完整藏文原文 · 德格版页 当前仅加载第 91 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བྱས་ཏེ་ལེགས་པར་བྱ། །རིན་པོ་ཆེ་ཡི་སྣོད་དུ་གཞུག །དཀར་ཆེན་མངོན་པར་གསལ་བའི་ཚེ། །ནང་གི་ཆ་རིས་སྐུ་ཁྲུས་གསོལ། །གསལ་ཞིང་དང་ས་ལ་ཡིད་དུ་འོང་། །དྲི་དང་ལྡན་པའི་བུམ་པ་ཡི། །མེ་ཏོག་དཀར་པོའི་དྲི་ཡི་ནི། །འདག་
D666.091.0195a01.01ཆལ་ལྡན་པས་ཁྲུས་བྱའོ། །དེ་ནས་དེ་མ་ཐག་ཏུ་ནི། །དཀྱིལ་འཁོར་དབུས་སུ་སྤྱན་དྲངས་ལ། །མེ་ཏོག་དཀར་པོ་དབུལ་བར་བྱ། །ལ་ཕུག་ལ་དུར་བཅས་པ་ཡི། །གཏོར་མ་ཆེན་པོའང་དེ་ནས་དབུལ། །སྤོས་དང་དྲི་དང་མར་མེ་དང་། །ལྷ་བཤོས་དག་གིས་མཆོད་
D666.091.0195a02.01པར་བྱ། །གསང་སྔགས་འདི་ལ་ཕུག་དང་། །ལ་དུ་དང་། ཆུ་དང་། དཀར་གསུམ་གྱི་གཏོར་མས་ཚོགས་ཀྱི་བདག་པོ་ལ་ཕུལ་ཏེ། སྤོས་དང་མེ་ཏོག་རྣམས་ཀྱང་དབུལ། དེ་ལྟར་བྱས་ན་ཕྱིས་བགེགས་བྱེད་པར་མི་ནུས་སོ། །ཚོགས་ཀྱི་བདག་པོ་མཆོད་པའི་ལེའུ་སྟེ་བརྒྱད་
D666.091.0195a03.01པའོ།། །།དེ་ནས་ལ་ཕུག་ཅེས་བྱ་བ། །རོ་བརྒྱད་ལྡན་པའི་ཡུངས་མ་སྟེ། །ཟས་རྣམས་ཀུན་གྱི་མཆོག་ཀྱང་ཡིན། །རོ་མཆོག་བརྒྱད་དང་ལྡན་པ་ཡིན། །ཁ་དང་སྐྱུར་དང་བསྐ་བ་དང་། །མངར་དང་ཚ་དང་ལན་ཚྭའི་རོ། །བཞུན་དང་བྲོ་མཆོག་ཆེ་བ་ཡིན། །ནད་སྣ་
D666.091.0195a04.01བརྒྱད་ཀྱི་གཉེན་པོ་ཡིན། །མཁྲིས་པ་བད་ཀན་འདུས་པ་དང་། །ཁྲག་དང་ཆུ་སེར་མ་ཞུ་བ། །རླུང་དང་རིམས་ནད་ཀུན་ལ་ཕན། །འདི་འདྲ་བྱུང་བའི་ཁ་ཟས་མེད། །ལྷ་རྣམས་ཀུན་གྱི་མཆུ་ཡང་འགུལ། །དངོས་གྲུབ་འགྲུབ་པའི་ཞལ་ཟས་ཡིན། །ཚོགས་ཀྱི་
D666.091.0195a05.01བདག་པོ་མཆོད་པར་བྱ། །ལ་དུ་ཞེས་བྱའི་ཞལ་ཟས་ནི། །མངར་གསུམ་འབྲས་བུ་གསུམ་པ་ནི། །དེ་བཞིན་ཞིམ་པའི་སྤོས་ཀྱིས་བྲན། །བག་ཟན་གྱི་ནི་རིལ་བུ་བྱ། །འོ་མ་མར་དུ་བཙོས་བྱས་ལ། །ཚོགས་པའི་གཏོར་མ་ཆེན་པོ་བྱ། །མར་དང་ཁུར་བ་མངར་གསུམ་
D666.091.0195a06.01དང་། །མཐུན་པའི་ཞལ་ཟས་སྣ་ཚོགས་ཀྱིས། །ཚོགས་བདག་ཆེན་པོ་མཆོད་པར་བྱ། །དེ་ལྟར་ཚོགས་ཀྱི་བདག་པོ་ལའོ། །ཚོགས་ཀྱི་བདག་པོའི་སྐུ་གཟུགས་ལག་པ་གཡས་པའི་མཐིལ་དུ་བཞུགས་ལ། སེམས་གཞན་དུ་མ་ཡེངས་པར་བཟླས་བརྗོད་འབུམ་བྱས་
D666.091.0195a07.01