完整藏文原文 · 德格版页 当前仅加载第 91 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་སྡེ་དཔོན་སྐེམས་བྱེད་ལགས། །ལྷ་མིན་དབང་པོ་ཐགས་ཟངས་རིས། །མིག་དམར་གཟའ་ལག་པ་བ་སངས། །སྤེན་པ་དཔའ་བོ་ལྷ་ཀུན་ལགས། །ལྷ་རྣམས་ཀུན་གྱིས་ཕྱག་བགྱིས་པ། །འཇིག་རྟེན་ཆོས་ཀྱི་དྲི་མ་བྲལ། །ཁྱོད་ནི་འཇིག་
D642.091.0127a01.01རྟེན་གང་ཟག་མཆོག །འཇིག་རྟེན་མཁྱེན་པ་འཇིག་རྟེན་རིག །ཡེ་ཤེས་ཅན་གྱི་དམ་མཆོག་པ། །དམ་པ་སྦྱིན་དང་གནས་དང་སྐྱབས། །བདུད་ཀྱི་ལས་ཀྱིས་ཡོངས་མི་རྫི། །ཁ་ན་མ་ཐོ་མི་མངའ་ཟབ། །དགེ་བའི་བཤེས་གཉེན་ཀུན་ཏུ་གྲགས། །ཁྱོད་ནི་སྨན་པ་ཟུག་
D642.091.0127a02.01རྔུ་འབྱིན། །མི་འདུལ་ཁ་ལོ་སྒྱུར་བའི་མཆོག །བློ་གྲོས་ལྡན་ཞིང་རྟོགས་དང་ལྡན། །བློ་དང་ལྡན་ཞིང་མཁས་པ་ལགས། །ཁྱོད་ནི་བསོད་ནམས་དཔག་བསམ་ཤིང་། །བྱང་ཆུབ་ཡན་ལག་མེ་ཏོག་བརྒྱན། །རྣམ་གྲོལ་འབྲས་བུ་ཕུན་སུམ་ཚོགས། །ལུས་
D642.091.0127a03.01ཅན་ཀུན་གྱི་མཆོག་ཏུ་གྱུར། །ཡིད་དུ་འོང་ཞིང་ཡིད་འཕྲོག་པ། །སྡིག་པ་མི་མངའ་ཚངས་པར་སྤྱོད། །ཁྱོད་ནི་མཇུག་{རིངས་,རིང་}གཟའ་མཆོག་ལགས། །ཁྱོད་ནི་དྲང་སྲོང་ཐུབ་པ་མཆོག །ཁྱོད་ནི་རྒྱལ་ཚབ་དབང་བསྐུར་བ། །ས་བཅུའི་མངའ་བདག་གཙོ་བོ་ལགས། །
D642.091.0127a04.01དེད་དཔོན་འགྲོ་བ་རྣམས་ཀྱི་གཙོ། །མྱ་ངན་འདས་པ་མཆོག་སྟོན་བཞིན། །ཁྱོད་ནི་ནམ་མཁའ་ས་ཆུ་བཞིན། །ཁྱོད་ནི་མེ་དང་རླུང་ལྟ་བུ། །ཁྱོད་ནི་ཡིད་བཞིན་ནོར་བུ་ལྟར། །སེམས་ཅན་རེ་བ་ཀུན་རྫོགས་མཛད། །འབྱུང་པོ་ཀུན་གྱིས་ཕྱག་བགྱིས་པ། །
D642.091.0127a05.01རིན་ཆེན་ཁྱོད་ལ་ཕྱག་འཚལ་ལོ། །འཇམ་དཔལ་གྱིས་ནི་བཀའ་སྩལ་པ། །ཨོཾ་བཱ་ཀྱེ་དྃ་ན་མཿསྭཱ་ཧཱ། ཇི་སྐད་སྨོས་པའི་མཚན་རྣམས་དང་། །རིག་སྔགས་བཅས་པར་འཛིན་ན་ནི། །སྡིག་འགྱུར་རྣམ་དག་རབ་ཏུ་ཐོབ། །བརྒྱ་ལས་རྩ་བརྒྱད་ལྷག་པའི་མཚན། །
D642.091.0127a06.01སྐྱེས་བུ་དུས་གསུམ་སུ་ཀློག་པ། །དེ་འདོད་བསམ་དགུ་ཡིད་བཞིན་དུ། །གདོན་མི་ཟ་བར་འགྲུབ་པར་འགྱུར། །བཟང་པོའི་མཚན་རྣམས་དྲན་ན་ནི། །མཚམས་མེད་སྐལ་བ་མཉམ་པ་ཡི། །ལས་རྣམས་མི་བཟད་གང་བྱས་པ། །དེ་དག་ཐམས་ཅད་མྱུར་དུ་བྱང་། །
D642.091.0127a07.01