完整藏文原文 · 德格版页 当前仅加载第 90 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ།
D598.090.0248a03.01སརྦ་ཏ་ཐཱ་ག་ཏོཥྞཱི་ཥ་བི་ཛ་ཡནཱ་མ་དྷཱ་ར་ཎཱི་ཀལྤ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་མའི་གཟུངས་ཞེས་བྱ་བའི་རྟོག་པ། གཙུག་ཏོར་རྣམ་པར་རྒྱལ་མ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་
D598.090.0248a04.01འདས་བདེ་བ་ཅན་ན་བཞུགས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཆོས་ཡང་དག་པར་སྡུད་པའི་ཕུག་ཆེན་པོའི་ཁང་{བཟངས་ཀྱི་,བཟང་གི་}ཚལ་བདེ་བ་ལ་ཉེ་བར་བཞུགས་ནས། བྱང་ཆུབ་སེམས་དཔའ་སེམས་དཔའ་
D598.090.0248a05.01ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་སེམས་ཅན་སྡུག་བསྔལ་དང་ནད་སྣ་ཚོགས་ཀྱིས་ཡོངས་སུ་གཟིར་ཅིང་ཚེ་ཐུང་བ་ཡོད་དེ། དེ་རྣམས་ཀྱི་དོན་དུ་ཚེ་རིང་བར་ཉེ་བར་བསྒྲུབ་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་
D598.090.0248a06.01ཀྱི་གཙུག་ཏོར་རྣམ་པར་རྒྱལ་མ་ཞེས་བྱ་བའི་གཟུངས་འདི་གཟུང་བར་བྱ། གཞན་རྣམས་ལ་རྒྱ་ཆེར་ཡང་དག་པར་བསྟན་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་ཐལ་མོ་སྦྱར་བར་གྱུར་པས་བཅོམ་
D598.090.0248a07.01