完整藏文原文 · 德格版页 当前仅加载第 91 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་རྩ་བརྒྱད་པ། །འདི་དག་སོ་སོར་རྗོད་བྱེད་ན། །ང་ནི་ཉེས་པ་ཀུན་ཟློག་ཅིང་། །རྟག་ཏུ་དེ་ཡི་ཕྱི་བཞིན་འབྲང་། །ནང་པར་ལངས་ནས་གཙང་མ་ཡིས། །སྒྲིབ་པ་ཐམས་ཅད་སེལ་བ་ལ། །བློ་ལྡན་གང་ཞིག་སྟོད་བྱེད་པ། །དེ་ཡི་སྡིག་པ་མེད་པར་
D640.091.0124a01.01འགྱུར། །གང་ཞིག་མིང་བརྒྱ་རྩ་བརྒྱད་མཆོག །ནང་པར་ལངས་ནས་རྗོད་བྱེད་པ། །སྡང་བ་ཐམས་ཅད་དེ་དབང་འགྱུར། །བགེགས་རྣམས་ཀྱིས་ཀྱང་ཡོངས་སུ་གཏོང་། །སྡིག་པ་དག་པ་འཐོབ་པ་དང་། །དེ་བཞིན་བསོད་ནམས་འཕེལ་བ་དང་། །ཡེ་ཤེས་རྒྱ་མཚོ་
D640.091.0124a02.01ལོངས་སྤྱོད་ཅིང་། །ས་མཆོག་ཆེན་པོ་ཐོབ་པར་འགྱུར། །གང་ཞིག་ངེས་པར་གནས་བྱས་ལ། །མིང་བརྒྱ་རྩ་བརྒྱད་མཆོག་འདོན་པ། །དེས་ནི་འབྱོར་ཆེན་སངས་རྒྱས་ས། །རིང་པོར་མི་ཐོགས་ཐོབ་པར་འགྱུར། །རྒྱུད་ཆེན་ལྡན་ཞིང་བློ་ཆེ་བ། །གང་ཞིག་
D640.091.0124a03.01མིང་མཆོག་འདོན་པ་ནི། །རྡོ་རྗེའི་དཀྱིལ་འཁོར་བསྟན་པ་ལ། །རིང་པོར་མི་ཐོགས་འཇུག་པར་འགྱུར། །བྱང་ཆུབ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སོ།། །།
D640.091.0124a04.01