསྐོར། །གནོད་སྦྱིན་བྱེ་བ་ཕྲག་སྟོང་རྣམས། །དེ་དག་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །ས་ག་ལྔས་རྩེན་ཟླ་བ་དང་། །སེང་གེ་སྡེ་དང་རབ་གནོན་དང་། །
D562.090.0144a01.01མ་ལ་སྦྱིན་བརྩོན་དྲག་པོ་དང་། །གང་པོ་དང་ནི་ནོར་འཛིན་དང་། །ཙནྡན་དང་ནི་འདོད་མཆོག་དང་། །སྣ་ཚོགས་སྡེ་དང་གཏོར་མ་ལེན། །ཡིད་བཞིན་རབ་འབྱོར་བཞིན་བཟང་དང་། །འདམ་བུ་ཅན་དང་ཤིན་ཏུ་རྒྱལ། །འདོད་པ་ཐམས་ཅད་འབྱོར་པ་དང་། །དབང་པོ་རྒྱལ་བ་ཁྱུ་མཆོག་
D562.090.0144a02.01དང་། །ནོར་བུ་བཟང་སྲས་རྫོགས་བཟང་དང་། །འདམ་བུ་ས་མཆོག་འདམ་བུ་དགའ། །ཁབ་ཀྱི་སྤུ་ཅན་རིང་བཟང་དང་། །ལག་མཆོག་སྐྱེ་དགུའི་བདག་པོ་དང་། །འདམ་བུའི་རྒྱུད་དང་མདུང་རིང་དང་། །རིག་པ་སྟོབས་ཅན་ནོར་བུ་དང་། །འཇོག་པོ་ནག་པོ་ཆེན་པོ་དང་། །ལ་
D562.090.0144a03.01བ་ཅན་དང་དྲེའུ་དང་གཉིས། །ཀླུ་ཡི་རྒྱལ་པོ་ས་སྲུང་བུ། །ཡན་ལག་ཆེན་པོ་རྫུ་འཕྲུལ་ཆེ། །ནམ་མཁའ་ལྡིང་ནི་ཤུགས་ཆེན་ལྡན། །འདབ་ཆགས་ཀུན་གྱི་མཆོག་གྱུར་པ། །བྱ་ཡི་གཟུགས་ཀྱིས་མཆི་བགྱིད་ཅིང་། །རྒྱ་མཚོ་ཀུན་ཏུ་འཁྲུག་པར་བགྱིད། །ལྷ་དང་ལྷ་མིན་
D562.090.0144a04.01དྲི་ཟ་རྣམས། །འཇིགས་པར་བགྱིད་དང་དགེ་བའང་རུང་། །མ་དད་པ་དང་དད་པ་རྣམས། །དེ་དག་ཐམས་ཅད་འདིར་མཆིས་ཏེ། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །འཕྲོག་མ་ཞེས་བགྱི་གནོད་སྦྱིན་མོ། །འཇིགས་པར་བགྱིད་པ་སྟོབས་
D562.090.0144a05.01ཆེན་མོ། །དེ་ཡི་བུ་ནི་ལྔ་བརྒྱ་རྣམས། །འཇིགས་བགྱིད་གནོད་སྦྱིན་མཐུ་རྩལ་ཅན། །བདག་ཉིད་ཀྱི་ནི་གཡོག་ལགས་ཏེ། །དེ་དག་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །མ་ག་དྷཱ་ན་ཐམས་ཅད་མཐོང་། །
D562.090.0144a06.01ཀ་ཤི་ཀ་ནི་པདྨ་འཆང་། །ཡངས་པ་ཅན་ན་རྒྱལ་མཆོག་གནས། །གྱད་ཡུལ་ན་ནི་གྲགས་འཛིན་གནས། །རྒྱལ་པོའི་ཁབ་ན་ཀུ་བེ་ར། །སེར་སྐྱའི་གནས་ན་དྲག་པོ་སྟེ། །ཏ་མ་ལ་ན་འབྱོར་པ་གནས། །མི་ཏི་ལ་ན་ཀུན་ཏུ་རྒྱལ། །མ་མོ་ཆེན་མོ་འདི་བརྒྱད་ནི། །གནོད་སྦྱིན་
D562.090.0144a07.01