完整藏文原文 · 德格版页 当前仅加载第 90 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ནི། །ལྷ་ཡི་གཟིགས་པས་རྟག་ཏུ་གཟིགས། །བརྒྱ་བྱིན་གྱི་ནི་ཚིག་གསན་ནས། །དབང་ཕྱུག་གིས་ནི་འདི་སྐད་གསུངས། །ལྷ་ཡི་དབང་པོ་ང་ལ་ཉོན། །ཁྱོད་ལ་ངས་ནི་བསྲུང་བ་སྦྱིན། །ལྷའི་དབང་པོ་སྔོན་བྱུང་བ་འདས་པའི་དུས་ན་འཇིག་རྟེན་གྱི་
D574.090.0201a01.01ཁམས་འཇིག་རྟེན་གྱིས་རྣམ་པར་བལྟས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དབང་ཕྱུག་འོད་ལས་ངས་གཙུག་གི་ནོར་བུ་ཞེས་བྱ་བའི་ཕྱིར་ཟློག་པ་དེ་བཞིན་གཤེགས་པ་བྱེ་བས་གསུངས་པ་བཟུང་ངོ་། །མཁས་པ་
D574.090.0201a02.01གང་གིས་རིག་སྔགས་འདི། །བྲིས་ནས་སྤྱི་བོར་འདོགས་པའམ། །འདོན་ཏམ་འོན་ཏེ་ཀློག་ན་ཡང་། །དེ་ཡི་འཇིགས་པ་ཀུན་མེད་དེ། །རྟག་ཏུ་སྲུང་ཞིང་སྦ་བ་དང་། །གཡུལ་འགྱེད་པ་ན་རྒྱལ་བར་བྱེད། །སྡིག་དང་རྨི་ངན་ཞི་བ་དང་། །བསོད་ནམས་བཀྲ་ཤིས་རབ་ཏུ་འཕེལ། །
D574.090.0201a03.01ལྷ་ཡི་དབང་པོ་དེ་བས་ན། །གང་ཞིག་རྒྱལ་བར་འགྱུར་འདོད་པས། །བྲིས་ཏེ་སྤྱི་བོར་གདགས་པར་བྱ། །ཡིད་ལ་རྟག་ཏུ་དྲན་པར་གྱིས། །གཡུལ་འགྱེད་འབའ་ཞིག་མ་ཡིན་ཏེ། །འདི་ནི་རྟག་ཏུ་སྡིག་པ་འཕྲོག །བུད་མེད་རྣམས་ལ་བུ་ཕོ་སྐྱེད། །མངལ་ན་གནས་པ་ཡོངས་སུ་སྐྱོང་། །
D574.090.0201a04.01ཕུན་སུམ་ཚོགས་པ་ཐམས་ཅད་བྱེད། །སྡིག་པ་ཐམས་ཅད་རབ་ཏུ་འཇིག །འདི་མིང་ཕྱིར་ཟློག་བྱེད་ཅེས་བྱ། །ཡན་ལག་རྣམས་ལ་ཕྱིར་འབབ་བྱེད། །ལྷའི་དབང་པོ་ཕྱིར་ཟློག་པ་ཞེས་བྱ་བ་རིག་སྔགས་ཀྱི་རྒྱལ་མོ་ཆེན་མོ་སེམས་ཅན་ཐམས་ཅད་ལ་ཕན་པར་བྱེད་པ། ལྷ་མ་ཡིན་རྣམས་
D574.090.0201a05.01ཕམ་པར་བྱེད་པ། ཕ་རོལ་གྱི་དམག་ཚོགས་ཐམས་ཅད་རབ་ཏུ་ཞི་བར་བྱེད་པ་ཟུང་ཤིག །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བདུན་ཉན་ཐོས་ཀྱི་དགེ་འདུན་དང་བཅས་པ། བྱང་ཆུབ་
D574.090.0201a06.01སེམས་དཔའ་དག་དང་བཅས་པ་རྣམས་ལ་ཕྱག་འཚལ་ལོ། །ཏདྱ་ཐཱ། ཨོཾ་ཛ་ཡ་ཀ་རི། ཡུད་དྷོ་ཏྟ་ར་ཎི་བི་ཙི་ཏྲ་མུ་ཁི། སརྦ་མཾ་ག་ལ་དྷཱ་ར་ཎཱི། ཛཱི་མཱུ་ཏེ་ས་ཧ་སྲ་བྷུ་ཛེ། ས་ཧ་སྲ་ནེ་ཏྲེ། ས་ཧ་སྲ་ཤིར་སེ། ནཱ་ནཱ་ལངྐཱ་རཱ་བྷི་བྷཱུ་ཥི་ཏེ། མ་ཎི་ཀུཎྜ་ལ་སཾ་ནཱ་ཧ་སནྣ་དྷེ། བི་ཙི་ཏྲ་མཽ་ལི་དྷ་རེ། ཙནྡྲ་སཱུརྱ།
D574.090.0201a07.01