完整藏文原文 · 德格版页 当前仅加载第 91 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་བྲལ་བ། །ཐུབ་པ་ཉི་མས་བཀའ་སྩལ་པ། །ཀྱེ་མ་མིང་བརྒྱ་རྩ་བརྒྱད་མཆོག །མིང་གི་ཡོན་ཏན་འོད་ལྡན་པ། །བདེ་དང་ཕུན་སུམ་ཚོགས་བསྒྲུབ་པ། །ཐབས་ཆེན་བླ་ན་མེད་པ་སྟེ། །མིང་བརྒྱ་རྩ་བརྒྱད་འདི་དག་ནི། །འཇིག་རྟེན་ཀུན་གྱི་
D635.091.0109a01.01བདེ་སྐྱེད་པ། །འདི་ནི་བཏོན་པ་ཙམ་གྱིས་ཀྱང་། །སྡིག་པ་ཐམས་ཅད་དག་པར་འགྱུར། །སྡིག་པ་དག་ལས་རྒྱལ་བ་ཡི། །བྱམས་པ་བསྟོད་པའི་གནས་པ་ལ། །མིང་བརྒྱ་རྩ་བརྒྱད་དམ་པ་འདིས། །མི་ནི་ལ་ལ་གང་བསྟོད་པ། །དེ་ལ་ལྷ་ལ་སོགས་ཀུན་དང་། །
D635.091.0109a02.01ལག་ན་རྡོ་རྗེ་སྟོབས་ཆེན་རྣམས། །རྟག་པ་ཉིད་དུ་སྡུག་བསྔལ་ཀུན། །གཏན་དུ་བསལ་ཕྱིར་བརྩོན་པར་བྱེད། །གང་ཞིག་མིང་བརྒྱ་རྩ་བརྒྱད་མཆོག །མྱུར་དུ་འདོན་པའི་མི་དེ་ནི། །སངས་རྒྱས་ས་ཡང་ཐོབ་འགྱུར་ཏེ། །འདི་ལ་ཐེ་ཚོམ་ཡོང་མེད་དོ། །ནང་པར་
D635.091.0109a03.01མལ་ནས་ལངས་ནས་ནི། །གང་ཞིག་བྱམས་པའི་སེམས་ཀྱིས་བསྟོད། །དེ་ལ་བྱམས་པ་རྟོགས་པ་ཡི། །བྱམས་པ་བདེ་ལེགས་བྱེད་པར་འགྱུར། །དེ་ཕྱིར་དྲི་མ་ཐམས་ཅད་སེལ་བྱེད་ཅིང་། །སྡིག་འཇོམས་ཡོན་ཏན་ཐམས་ཅད་བསྐྱེད་པ་དང་། །དེ་བཞིན་འཇིག་
D635.091.0109a04.01རྟེན་སྡུག་བསྔལ་སེལ་བ་ཡི། །མིང་བརྒྱ་རྩ་བརྒྱད་ཆེད་དུ་དག་པར་ལྷོགས། །འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སོ།།
D635.091.0109a05.01