完整藏文原文 · 德格版页 当前仅加载第 91 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་ཅིང་བཤད་པར་མི་བྱའོ། །སྲོག་གཅོད་པ་དང་། མ་བྱིན་པར་ལེན་པ་དང་། འདོད་པ་ལ་ཕྱིན་ཅི་ལོག་པ་དང་། {བརྫུན་,རྫུན་}དུ་སྨྲ་བ་ནི་ཚངས་པར་སྤྱོད་པ་དང་། སྤྱད་པར་འདོད་པས་སྤང་བར་བྱའོ། །དགེ་སློང་རྣམས་དང་། བྱང་ཆུབ་ཏུ་སེམས་བསྐྱེད་པ་དང་། དམ་ཚིག་དང་
D631.091.0072a01.01ལྡན་པ་ལ་གུས་པར་བྱ་ཞིང་བརྙས་པར་མི་བྱའོ། །ཐུན་མཚམས་ཀྱི་སྦྱོར་བ་དང་ལྡན་པར་བྱའོ། །ཁྲོ་བ་དང་། བབ་ཆོལ་དུ་སྨྲ་བ་དང་། ལད་ལུད་དང་། བཤང་གཅི་འདོར་བ་དང་། དྲི་མ་འཁྲུ་བ་དང་། སྐྲ་དང་སེན་མོ་ལ་སོགས་པའི་མི་གཙང་བ་དེ་དག་དང་། །དྲི་ང་བ་དང་། དྲི་མ་མི་ཞིམ་པ་དཀུ་ཞིང་
D631.091.0072a02.01མནམ་པ་དང་ལྡན་པ་ཐམས་ཅད་སྤང་བར་བྱའོ། །ཁང་པ་ནི་སྤོས་ཀྱི་ཁང་པ་ཡིད་དུ་འོང་བ་གཙང་ཞིང་དྲི་མ་མེད་པ་དག་བཀྲ་ཤིས་པའི་སྒོ་ཤར་དུ་བསྟན་པ། གསེང་སྐར་དང་བཅས་པའི་ཁང་པའམ། བྲམ་ཟེའི་ཁྱིམ་མམ། དགེ་འདུན་གྱི་ཀུན་དགའ་ར་བའམ། ལྷ་ཁང་ངམ། རི་བོའི་རྩེའམ།
D631.091.0072a03.01བྱ་སྐད་སྒྲོགས་པའི་སའམ། དགོན་པའམ། བས་མཐའ་འམ། སྤང་ལྗོངས་དག་ཏུ་དྲི་ཞིམ་པོའི་ཆུས་སྐྱོང་ནུལ་བྱས་ལ། རྩྭའི་སྟན་བཏིང་སྟེ་གནས་པར་བྱའོ། །ཁྲི་ལ་འདུག་པ་སྤང་བར་བྱའོ། །ཞོ་དང་། འོ་མ་དང་། མར་དང་། ལ་དུ་དང་། ལག་པན་དང་། སྣུམ་ཁུར་དང་།
D631.091.0072a04.01ཁུར་སྐྱ་དང་། འབྲས་དང་། འབྲས་ཟན་ལ་སོགས་པ་དག་སྨྱུང་བ་དང་ལྡན་པས་བཟའ་བར་བྱའོ། །ཤ་དང་། ཆང་དང་། སྒོག་པ་ལ་སོགས་པ་དཀུ་བའི་ཟས་རྣམས་ཀུན་ཏུ་སྤང་བར་བྱའོ། །ཟླ་བ་དང་། སྐར་མ་དང་། ཚེས་གྲངས་ལ་སོགས་པ་ནི་ཡར་གྱི་ངོ་དག་ལ་དཀོན་མཆོག་ལ་གསོལ་
D631.091.0072a05.01བ་བཏབ་ལ་བསྒྲུབ་པར་བྱའོ། །རེ་བ་དང་། རྔ་མ་དང་། རྩུབ་པ་དག་ནི་མ་ཡིན་ནོ། །འདོད་པའི་དོན་དུ་འཇམ་ཤིང་གནག་པ་ལ་ནི་འགལ་བ་མེད་དོ། །དུས་རྟག་ཏུ་ཡི་དམ་ལ་དད་པ་བསྐྱེད་པའི་ཕྱིར་བྱམས་པའི་བསམ་པ་དང་ལྡན་པས་བསྒྲུབ་པར་བྱའོ། །སྤྲུལ་པའི་ཁྲོ་བོ་རྡོ་རྗེ་ཤུགས་ཅན་
D631.091.0072a06.01ནི་ཁ་དོག་ཤིན་ཏུ་གནག་པ་སྟེ། ང་དང་ང་ཡིར་འཛིན་པའི་བདག་ཉིད་གནམ་ལྕགས་ཀྱི་འཁོར་ལོ་བསྣམས་པའོ། །རྡོ་རྗེ་ཆགས་ཆེན་ནི་མདོག་དེ་མར་པོ་ཆགས་པ་དང་ཆགས་པར་བྱེད་པའི་བཞིན་གྱི་མདའ་གཞུའོ། །རྡོ་རྗེ་རྣོན་པོ་ནི་ལྗང་ཁུ་སྟེ། འཛིན་ཅིང་ཡོངས་སུ་འཛིན་པའི་བདག་
D631.091.0072a07.01