完整藏文原文 · 德格版页 当前仅加载第 91 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
པོར་ཡང་། །ནམས་ཀྱང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའི་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི་ས་རྣམས་ནི། །རབ་དགའ་དྲི་མེད་འོད་བྱེད་འཕྲོ། །སྦྱང་དཀའ་མངོན་
D672.091.0211a01.01འགྱུར་རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་དུ་འོད་དང་བདུད་རྩི་འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པདྨའི་འོད། །ལས་ཀྱི་འོད་དང་དཔེ་མེད་ས། །དཔལ་
D672.091.0211a02.01ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་མྱུར་དུ་ཐོབ། །ས་རྣམས་མ་ཐོབ་པར་དུ་ཡང་། །འགྲོ་བ་རྣམས་ལ་ཕན་པ་དང་། །ཤེས་རབ་སྙིང་རྗེ་ལྡན་གྱུར་ཅིང་། །ཆོས་ལ་དགའ་བ་
D672.091.0211a03.01རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་སྟེ། །
D672.091.0211a04.01སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་པོར་འགྱུར། །ཞེས་གསུངས་པ་དང་། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་
D672.091.0211a05.01ཞིང་མངོན་པར་བསྟོད་དོ།། །།དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ་རྫོགས་སོ།།
D672.091.0211a06.01