完整藏文原文 · 德格版页 当前仅加载第 90 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་ཀྱིས་འདི་ལྟ་སྟེ། བྱང་ཆུབ་སེམས་དཔའི་མ་དང་། བྱང་ཆུབ་སེམས་དཔའི་སྔོན་གྱི་སྤྱོད་པ་དང་། བདེན་པའི་སྨོན་ལམ་དང་། བྱང་ཆུབ་སེམས་དཔའ་ས་ཡོངས་སུ་བཟུང་བ། བྱང་ཆུབ་སེམས་དཔའི་ཆོས་
D569.090.0195b01.01འདི་དག་སྒོམས་ཤིང་། །སྟོན་ཅིག །འདི་ལྟ་སྟེ། གཟུངས་ཀྱི་ཆོས་ཀྱི་རྣམ་གྲངས་སོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ནི། ཡུལ་ན་མི་གནས། ཕྱོགས་ན་མི་གནས་ན་བཅོམ་ལྡན་འདས་གཟུངས་
D569.090.0195b02.01གཟུངས་ཞེས་བགྱི་བ་ལ། བཅོམ་ལྡན་འདས་གཟུངས་ཞེས་བགྱི་བ་འདིའི་ཚིག་གི་དོན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་ཁྱོད་འདི་ལྟར་ཐེག་
D569.090.0195b03.01པ་ཆེན་པོ་ལ་ཡང་ཡང་དག་པར་ཞུགས་པ་དང་། ཐེག་པ་ཆེན་པོ་ལ་མངོན་པར་བརྩོན་པ་དང་། ཐེག་པ་ཆེན་པོ་ལ་ལྷག་པར་བྱ་བ་བྱེད་པ་དང་། ཁྱོད་གཟུངས་ཡུལ་ན་མི་གནས། ཕྱོགས་ན་མི་གནས་པར་སྟོན་པ་ཡང་ལེགས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་གཟུངས་ནི་ཆོས་ཉིད་
D569.090.0195b04.01ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བ་མ་ཡིན་ཏེ། ཤཱ་རིའི་བུ་གཟུངས་ནི་འདས་པ་ཞེས་མི་འཆད། མ་འོངས་པ་ཞེས་མི་འཆད། ད་ལྟར་བྱུང་བ་ཞེས་མི་འཆད། དངོས་པོར་མི་འཆད། དངོས་པོ་མེད་པར་མི་འཆད། མཚན་མ་དང་། མཚན་མ་མེད་པར་མི་
D569.090.0195b05.01འཆད། ཆོས་གང་སྐྱེ་བའི་ཕྱིར་རམ། འགག་པའི་ཕྱིར་མི་འཆད་མོད་ཀྱི། ཤཱ་རིའི་བུ་འོན་ཀྱང་བྱང་ཆུབ་སེམས་དཔའ་ལ་ཕན་པར་བཞེད་པའི་ཕྱིར་ཆོས་སྟོན་ཏེ། གང་འདི་གཟུངས་ཀྱི་ཆོས་ཀྱི་རྣམ་གྲངས་ཀྱི་གཟུངས་ནི་གཟུགས་མེད་པ་བྱ་བའི་ལམ་དུ་གྱུར་པ། །རིགས་པའི་སྟོབས་ཀྱིས་གནས་
D569.090.0195b06.01བ། སངས་རྒྱས་ཀྱི་ཡོན་ཏན། སངས་རྒྱས་ཀྱི་ལྷག་པར་བྱ་བ་སྒྲུབ་པ། སངས་རྒྱས་ཀྱི་ཚུལ་ཁྲིམས། སངས་རྒྱས་ཀྱི་བསྡུས་པ། སངས་རྒྱས་ཀྱི་མཚམས་སྦྱོར་བ། སངས་རྒྱས་འབྱུང་བའོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D569.090.0195b07.01