完整藏文原文 · 德格版页 当前仅加载第 91 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
རེས་འགའ་རི་བྲག་ཟབ་མོར་གནས། །རེས་འགའ་ཚལ་དང་ཤིང་ལ་གནས། །རེས་འགའ་དུར་ཁྲོད་དབུས་ན་གནས། །ལྷ་མོའི་གནས་རྟེན་དེ་རུ་འཆའ། །གནས་དེ་རི་དང་ཚལ་དགོན་དུ། །རྟག་ཏུ་ལྷ་མོ་ཁྱོད་
D671.091.0209a01.01བསྟོད་ན། །དེ་ཡིས་དགོངས་པ་སྐོང་བར་བྱེད། །བདག་གིས་རྟག་ཏུ་བསྟོད་བྱས་ན། །བདག་གི་བསམ་པ་འགྲུབ་པར་མཛོད། །རྨ་བྱའི་སྒྲོ་ལ་རྒྱལ་མཚན་བྱས། །གང་ཞིག་རྟག་བསྟེན་སྲུང་བར་བྱེད། །གནག་ལུག་ཕྱུགས་རྣམས་འཕེལ་བར་བྱེད། །སེང་གེ་
D671.091.0209a02.01སྟག་དང་སྤྱང་ཀི་ཡིས། །རྟག་ཏུ་ཀུན་ནས་བསྐོར་ནས་ཀྱང་། །རྡོ་རྗེ་དྲིལ་ཆེན་སྙན་པར་སྒྲོགས། །བྱིན་ཏེ་དྲིལ་ཆེན་སྙན་པར་སྒྲོགས། །ལན་འགའ་ལག་ན་ཏྲི་ཤཱུ་ལ་ཐོགས། །ལན་འགའ་ཉི་ཟླའི་རུ་མཚོན་ཕྱར། །མར་གྱི་ཚེས་དགུ་བཅུ་གཅིག་ན། །དེ་ཡི་དུས་
D671.091.0209a03.01སུ་མཆོད་བྱས་ན། །ལྷ་མོ་ཁྱོད་ལས་ལྷག་པ་མེད། །བདུད་འདུལ་ལྷ་མིན་སྲིན་མོར་སྟོན། །དགྲ་དང་འཐབ་ཚེ་རྒྱལ་བར་བྱེད། །བུད་མེད་ནང་ན་མཆོག་ཡིན་ཏེ། །ཚིག་དབང་འཇིག་རྟེན་མགོན་པོ་འདྲ། །རྒྱལ་པོའི་ཁབ་ན་པདྨ་འདྲ། །ཞལ་བཟང་ཟླ་བ་ཉ་བ་
D671.091.0209a04.01འདྲ། །ཆུ་ལ་རྒལ་ན་གྲུ་ཟམ་འདྲ། །ཕོངས་པ་རྣམས་ཀྱི་གཉེན་བཤེས་འདྲ། །ལྷ་དང་ལྷ་མིན་གཡུལ་འགྱེད་ཚེ། །ལྷ་མོ་ཁྱོད་ཀྱི་ལྟེ་བ་ལ། །ལྷ་རྣམས་ཀུན་གྱི་རྫོང་བཅས་ནས། །ལྷ་དམག་དཀར་པོ་རྒྱལ་བར་བྱས། །ལྷ་མ་ཡིན་རྣམས་ཕམ་པར་བྱེད། །
D671.091.0209a05.01ལག་ན་མདུང་དམར་ཆེམས་སེ་ཆེམས། །རུ་མཚོན་བ་དན་མེ་ལྟར་འབར། །དགྲ་འདུལ་གཡུལ་བཟློག་ཁྱེད་ལ་བསྟོད། །དེ་ནས་དྲང་སྲོང་ཆེན་པོ་ཀོའུ་དི་ནྱས་དཔལ་ལྷ་མོ་ལ་དཔེ་བྱད་ཀྱི་སྒོ་ནས་བསྟོད་པ། འཇིག་རྟེན་གཙོ་ལ་རྟག་ཏུ་གུས་ཕྱག་འཚལ། །མ་རྣམས་
D671.091.0209a06.01ནང་ན་ཁྱོད་ནི་རྟག་ཏུ་མཆོག་ཡིན་ཏེ། །འཇིག་རྟེན་གསུམ་པོ་ཐམས་ཅད་ཁྱོད་ལ་བསྟོད། །བྱད་བཞིན་སྡུག་མཛེས་ཀུན་གྱིས་བལྟ་བར་མོས། །ཡོན་ཏན་རྣམ་པ་སྣ་ཚོགས་ལུས་རབ་བརྒྱན། །མིག་ཡངས་འདམ་སྐྱེས་སྔོན་པོའི་འདབ་མ་འདྲ། །བསོད་ནམས་ཡེ་
D671.091.0209a07.01