完整藏文原文 · 德格版页 当前仅加载第 91 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་ཐམས་ཅད་ལས་ཐར་བར་འགྱུར་རོ། །ལན་གཉིས་བརྗོད་པ་ཙམ་གྱིས་སྡིག་པ་ཐམས་ཅད་ལས་གྲོལ་བར་འགྱུར་རོ། །ལན་གསུམ་བརྗོད་པ་ཙམ་གྱིས་ཉོན་མོངས་པ་ཐམས་ཅད་ལས་གྲོལ་བར་འགྱུར་རོ། །དེ་ལྟར་ན་བརྗོད་པ་ཙམ་གྱིས་གོང་ནས་གོང་དུ་ཡོན་ཏན་
D637.091.0113b01.01རྣམས་འཐོབ་པར་འགྱུར་ཏེ། དེ་བཞིན་གཤེགས་པ་ཡང་མཐོང་བར་འགྱུར་རོ། །འཆག་བཞིན་དུ་བཟླས་བརྗོད་བྱས་ན་སྡུག་བསྔལ་ཐམས་ཅད་ལས་ཐར་བར་འགྱུར་རོ། །ཤིང་གཅིག་འགྲེང་གི་དྲུང་དུ་བཟླས་བརྗོད་བྱས་ན་གྲུབ་པ་ཐམས་ཅད་འཐོབ་པར་འགྱུར་རོ། །
D637.091.0113b02.01འགྲོ་བཞིན་དུ་བཟླས་བརྗོད་བྱས་ན་སེམས་ཅན་ཐམས་ཅད་དབང་དུ་འགྱུར་རོ། །ནགས་ཚལ་ཆེན་པོའི་ནང་དུ་སྐྱིལ་མོ་ཀྲུང་བཅས་ཏེ་འདུག་ལ་ལན་བདུན་བརྗོད་ན་བསམ་གཏན་ཆེན་པོ་འཐོབ་པར་འགྱུར་ལ་ཉོན་མོངས་པ་དང་ཡང་བྲལ་བར་འགྱུར་རོ། །འཕགས་པ་ཀུན་ཏུ་
D637.091.0113b03.01བཟང་པོའི་སྐུ་གཟུགས་ཀྱི་དྲུང་དུ་སྐྱིལ་མོ་ཀྲུང་བཅས་ཏེ་འདུག་ལ་མེ་ཏོག་ལ་སོགས་པ་ཇི་སྙེད་པས་མཆོད་ནས་ལུས་ངལ་བར་གྱུར་གྱི་བར་དུ་གཟུངས་ཆེན་མོ་འདི་བརྗོད་ལ། ངལ་བར་གྱུར་ནས་དེ་ཉིད་དུ་ཉལ་ན་རྨི་ལམ་དུ་བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་
D637.091.0113b04.01འགྱུར་ཏེ། ཕྱག་གཡས་པས་དེ་ལ་བྱུགས་ནས་ཡང་དག་པར་དབུགས་འབྱིན་པར་མཛད་དེ་ཆོས་ཀྱི་སྣང་བ་ཆེན་པོ་ཡང་སྩོལ་བར་མཛད་དོ། །འདི་སྐད་དུ་རྒྱལ་བའི་སྲས་ལེགས་སོ་ལེགས་སོ། །ཁྱོད་ནི་དེ་བཞིན་གཤེགས་པའི་དཀྱིལ་འཁོར་ཆེན་པོར་ཞུགས་པ་ཡིན་ཏེ།
D637.091.0113b05.01ཁྱོད་ཚེ་བརྗེས་ནས་ས་ཆེན་པོ་ཐོབ་པར་འགྱུར་རོ་ཞེས་ཀྱང་གསུང་ངོ་། །དེ་ནས་ལུས་བདེ་བ་དང་། སེམས་བདེ་བ་དང་། དགའ་བ་ཆེན་པོ་དང་། དང་བ་དང་། མཆོག་ཏུ་དགའ་བ་ཆེན་པོ་དང་ལྡན་བཞིན་དུ་སད་པར་འགྱུར་རོ། །མཐུ་ཆེ་བ་དང་། དབང་ཆེ་བར་
D637.091.0113b06.01གྲགས་པར་ཡང་འགྱུར་རོ། །ལྷ་རྣམས་ཀྱང་དེ་ལ་བལྟ་བའི་ཕྱིར་འོང་ངོ་། །ནང་བར་ལངས་ནས་བྱང་ཆུབ་སེམས་དཔའ་རྣམས་ཀྱིས་ཡང་དག་པར་བསྡུས་པའི་མདོ་སྡེ་རྣམས་བཀླག་པར་བྱའོ། །སེམས་ཅན་ཐམས་ཅད་ལ་ཡང་ཕན་པ་དང་བདེ་བའི་སེམས་བསྐྱེད་པར་
D637.091.0113b07.01