完整藏文原文 · 德格版页 当前仅加载第 91 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་མ་ཧཱ་དཎྜ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་བེ་ཅོན་ཆེན་པོ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
D606.091.0037a02.01འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་ན་ཚེ་དང་ལྡན་པ་སྒྲ་གཅན་ཟིན་རྒྱལ་པོའི་ཁབ་
D606.091.0037a03.01ཀྱི་དུར་ཁྲོད་ཆེན་པོ་བསིལ་བའི་གནས་ན་བུད་ཤིང་ཆེན་པོ་ལྟ་བུའི་ཕྱོགས་ན་འདུག་གོ། །དེར་འདི་ལྟ་སྟེ། ལྷའི་གདོན་རྣམས་དང་། ལྷ་མ་ཡིན་གྱི་གདོན་རྣམས་དང་། ཀླུའི་གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་།
D606.091.0037a04.01མིའམ་ཅིའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣམས་དང་། དྲི་ཟའི་གདོན་རྣམས་དང་། མིའི་གདོན་རྣམས་དང་། རླུང་ལྷའི་གདོན་རྣམས་དང་། {ཡི་དགས་,ཡི་དྭགས་}ཀྱི་གདོན་རྣམས་དང་། འབྱུང་པོའི་གདོན་རྣམས་དང་། ཤ་ཟའི་གདོན་རྣམས་དང་། གྲུལ་
D606.091.0037a05.01བུམ་གྱི་གདོན་རྣམས་དང་། གཟིག་རྣམས་དང་། བྱ་རོག་རྣམས་དང་། འུག་པ་རྣམས་དང་། གྲོག་སྦུར་རྣམས་དང་། སྡིག་སྦྲུལ་རྣམས་དང་། གཞན་ཡང་མི་དང་། མི་མ་ཡིན་པའི་སེམས་ཅན་རྣམས་ཀྱིས་ཚེ་དང་ལྡན་པ་སྒྲ་གཅན་ཟིན་ལ་ཤིན་དུ་གཙེས་སོ། །དེ་
D606.091.0037a06.01ནས་ཚེ་དང་ལྡན་པ་སྒྲ་གཅན་ཟིན་བྱ་རྒོད་ཕུང་པོའི་རི་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་
D606.091.0037a07.01